hósdagur 19. februar 2015síða 32

8 Mentanarblaðið hjá Miðlahúsinum 2 • 20. ferbuar 2015 kki er neyðugt at vera limur í nøkrum klubba, ella at tekna seg til nakað serligt, at síggja filmarnar. Alt er opið og alment, júst sum vanligar sýn­ingar í Havnar Bio. Átakið byrjaði fyrsta mikudag í árinum, tá pólski filmurin Ida (Paweł Pawlikowski) varð sýndur. Hóast filmurin er svart-hvítur og formatið er av gamla academy slagnum, varð útselt og fólk spurdu um fleiri sýningar. Men grundsjónarmiðið fyri hesum sýningunum, ið bera frámerkið ’Filmsfelagið’ er, at bara ein sýning er annanhvønn mikudag. GÓÐSKUMERKI Vit kunnu siga, at gamla áhugafelagið, sum byrjaði virk­semið í Havnar Bio í 1962, men ikki hevur verðið virk­ið síðani seinastu sýningarnar í Leikhús Bio í 1992, nú er vorðið eitt vørumerki, sum í vanligu skránni hjá Havnar Bio ber boð um eitt slag av filmi, ið dregur ein áskoðaraskara til sín, sum ikki vanliga gongur í biograf. Filmsfelagið, sum ikki hevur verið brúkt í 23 ár, er vorðið eitt góðskumerki. Hesa gongd vilja Havnar Bio og tey, ið vara av gamla Filmsfelagnum, hjúkla um við sýningum alt árið, eisini í summar. DOWNLOAD MITT Í BÝNUM Fýra ár eru liðin síðani gamla biografapparatið hevur víst film. Tað er enn til, men í dag eru bara talgildar sýningar í báðum hølunum í Havnar Bio, antin sum download ella á harðdiski. Ein filmur kann vísast líka skjótt í Havn, sum í øðrum biografum í heimsins metropolum. Til dømis fara øll, sum vanliga ganga í biograf, at seta seg í myrkrið um somu tíð at greina tað graða í gráum, tá tey fara at hyggja eftir Fifty Shades of Grey (Sam Taylor-Johnson). Fyrst kom bókin og nú filmurin. Tað er sum við James Bond og Harry Potter. Øll vilja eiga part í tí nýggja, sum sæst í heimspressuni. Hvussu universellar søgurnar eru, eiga vit at sleppa at uppliva tær á heimligum botni, eisini tær morreyðu. Í forsølu eru fleiri atgongumerki seld til Fifty Shades of Grey enn til nakran Hobbafilm, sum higartil hava rekordina í forsølu. Men tað er einki í mun til Barbaru hjá Nils Malmros, sum varð frumsýndur í Føroyum 28. september 1997 . Meðan hann enn var nýggjur, sóu 17.000 fólk filmin bara í Havn. Verða allar aðrar sýningar, sum hava verið seinni, lagdar afturat, munnu fleiri enn 20.000 hava sæð Barbu á føroyskum lørifti. Annars eru mest sæddu filmar í Havnar Bio Titanic, allir tríggir filmarnir í røðini Ringana Harri, Avatar, Narnia og Hobbafilmarnir. Síðani koma teir ymsu Harry Potter filmarnir, sum ikki hava verið so stórir. Mest sæddi danski filmur seinastu árini var Klovn í 2010. Í heyst kemur ein nýggjur Klovnfilmur. Í so máta eru vit væl við, tá tað snýr seg um breiða undirhaldið, sum vanligi havnarborgarin kann loysa bilett til. ARTHAUS-FILMAR Við frámerkinum ’Filmsfelagið’ er nú eisini ruddað slóð fyri tí slagnum av filmi, sum verður róptur arthaus filmur. Eftir flúgvandi byrjanina við pólska filminum Ida, russiska stórfilminum Livjatan og bretska listafólkafilminum Mr. Turner, verður nú sýndur besti svenski filmur beint nú, skulu vit trúgva ummælarum og teimum, sum hvørt ár handa Guldbagge-virðislønina, sum næstan allar fóru til Force Majeure (Ruben Östlund), ið eisini var við í kappingini um besta norðurlendska filmin. Síðani fer Rigmor Dam at introdusera filmin Boyhood (Richard Linklater), ið heimspressan valdi sum besta filmin í fjør, hann fekk síðsta vikuskfiti BAFTA virðislønina og er nú stórfavorittur til Oscarvirðislønirnar í ár. Boyhood er serligur, tí hann er gjørdur við somu leikarum í tólv ár, og sýnir almennar og privatar upplivangar akkurát hesa tíðina. Til tess at gera hvørja sýning í ’Filmsfelagnum’ til eina serstaka uppliving, er ætlanin at fáa ymisk fólk at innleiða við nøkrum orðum um filmin, sum verður sýndur. Whiplash (Damien Chazelle) er ein sjáldsamur tónleikafilmur um ein trummuslárar við einum harðrendum musikkskúlalærarar, og honum næstur er enn ein varði í tónleikasøguni, danski Eik Skaløe, sum var hin fyrsti at brúka móðurmálið í rokktónleiki har í landinum. Steppeulven (Ole Christian Madsen) er heitið á filminum eftir sagnarríka orkestrinum, sum bara gav ein LP plátu, HIP, út við Skaløe sum sangara. Eik er eisini navnið á høvuðsleikaranum í íslendska filminum Vonarstræti (Baldvin Zophoníasson), sum úti í heimi hevur verið sýndur undir enska heitinum Life in a Fishbow, og her verður sýndur í íslendsku upprunaútgávuni, men við donskum undirtekstum og danska heitinum De små ting. Filmurin, sum er hin mest sæddi í Íslandi, er um kreppuna, har alt fór av knóranum, men við høvuðsdenti á íslendsku gentuna Eik, sum um dagin arbeiðir í barnagarði, men um náttina GÓÐIR FILMAR Í FELAG - FILMS­ FELAGNUM! I Birgir Kruse UNDIR HEITINUM ’FILMSFELAGIÐ’ VÍSIR HAVNAR BIO NÝGGJAN BIOGRAFFILM, IÐ VERÐUR METTUR AT VERA LISTALIGA ÁHUGAVERDUR Í 1987 var Filmsfelagið vertur fyri norðurlendskum filmsdøgum í Norðurlandahúsinum. Tá teknaði Ole Wich hesa plakat við tjaldrinum, sum segði klipp, klipp og lá á filmseggum á svarta klettinum