týsdagur 24. februar 2015síða 22

Mikudagur 25. februar 2015 · Nr. 23 22 Sosialurin Hugskot og viðmerkingar – send sms til 225000 Tøkk Hjartaliga takki til tykkum øll, sum gleddu meg á mínum 80 ára føðingardegi. Takk til øll, ið hjálptu til. Vinarlig heilsan Sofus Boesen Froðba nøvn Tá eg nú siti og hugsi aftur og minnist míni barnaár – og nú hesi síðstu árini eg sum ungur fekk loyvi at hava abba her, so er tað ein sera aktivur abbi, sum vísir seg. Fyrstu ferð, eg slapp at sita aftan fyri eitt róður á einum bili og stýra bilinum, var tá omma og abbi búðu í Danmark, tá hevði abbi ein Mercedes bil, eg helt tað var fantastiskt, at abbi vildi lova mær tað. Abbi hevði so nógv jørn í eldinum altíð, og eg haldi, at tað var ein blanding av tí og at eg var so ungur, at vit báðir ikki fingu eitt so tætt samband, fyrr enn hesi seinastu árini, men tá fekk eg eitt so tætt samband við abba, sum eg í dag eri sera, sera takksamur fyri. Fótbóltur var ein felags­ áhugi hjá okkum báðum, og tá vit tosa føroyskan fótbólt, so slitu vit okkara fyrstu fót­bóltsgaggur í sama felag, nevnil­iga HB, og abbi plagdi at minna meg og nú eisini Petur, yngra beiggja mín, á, at hann bert var 16 ár, tá hann fyrstu ferð stóð í mál hjá besta liðnum hjá HB, og at bæði eg og Petur vóru 17 ár, tá vit fingu møguleikan ... tann góðs­ligi mátin, hann segði hetta, elskaðu vit! Tá tað var enskur fótbólt­ ur vóru vit ikki samdir. Hann helt við Liverpool, og vit brøðurnir halda við Man­ chest­er United. So leingi hann ork­aði og kundi, høvdu vit sam­skifti bæði áðrenn og aftaná at okkara lið spældu ... hann dugdi at arga upp á ein máta, sum ongin annar, við fáum orðum segði hann tað so beinrakið, og vit toldu tað bara, tá hann segði tað. Hesar síðstu nógvu mán­ aðirnar stytti tað abba um manga løtu, at hann kundi fylgja við í fótbólti í sjón­ varp­in­um. Hann fylgdi mær eisini so tætt, hvat arbeiði viðvíkti, og tá tað var okkurt, eg skuldi taka støðu til og kanska skuldi hugsa um, áðrenn eg tók avgerð, ja so dámdi hon­ um so væl, tá eg fortaldi hon­ um tað, og hann fekk loyvi at geva mær ráð. Hann dugdi so væl at lurta, og hann dugdi so væl at seta seg í støðuna, hvat tað so var, so kundi eg søkja mær ráð hjá abba og manga fortróliga samrøðu høvdu vit sjúkralegu hansara. Hann fylgdi eisini væl við í, hvussu gekk hjá mær at døma í hondbólti, og tá út­ varp­að varð frá dysti, har eg dømdi, ja so legði hann seg eftir at lurta, hvørji skoðsmál vit dómarar fingu. Saknurin er ósigiligur, nú abbi ikki er hjá okkum longur. Eg sakni ikki at kunna fara inn antin í Hósvík hjá ommu og abba, á LS ella á Mørkina og sita har og fáa eitt prát við abba, lætta hjartað fyri hon­um um eitt­hvørt, ella tá telefonin ringir, at tað ongantíð aftur skal standa, at abbi ringir, tað er so hug­ tungt at vita. Hóast tómrúmið er so ósigi­ligt, so er tað eisini gott at vita, at abbi nú er har ongin sjúka er, tí tað var virkuliga tungt at síggja, hvussu abbi bara kundi minni og minni. Í tí landi ei tár skulu renna, ongin pína og sjúka skal níva, har ei særandi sorg er at kenna, um eitt bil, ja, so eri eg har. Ei skal gleðinardagur har halla, ei skal ivin tá tyngja mítt sinni, aldri meira vit snáva og falla, um eitt bil, ja, so eri eg har.!« Ærað veri minnið um abba mín, Thomas Juul Askham. Abbasonur tín Thomas Juul Minningarorð um abba mín Thomas Juul Askham Føddur 9. juli 1944 – Deyður 17. januar 2015 Tøkk Vit vilja hervið takka tykkum øllum hjartaliga, sum gleddu okkum við at hátíðarhalda gullbrúdleyp okkara saman við okkum og familjuni. Takk fyri gávur, blómur og heilsanir. Takk tit, sum komu at syngja fyri okkum, takk til tykkum, sum sungu og spældu uppá. Takk til okkara barnabørn, sum sungu og spældu so fitt fyri okkum. Eisini ein tøkk til familjuna, sum sang fyri okkum um morgunin. Tit vóru øll við til at gera okkum dagin so sera góðan og hugnaligan. Heilsan Arnhild og Hilmar Johannesen 155 ára føðingardagur í sambandi við at Jóna á Horni gjørdist 75 ára gomul 24. desember og at Sveinbjørn á Horni verður 80 ára gamal 3. mars halda vit 155 ára føðingardag saman í Lonini í Fuglafirði leygardagin tann 7. mars kl 18. Øll er hjartaliga vælkomin 90 ára føðingardagur Sunnudagin 1. mars verður Jóhanna Petersen, Saltnes, 90 ár. Dagurin verður hildin leygardagin 28. febru­ar kl. 17.00 á Teymavirkinum í Søldarfirði. Øll eru hjartaliga væl­komin. 90 ára føðingardagur. Hósdagin 5. mars verður Adela Ja­cob­sen 90 ár. Dag­ur­ in verður hild­in í missións­ hús­inum libanon í Sør­vági frá kl 18. Øll eru vælkomin. 85 ára føðingardagur Leygardagin 28. februar fyllir Hildi­garð Nattestad 85 ár, tey ið ynskja at heilsa uppá hana, eru hjarta­liga vælkomin í kjallarin á Missións­húsinum í Hvalba millum kl 12.00 til kl. 17.00 90 ára føðingardagur Sunnudagin 1. mars verður Martin Tórgarð 90 ár. Dagurin verður hildin á Tjarnagarði, har tey, ið ynskja at heilsa uppá Martin, eru vælkomin til ein drekkamunn ímillum kl. 14:00 og 17:00