mánadagur 23. februar 2015síða 55

vika 9 l 23. februar 2015 23 lýsing ToyoTa yaris 1,3 Til sølu Bilurin hevur nýTT úTsToyT, góð píkadekk Áhugað kunnu ringja 284444 Sum tað er greitt frá fyrr her í blaðnum, so fær nýggja bókin á enskum um D.J. Danielsen og hansara stríð fyri fólkið í Congo stóra viður­kenning frá fólki sum varar av hesi søgu. Ein heilt serlig viðurkenning kom nú um dag­arnar, og hon hev­ur eina sera sjáldsama søgu. Á jólum var Svenning av Lofti á ferð í Ísrael saman við einum ferðalagi. Har vitj­ aði bólkurin syna­goguna í Kaper­naum. Her varnast tey, at á gólv­in­um eru flísar, sum vísa landa­kort av Congo. Tey koma so á tal við nøkur dimm fólk, sum eisini høvdu áhuga fyri hes­um. Tað vísir seg, at hesi eru ættað úr Congo, men eru bú­sitandi í Lond­on. Tey komu á tal, og føroyingarnir kundu so greiða frá um Doll­ an og hans­ara samband við Congo, sum tað er greitt frá í bókunum um hann. Serliga ein av hesum congo­lesarum gjørdist so áhug­aður, at hann ynskti at fáa bókina send­andi. Hetta var sjálvsagt eingin trupulleiki, og hann fekk send­ andi nýggju ensku bókina um Dollan. Nú um dagarnar fekk Sven­ning ein teldupost frá Tshibangu Mukumbay, eisini kallaður Tshims, sum takkaði fyri hesa eftir hansara tykki frá­líku bókina, sum hann helt vera sera áhugaverda. Hann skriv­ar annars: »Eg havi als ikki vitað um D.J. Danielsen, sum var undan­ gongumaður at gera vart við ta við­ferðina, sum fólkið fekk í Congo um hesa tíðina. Tað undrar meg, at hann kann hava ver­ið full­komiliga gloymdur av søguni. Eg havi tí ikki vitað av hesum, tá ið eg sjálvur havi havt fyrilestrar um hetta evni á. Tá havi eg nevnt Edmund Morel, sum skrivaði nógv um við­ferðina, sum fólkið í Congo fekk, og Joseph Conrad, sum skri­v­aði eina skaldsøgu um hesi viður­skifti. Men nú fari eg at taka Danielsen við í mínum kom­ andi fyrilestrum, so henda søga kann verða kend millum mín­ar landsmenn.« Hann endar við at skriva: »Mær hevði dámt at vitja teg og høvundan av bókini í Føroyum fyri at heiðra henda stóra Guds mannin, sum rind­ aði prísin fyri at tala søk­ina hjá fólk­inum í Congo.” Tshims biður Svenning minn­ast seg í bønum og sendir ann­ars heilsan til Brøðra­sam­ kom­una í Føroyum. Ikki minni áhugavert er, at hann greiðir frá, at hann er eitt møguligt valevni til for­ setavalið í Congo, sum verður komandi ár. Hann er 48 ára gam­al. Tað kann annars fáast meira at vita um hann og tí, hann stendur fyri, á heima­ síðuni: www.upardc.org Sum tað skilst er hesin mað­ur ikki hvør sum helst, og tað er hugaligt, at hann hevur fingið ein slíkan áhuga fyri avrikinum hjá Dollan, sum her kemur til sjóndar. Hann hevur fingið at vita, at hann skal vera vælkomin at vitja Føroyar nær tað skal vera. Annars er søgan um Dollan við at koma inn í útlendska søgu­skriving. Beint nú er kom­in út bókin Humanitarian Photo­graphy. Her er í tveim­ um førum víst til tað, sum er skrivað á ensk­um um Dollan. Í heyst kemur út bókin hjá amerikanska søgu­pro­fess­ar­ an­um Dean Pavlakis »British Humani­tarianism and the Congo Reform Movement, 1896-1913«. Í hesi bók fær Dollin eisini eina fittliga um­ røðu, eins og tað verður víst til bókina »Daniel J. Danielsen and the Congo: Missionary Cam­paigns and Atrocity Photo­graphs.« Forsetaevni í Congo vil heiðra Dollan Forsetavalevnið í Congo, Tshibangu Mukumbay, hevur hug at koma til Føroya at heiðra Daniel J. Danielsen fyri tað, sum hann gjørdi fyri hansara fólk. eblaðið sos.fo