týsdagur 24. februar 2015síða 35

3 Fótbóltsblaðið hjá miðlahúsinum fótbóltur 2015 FRAMSKYGDUR SAMSKIPARI TIL FØROYA STØRSTU ÍTRÓTT Fótbóltssamband Føroya søkir eftir nýggjum samskipara at menna føroyskan fótbólt fyrisitingarliga og styrkja sambandið millum føroysku feløgini og FSF. Sum samskipari kemur tú at hava ein lyklaleiklut í fyrisitingardeild FSFs, har tú verður liðskipari. Saman við leiðsluni skalt tú raðfesta fyrisitingarligar uppgávur, og eftir hesum skipa arbeiðsdagin hjá starvsfólkunum á deildini. Eisini skalt tú seta í verk mannagongdir og verkætlanir, ið betra fyrisitingina av føroyskum fótbólti og tænastuna til feløgini. Fyrisitingardeildin avgreiðir fyrisitingarligar uppgávur í sambandi við heimligu fótbóltskappingarnar, menning og útbúgvingar, samskifti og kunning, umframt vanligar skrivara- og skrivstovuuppgávur. Fyrisitingardeildin er sett saman av seks starvsfólkum, sum frammanundan í stóran mun hava fyrisitið hvørt sítt arbeiðsøki. Arbeiðshátturin verður tó nú broyttur, soleiðis at arbeiðsuppgávurnar verða knýttar at fyrisit- ingardeildini, heldur enn einstaka starvsfólkinum. Sum samskipari skalt tú arbeiða fyri, at innanhýsis arbeiðsgongdir verða mentar og tryggja støðuga tænastu til limafeløgini og aðrar áhugapartar. Umframt samskipandi leiklutin í fyrisitingardeildini, er høvuðsuppgávan hjá samskiparanum at røkja sambandið millum FSF og feløgini. Tú skalt gjøgnum regluligar vitjanir hjá feløgunum ogna tær gott innilit í tørvin hjá limafeløgunum á ítróttar- og fyrisitingarliga økinum. Grundað á hesa vitan skalt tú saman við leiðslu FSFs gera átøk og seta í gongd verkætlanir, sum á bestan hátt stuðla feløgunum í avbjóðingum teirra. Menningin av føroyskum fótbólti fer í stóran mun fram í feløgunum, og tú fert tí at hava ein týdningarmiklan leiklut í hesi menning, tá tú skalt tryggja, at feløgini verða stuðlaði á bestan hátt í felagsskapinum. Førleikar Tú skalt hava útbúgving frá hægri lærustovni innan leiðslu og samskifti, búskap, almenna fyrisiting ella líknandi. Eisini er krav, at tú hevur arbeiðsroyndir innan fyrisiting, prosjektleiðslu og menning av felagsskapum. Harumframt er tað ein fyrimunur, um tú hevur • góð leiðslu- og samstarvsevni, umframt mennandi leiðslustíl • vilja og evni at royna nýggjar leiðir • góðan málførleika í føroyskum og enskum Løn sambært avtalu. Freist Freistin at søkja starvið er 9. mars. Umsóknir skulu sendast við telduposti til virgar@fsf.fo. Fleiri upplýsingar fáast við at venda sær til Virgar Hvidbro, aðalskrivara, tel. 29 19 75. Høvuðsendamál Fótbóltssamband Føroya er at fyriskipa fótbóltskappingar og fótbóltstiltøk, og støðugt menna, stuðla og vekja áhuga fyri fótbóltsspælinum. 4.500 virknir fótbóltsleikarar eru í Føroyum og uppaftur fleiri fylgja liðunum. Fótbóltur er tí týðandi partur av gerandisdegnum hjá nógvum føroyskum familjum og føroysku miðlunum. FSF varð stovnað í 1979, og í dag arbeiða 11 starvsfólk í umsitingini hjá FSF umframt venjarar og onnur hjálparfólk.