týsdagur 17. februar 2015síða 48

24 lestrarblaðið 2015 Annika Kunoy Im International Business Studies (IBS) er navnið á nýggju gymnasialu útbúgvingini á Handilsskúlanum á Kambsdali, sum byrj­ ar eftir summarfrítíðina. Útbúgvingin er ein vanlig miðnámsútbúgving, og líkist í stór­um útbúgvingini, sum Handilsskúlin bjóðar á Búskaparbreytini, men megin­part­ urin av undirvísingini verður á enskum. Hans Jacob Kollslíð, útbúgvingarleiðarin fyri International Business Studies, sigur at ein miðnámsútbúgving á enskum ikki merkir, at føroyska málið verður valt frá, tí næmingarnir eisini skulu hava føroyskt á A-stigi. Hinar lærugreinarnar fara allar fram á enskum, og við hesum útbúgva vit næm­ingar sum eru servandir til altjóða handil á enskum. IBS fyri føroyingar og útlendingar Tilboðið er serliga ætlað tveimum mál­ bólk­um í føroyska samfelagnum. Annar er nýføroyingarnir, sum ikki duga nóg væl føroyskt og danskt. Hetta er ein bólkur sum Hans Jacob Kollslíð væntar fer at fáa gagn av nýggja tilboðnum. Hin málbólkurin eru føroy­ingar, sum vita at teir ætla sær út í heim at lesa víðari, og tí vilja styrkja enska handils­málið og heimsfatanina. Tøl frá studna vísa, at umleið 20 prosent av føroy­ ingum fara út um norðurlond at lesa. – Eitt enskt talandi miðnám kundi verði við til at lata næmingar í, soleiðis at teir eru klárir at fara á enskt talandi universitet, sigur Hans Jacob Kollslíð. Skilja ikki undir­ vísingartilfarið Ofta er tað danska málið sum er trupul­ leikin hjá nýføroyingum, sum fara á mið­ nám. Hesir næmingarnir duga føroyska málið, men renna seg síðani í danska undir­ vís­ingar tilfarið, sum brúkt verður á skúl­ unum, og hetta verður ein múrur, sum tey renna seg í, greiðir Hans Jacob Kollslíð frá. Hetta er ein gyltur møguleiki hjá teimum at sleppa undir útbúgving uttan skula stríðast við at læra seg tvey nýggj mál samstundis sum tey eru undir útbúgving. Hesin bólkurin er ofta samansettur av nýføroyingum, sum eru fluttir til Føroya sum tannáringar, og ongantíð hava lært seg málini føroyskt og danskt, nóg væl. Tí verður útbúgvingin hjá teimum merkt av hes­um, og tey fara út á arbeiðsmarknaðin ístaðin, og fáa størv, sum tey í roynd og veru ikki ynskja. Ikki eitt integratiónstilboð Hans Jacob Kollslíð sigur, at hetta ikki er eitt integratiónstilboð, men er ein mið­ námsútbúgving á enskum, sum er til bæði føroyingar og útlendingar. Tó hevur Hans Jacob Kollslíð longu fingið positivar afturmeldingar frá útlendingum, sum búgva í Føroyum. – Hetta er positivt, tí hetta svarar til tørvin, sum vit hava ímynda okkum, men ikki hava nøkur tøl uppá. Vit trúgva uppá at vit eiga at gera hetta, sigur hann. – Hesi fólkini síggjast ikki so væl í samfelagnum, men hyggja vit eini 20 ár fram í tíðina, fara vit at hava einar Føroyar við einum øðrum etniskum samansetningi, enn vit hava í dag. Vit taka ikki nóg væl tann veruleikan til viðgerðar. – At kunna veita hesum ungu eina mið­ náms­útbúgving veksur um trivnaðin hjá tilfluttum familjum og er ein framúr íløga í føroyska vitanarsamfelagið. Hetta er ein samfelagsskylda, ið vit eiga at taka í stórsta álvara, sigur hann Les meir um útbúgvingina, krøv til upp­ tøku, og annað á www.fhk.fo/ibs Nú kanst tú taka miðnám á enskum Handilsskúlin á Kambsdali bjóðar nú miðnámsútbúgving á enskum. Hetta skal vera við til at fyrireika næmingar, sum ynskja at fara á enskt talandi universitet. Eisini skal tilboðið verða fyri nýføroyingar sum hava trupult við at lesa á føroyskum miðnáms­ skúlum, tá nógv av undirvísingartilfarinum er á donskum