týsdagur 17. februar 2015síða 28

4 lestrarblaðið 2015 Brúka skilið, men hav hjartað við, tá tú byrjar upp á eina útbúgving, tí um tú ikki ert motiverað/ur, so er torført at gjøgnumføra, vegleiðir Hanna Jensen, lestrarvegleiðari í Studentaskúlanum og HF-skeiðnum á Kambsdali. Í starvinum sum lestrarvegleiðari fær hon spurningar um mangt og hvat frá næmingum, sum ynskja at lesa víðari Annika Kunoy Im Tá tað stendur tær fyri durum, at skula fara undir víðari lesnað, so er týdningarmikið at seta seg inn í krøvini, sum skúlin setur til upptøku, í góðari tíð, sigur Hanna Jensen, lestrarvegleiðari. – Fyrst mást tú kanna, hvat góð tíð er, á tí skúlanum, sum tú ert áhugað/ur í. Hetta er ofta ymiskt frá einum skúla til annan. Eisini er umráðandi at spyrja seg fyri hjá fólki, sum arbeiða innan tað økið, og sum eru farin undir at taka ta útbúgvingina, sum tú umhugsar at lesa, sigur Hanna Jensen. Frá teimum kanst tú fáa svar upp á, hvussu arbeiðsuppgávurnar eru, hvat lest­urin serliga krevur, og annað. – Hugsa eisini um hvat tú ætlar at brúka útbúgvingina til, sigur hon. Hóast tað er umráðandi at fylgja hjartanum, so ávirkar valið, tú tekur, møguleikarnir, tú hevur við eini útbúgving. Ver eisini opin fyri, at tað kunnu vera alternativir mátar at gera tingini uppá. Kanska skalt tú hugsa eina aðra útbúgving, sum gevur líknandi ar­beiðs­upp­gávur? Kanska skalt tú um­ hugsa at taka útbúgvingina á øðrum­staði ella í øðrum landi? Kanska skalt tú raðfesta øðrvísi í ymisku útbúgvingardreymunum, tú hevur – Brúka skilið, men hjartað má eisini vera við, tá tú byrjar upp á eina útbúgving, tí um tú ikki ert motiverað/ur, so er torført at gjøgnumføra eina langa utbúgving, veg­ leiðir Hanna Jensen. Spurningarnir, sum lestrarvegleiðarin fær frá næmingum á miðnámi eru ofta skift­andi. Hanna Jensen greiðir frá at næmingar í 1. og 2. s spyrja nógv um hvørjar læru­greinar tey skulu velja, og á hvørjum støði lærugreinarnar skulu vera á, fyri at tey skulu sleppa inn á tann skúlan tey ynskja, og lesa tað tey hava hug til. – Eisini eru nógvir næmingar, á 2. og 3. ári, sum spyrja um vegleiðing, um hvussu næmingurin skal bera seg at við at sleppa til Onglands at lesa, til dømis, og nær hann skal byrja uppá umsóknina. Eftirspurningur er eisini á vegleiðing frá næmingum, sum eru lidnir við mið­náms­ útbúgvingina. – Vegleiðingin kemur ofta, tá tey eru liðug við miðnám. Tey flestu fara at gera okk­urt annað, tá tey eru liðug við miðnáms­ út­búgvingina, og koma síðani aftur eftir ráð­geving, tá tey eru klár at fara at lesa víðari, hava vunnið sær kunning og royndir. Hanna Jensen sigur at tað eisini er ein bólkur av næmingum, sum av eini hvørjari orsøk ikki finnur seg til rættis a miðnámi, og av tí sama ikki fáa nóg góð úrslit til at sleppa inn á tann skúlan, sum tey upp­runa­ liga ynsktu at sleppa á. – Fyri hesar næmingarnar er tokið er næstan koyrt, tá vit koma út á várið í 3.s. Ofta eru teir ikki motiveraðir, og hava ikki gagnnýtt árini á miðnám nóg væl. Tá hesir næmingarnir síðani síggja, at miðal­ karak­terurin ikki er nóg góður, so er sann­ kenningin ofta sorgfylt. Tað er umráðandi at kveikja vón í hesum umstøðunum, men eisini at diskutera, hvørjar møguleikar ein hevur at lata hurðina upp aftur, og hvat annað til ber at gera. Um tú hevur fingið keðiligar avbjóðingar á vegnum, so ver opin fyri at tú kanst fara at lesa í øðrum londum, enn tú ætlaði, ella brúka eitt eyka ár uppá at betra um okkurt úrslit ella lærugreinastig. Nógvir vegir leiða til málið Hentar heimasíður: Altjóða Skrivstovan: www.setur.fo/ask Meginfelga Føroya Studenta www.mfs.fo Mentamálaráðið www.mmr.fo Ráðgeving fyri føroyingar í Danmark www.radgevingin.dk Yrkisdepilin: www.yrkisdepilin.fo Hvat skal eg lesa? Uddannelsesguiden: www.ug.dk Karrierevejviser: www.karierevejviser.dk Studni: www.studul.fo Taks: www.taks.fo SU: www.su.dk SAAS: www.saas.gov.uk/student_ support/special_circumstances/ postgrad_list.htm Uttan fyri Norðurlond: Ucas: www.ucas.co.uk Ansa: www.ansa.no Bústaður í Danmark: Boligportal: www.boligportal.dk Samband til Føroyar: Vit Velja Føroyar: www.vitvejla.fo Stuðul til granskingarverkætlanir: www.gransking.fo