týsdagur 17. februar 2015síða 49

25 ókeypis blað frá Miðlahúsinum Annika Kunoy Im Tá Ornella Ferrari Henriquez var 14 ára gomul flutti hon við mammu síni úr Peru til Runavíkar at búgva, og byrjaði tá í 8. flokki í Runavíkar Skúla. – Tað var sera torført í byrjanini, tí alt var so merkiligt og nýtt, og eg skilti onki. Tá ein tíð var fráliðin, byrjaði eg at skilja meir. Eg læs nógv og fekk eyka tímar í føroyskum, so nú er ikki so strævið, sigur Ornella, á føroyskum. Tá hon tosar, skiftir hon millum før­ oyskt og enskt. Hon sigur, at hon skilur væl føroyskt, men til tíðir er trupult at orða seg. Áðrenn hon flutti til Føroyar, tosaði hon aloftast móðurmálið spanskt, men var eisini stinn í enskum. Hon sigur, at tað hevur verið trupult at skula læra, ikki bert føroyskt, men fleiri onnur mál við, hóast henni dámar at læra. Dankst forðar Ornellu Tá hon byrjaði á Handilsskúlanum í august mánaði í fjør, rendi hon seg tó í ein nýggjan trupulleika; danskt. Hóast danskt er vallærugrein á miðnámi, so er sera nógv av undirvísingartilfarinum, sum brúkt verður í ymsku læru­grein­ unum, á donskum. – Tá eg byrjaði í Handilsskúlanum gjørdi, eg mær ómak at fylgja væl við í tímunum, men tað er ordiliga strævið, tí bøkurnar eru á donskum. Eg havi onki danskt havt í fólkaskúlanum fyrr, tí eg hevði samlað meg um at læra føroyst. Til tíðir verði eg frustrerað, hóast eg royni mítt besta at verða jalig. Mær dámar væl at fylgja við í tímunum, og geva mítt íkast til orðaskifti, men tað er ikki altíð gjørligt. Onkuntið vil eg spyrja um okkurt sum eg ikki skilji, men eg veit at tað er ikki gott fyri undirvísingina, tí eg spyrji alla tíðina, og eg vil ikki føla at eg eri til ampa. Eg komi í skúla fyri at læra og ikki bara órógva, sigur Ornella. Ornellu dámar væl at búgva í Føroyum, og hon ynskir at vera har fam­ilja og vinir hennara eru. Tó hevur hon hugsað um at flyta til Danmarkar ella arða­staðirs at nema sær útbúgving á enskum. Hon ynskir at lesa løgfrøði ella samfelagsvísund í Onglandi ella Kanada, tá hon er liðug við miðnám. Ornella heldur tó ikki at skoðsmálini hjá henni fara at verða nóg góð til at sleppa inn til ta útbúgvingina, hon ynskir, tí hon ikki skilur alt í tímunum. IBS letur upp nýggjar dyr Hans Jacob Kollslíð, lestrarvegleiðari á Handilsskúlanum, sigur at tað føroyska og danska hjá Ornellu ikki er nóg gott til at kann lesa víðari á høgum støði. Tí passar International Business Studies, sum er nýggja miðnámsútbúgvingin, sum bjóðað verður á Hansilsskúlanum, væl til Ornellu. – Hon hevur havt ein týðandi leiklut í, at hendan ætlanin var framd. Her hava vit eitt veruligt menniskja, sum hevur hesar trupulleikarnar. Og eg trúgvi, at tað eru alsamt fleiri við somu trupul­ leikum. Hon fer at fáa ágóðan av mið­ náms­út­búgv­ingini, sum verður á ensk­ um, tí nú sleppur hon at lesa á ein­um máli sum hon skilur, og hevur góðar før­leik­ar at orðbera seg á, sigur Hans Jacob Kollslíð. – Eg ætli mær heilt víst at søkja á IBS, og eg eri so spent. Eg havi altíð havt eitt ynski um at lesa á enskum, og hetta fer at hjálpa mær á leiðini, soleiðis at eg kann útinna teir dreymarnir, sum eg havi. Tað hevur verið ein tørvur á hes­ um tilboðnum fyri fólk í míni støðu, sum hava eitt ynski um at læra og at fáa eina útbúgving, sigur Ornella Henriquez til endans. annika@sosialurin.fo – Eg ynski at lesa løgfrøði ella samfelagsvísund í Onglandi ella Kanada, sigur 17 ára gamla Ornella Ferrari Henriquez úr Peru, sum hevur búð í Føroyum í trý ár. Hon gongur á Handilsskúlanum á Kambsdali, men hevur trupulleikar við danska undirvísingartilfarnum Úr Peru til Runavíkar – Mær dámar væl at fylgja við í tímunum, og geva mítt íkast til orðaskifti, men tað er ikki altíð gjørligt, sigur Ornella Ferrari Henriquez