hósdagur 19. februar 2015síða 33

9 Mentanarblaðið hjá Miðlahúsinum 2 • 20. ferbuar 2015 er call girl. Ein breitt viðkomandi og ikki sørt nemandi filmur úr okkara næsta grannalandi, ið samstundis hevur greiða adressu til samnevnda bankan, Eik, tá hann var uppá tað ørasta. Vonarstræti er eitt menniskjansligt ævintýr úr okkara egna veruleika, sum vit øll eiga at unna okkum stundir at síggja. Eisini leiðslan í Eik. Í apríl verður enn ein søguliga staðfestandi biograffilmur av okkara egnu leiðum vístur undir heitinum ’Filmsfelagið’ í Havnar Bio. Tað er danska Christina Rosendahl, sum byggir filmin Idealisten á bókina ”Thulesagen - Løgnens Univers” (1997), har journalisturin Poul Brink sigur søguna um Thule Air Base, tá eitt amerikanskt B-52 bumbuflogfar datt niður í 1968, og kundi havt kastað okkum út í enn ein verðaldarbardaga. Poul Brink fekk Cavlingvirðislønina fyri bókina í 1998. Í mai fara vit til Argentina og síggja Relatos Salvajes (Damián Szifrón), ið er kendur og virðisløntur um allan heim undir enska heitinum Wild Tales. FILMFESTIVALUR Í FELAG Arbeitt verður eisini púra opið við tankanum um ein filmfestival í Havn, har eitt breitt úrval av ikki bara spildurnýggjum filmum, men eisini serliga tematiskt úrvaldum filmum, verða vístir, og har havnarborgarin skal sleppa at velja og introdusera ein film eftir egnum hjarta hvørja ferðina. Filmsupplivingin í felag, tað er snúningsásurin. Tað eru eftirhondini nógv ár síðani at Dimma­lætting eftirlýsti ein filmfestival í Havn. Í 1989 skipaði Filmsfelagið fyri einum Norður­lendskum filmfestivali í Norður­landa­ húsinum við stuðuli frá Norður­lendska Ráð­ harra­ráðnum og norðurlendsku film­stovn­ un­um, tá fyrsti føroyski filmur, Atlan­tic Rhap­sody, hjá Katrin Ottarsdóttir varð frum­ sýndur. Tá Havnin fylti hundrað sum fólkavald kommuna í 2009 varð ein roynd gjørd við av­markaðum kommunalum stuðuli til ein film­festival. Men boðini vóru, at hvørki hetta varðisliga átak, ella royndir at stuðla ein­um plátufelag í gongugøtuni, vóru loyvdar eftir kommunlógini. Síðani eru kommunal bio­ grafhøli bygd og verða rikin fyri kommunalan stuðul úti um landið, men enn er eingin film­ festivalur fingin at virka. Hóast nøkur sýningarstøð eru kring landið, Atlantis í Klaksvík og Løkshøll í Runavík, sum nú eru samskipaður biografur, og Norðurlandahúsið, sum hevur framúr góðar møguleikar at vísa film, er Havnar Bio tann biografur, ið hevur bestu sambondini at útvega film av altjóða marknaðinum at sýna í Føroyum. Tí eiga umstøðunar hjá høvuðsstaðarbiografinum at verða bøttar, so hann fær atgongd til fleiri og meir tíðarhóskandi høli mitt í býnum og kann røkja tær mentanarligu ábyrgdir, sum biografloyvið ásetur. At gera søguríkasta og minst brenda miðbýin í Norðuratlantsavi enn meiri livandi, tað er avbjóðingin. Eisini tá vit fara í biograf! Skráin hjá Filmsfelagnum sæst her http://bio.fo/ Filmsfelagid.aspx Við støði í gamla svart-hvíta Filmsfelagsbúmerkinum hevur Ole Wich teknað eitt nýtt spælandi búmerki til komandi filmsdagar - í felag Úr operatørrúminum lýsir filmsapparatið. Tað er evnið í svart-hvita kvadratiska búmerkinum hjá Filmsfelagnum. Petur Zachariassen teknaði búmerkið Mynd: Ingi Joensen