týsdagur 24. februar 2015síða 34

2 fótbóltur 2015 Fótbóltsblaðið hjá miðlahúsinum Fótbóltur 2015 Fótbóltsblaðið hja Miðlahúsinum Útgevari: Sosialurin 25. februar 2015 Redaktørur: Tróndur Arge Blaðfólk: Tróndur Arge Jóannes Hansen Hilmar Jan Hansen Grafisk sniðgeving og umbróting: Pætur Eyðunsson Jensen Myndir: Álvur Haraldsen Prent: Prentmiðstøðin Fyri sekstandu ferð gevur Sosialurin út Fótbóltsblaðið, sum er ein upptakt til komandi kappingarárið í fótbólti. Blaðið er ætla teimum, sum fylgja við bestu deildini í føroyskum fótbólti. Tíðirnar eru broyttar nakað, men blaðið heldur fast í sama leisti Kappingarárið 2015 sær út til at blíva eitt spennandi kappingarár, har tað tykist óvan­ liga torført at spáa um útfallið í Effo-deildini. Í oddinum tykjast trý feløg stríðast fyri FM heitinum, men øll hava ymiska motivatión. B36, sum ongantíð hevur endurvunnið eitt FM. HB, ið altíð hevur FM sum mál, og so Víkingur, ið aldrin hevur vunnið FM. NSÍ bleiv nummar fýra í fjør, og ætlar sær ikki at uppgeva rættin at spæla í Evropa uttan stríð. Hinvegin, so hava KÍ og ÍF styrk nógv um hópin. Tey tykjast av álvara, at ætla sær at gera seg galdandi um fjórða plássi. Og hvør veit, kanska eisini um heiðurs­ merki. AB hevur eitt mál um at gróðurfesta seg í bestu deildina, men tykist í løtuni vera í kapping við tríggjar ókendar faktorar. EB/Streym, TB og FC Suðuroy. EB/Streymur er í holt við at endurbyggja felagið, meðan TB og FC Suðuroy satsa nógv upp á útlendskar spælarar, sum vit ikki heilt kenna styrkina á. Í hesum blaðnum hava vit hóparnar hjá øllum feløgunum í Effo-deildini, men tað er við tí fyrivarni, at flytingarvindeygað ikki letur aftur fyrr enn 16. mars. Sostatt kunnu flytingar koma fyri, men tað kanst tú altið lesa um í Sosialinum og á in.fo. Fótbóltshøll Kappingarárið 2015 ferð í søguna, sum eitt av árunum, har vit fingu staðfest, at vit mugu hava eina fótbóltshøll við einum innandura fótbóltsvølli. Landsdystir í mars eru eftir­hondini gerandiskostur, og av tí sama verður eisini roynt at byrja landskappingina so tíðliga sum gjørligt. Veðrið hevur arga síðani ársskiftið, og flestu feløgini kunnu ikki siga, at liðið er endaliga klárt til kappingarbyrjan, tá 1. umfar rullar 1. mars. Stórsteypadysturin bleiv spældur farna vikuskiftið í kulda og kava. Hetta kunnu vit ikki bjóða okkara fótbóltsspælarum. Næsta stig er, at vit hava ein fullan vøllin, sum er innilukkaður, so at vit kunnu spæla venjingardystir og slíkar dystir undir spælandi um­støðum. FSF í brennideplinum Fótbóltssamband Føroyar hevur gjørt stór framstig seinnu árini. FSF var ávegis á heysin fyri ikki so langari tíð síðan, men í dag hevur FSF milliónir í yvirskoti. Hetta er at fegnast um. Eisini byrjar Tórsvøllur at síggja út sum ein altjóða leikvøllur, nú nýggja FSF er komið upp at standa, umframt at tak er komið yvir aðra langsíðuna. Kappingarárið 2015 er ikki byrjað, men longu nú hevur fyrsta hendingin sett sín dám á føroyskan fótbólt. FSF hevur valt einki at gera við málið, og tað eru tað ymiskar meiningar um. Í 2014 vóru eisini nøkur mál frammi. Vónandi verður hetta eitt kappingarár uttan tær stóru ósemjurnar á skrivaraborðinum. Landsliðið spennandi ár Í 2015 skal landsliðið spæla ikki færri enn seks landsdystir. Fyrsti dysturin er longu 29. mars og seinasti dysturin verður spældur 11. oktober. Eftir bragdið í Grikkalandi, har Føroyar vunnu 1-0, so verður avbjóðingin í ár, at byggja víðari upp á tað góða úrslitið. Áhugin fyri føroyska landsliðnum er vaksandi, og tí koma góða úrslitið eisini væl við. Nú er at vóna, at viðgongdin millum føroyska fólkið heldur fram. Tað hevur føroyskur landsliðsfótbóltur uppiborið. Fylg við ítróttinum í ÍtróttarSosialinum Eins og altíð, so gera vit í Miðlahúsinum nógv burturúr føroyskum fótbólti. Vit vóru einasti miðilin í Grikkalandi, tá Føroyar vunnu. Vit royna at verða til flestu dystirnar, so vit í størri mun kunnu greiða frá hvat veruliga hendir. Á in.fo, sum er tíðindaportalurin hjá okkum, leggja vit stóran dent á at fáa bráð­ fengistíðindini út. Vit fylgja væl við í fótbóltsheiminum, og hava eisini eitt hav av myndum frá nógvum dystum. Vit leggja stóran dent á, at hava beinleiðis frásøgn frá flest øllum dystum. Í ÍtróttarSosialinum, og Sosialinum sum heild, leggja vit dent á bakgrundssøguna. Hví vunnu ella taptu Føroyar, og vit hava »Dysturin hesa vikuna«, har vit eisini gera spælarametingar. Hetta er ein stór ábyrgd, sum vit taka í stórum álvara. Njóti kappingarárið Tað stutta av tí langa er, at 2015 hevur nógv at bjóða upp á í føroyskum fótbólti. Effo- deildin, Løgmanssteypið, A-landsliðið og U21-landsliðið. Umframt hetta, so hava vit nógvar útisetar, ið eru í spennnadi støðum í bæði størri og smærri feløgum uttanlands. Fótbóltur er eitt spæl við kenslum og soleiðis verður eisini í 2015. Tað gleða vit okkum til. Gott kappingarár! Fótbóltsblaðið til tín Tróndur Arge