týsdagur 24. februar 2015síða 36

4 fótbóltur 2015 Fótbóltsblaðið hjá miðlahúsinum B36 ætlar sær at skriva søgu Bóltfelagið B36 meistari Tað er ongantíð eydnast B36 beinanvegin at endurvinna meistaraheitið. Nú er hetta stóra avbjóðingin hjá nýggja venjaranum Eyðuni Klakstein og liðnum, ið er spekkað við FM vinnarum og evnaríkum ungum monnum, sum bjóða royndu spælarunum av Setningurin hjá B36 er at verja FM heitið. Undan kappingarbyrjan í fjør vóru tey ikki so mong, sum roknaðu við, at FM steypið fór at enda í skápinum í sunnaru hús­ unum í Gundadali. Tá ið 27 umfør vóru av­greidd, vísti støðutalvan, at B36 var eitt stig frammanfyri næsta kappingarneytan. Tølini kundu bent á, at endaligi sigurin var tepur, men soleiðis var tað ikki. B36 var meistari undan síðsa umfari. Munurin aftur til avbjóðararnar var stutt eftir summar­ steðgin sjey stig, og í nógv umfør var hann fýra stig. Spurningurin er nú, um tað fer at eydnast, sum árstalsfelagið ongantíð áður hevur megnað. B36 hevur tíggju ferðir vunnið FM, men higartil hevur tað ikki eydnast beinanvegin at endurvinna FM heitið. Styttstu tíðarskeiðini millum meistara­heitini vóru frá 1946 og til 1948 og frá 1948 og til 1950. Síðani oyðimarkargongdina frá 1962 og til 1997 eru fimm FM heiti, ella helmingurin av samlaða talinum, vunnin, og eftir 2011 varð FM aftur vunnið í 2014. Gongdin síðani aldarskiftið bendir á møguleikan fyri, at tað skjótt skal eydnast beinanvegin at endurvinna FM heitið. Hvíttklædda felagið fyrireikar seg at skriva søgu. Í fjør varð ikki roknað við B36, sum tók tey flestu á bóli. Nú verður roknað við, at meistararnir fara at bjóða av. Merkisvert er tað, at B36 ikki síðani 1960 hevur megnað meiri enn bronsupláss árið eftir FM sigur. Tað ger ikki avbjóðingina hesa ferð minni áhugaverda! Tað var vorðið sum skelkur, tá ið boðini bórust, at Sámal Erik Hentze ikki fór at halda fram í venjarasessinum. Leiðlsan gjørdi skjótt av, og Eyðun Klakstein er nýggjur B36 venjari. Hann hevur royndir við at mynda nýtt lið. Nú hevur hann fingið ábyrgd­ina av nógvum royndum spælarum og nøkrum, sum stríðast fyri at vinna pláss í B36 hópinum. Tórður Thomsen og Trygvi Askham kappast um plássið millum stólparnar. Odmar Færø, Hørður Askham og Andrias Eriksen eru bestu boðini upp á mið­ verju­pláss. Høgni Eysturoy og Jónas þór Næs og Alex Mellemgaard eru vong­verjar. Róaldur Jacobsen og Hanus Thorleifsson eru sentralir miðvallarar. Í fjør var Lukasz Cieslewicz ivaleyst týdningar­miklasti spælarin. Tá var hann sentralur miðvallari. Uttan mun til, um hann verður í tí plássinum, ella um hann verður álopsspælari, so verður framúr póllendingurin lyklaspælari. Superveteranurin Jákup á Borg er upp­ settur at taka málmetið frá John Petersen, Hans Pauli Samuelsen er ætlaður at taka sær av framrættaðu ódnini í vinstru, og Ibrahima Camara er keyptur at røkja fremsta plássið og harvið at skjóta málini. Hjá ungum og óroyndum monnum man tað kennast ræðandi at hava omanfyri nevndu at kappast við. Í fjør var eyðsýnt, at fleiri av ungu monnunum nú eru búnir at spæla við. Her verður eitt nú hugsað um Benjamin Heinesen, Høgna Midjord, Árna G. Nielsen, Bjarna Petersen, Gest B. Dam, Eli Falkvard Nielsen, Petur Petersen og Hannes Agnarsson. Meistari (10) 1946, 1948, 1950, 1959, 1962, 1997, 2001, 2005, 2011, 2014 Steypavinnari (5) 1965, 1991, 2001, 2003, 2006 Greipuvinnari (1) 2001 Í bestu deildini (71 ár) 1942-1943, 1945-1984, 1986, 1988- Í Europa (13) 1992, 1997, 1998, 1999, 2000, 2002, 2004, 2005, 2006, 2008, 2009, 2012, 2014 B36 Stovnað 28. mars 1936 Formaður Heiðrikur Christiansen 2 V i t t i p p a Hópurin Venjari Eyðun Klakstein 1 Tórður Thomsen 25 Trygvi Askham 2 Andrias Eriksen 3 Jónas Þór Næs 4 Robert Heðin Brockie 5 Odmar Færø 8 Hørður Askham 17 Alex Mellemgaard 20 Høgni Eysturoy 22 Bjarni Petersen 6 Eli Falkvard Nielsen 7 Hans Pauli Samuelsen 10 Róaldur Jacobsen 12 Pætur Petersen 13 Gestur B. Dam 18 Benjamin Heinesen 19 Árni Guldborg Nielsen 24 Hanus Thorleifsson 9 Jákup á Borg 11 Lukasz Cieslewicz 14 Hannes Agnarsson 29 Ibrahima Camara Tilgongd: Ibrahima Camara, Hans Pauli Samuelsen, Jónas Tór Næs Frágongd: Adeshina Lawal, Símun Joensen, Rógvi Poulsen, Klæmint Matras, Jákup Højgaard, Rasmus Dan Sørensen