mánadagur 2. mars 2015síða 32

16 NR. 2 I 2. MARS 2015 Vinnublaðið hjá Miðlahúsinum VERJA BORG yggivirksemið kring landið hevur verið vaksandi seinnu árini, og hetta sæst eisini aftur á botn­linjuni hjá P/F Borg, sum rekur timburhandlar í Runavík og í Klaksvík. Felagið hevur júst latið rokn­skapin fyri 2014 inn, og hesin vísir eitt yvirskot, sum er beint oman fyri tríggjar mió fyri skatt. Eftir skatt er talið nærum hálva­ triðju milión. Hetta er besta úrslitið, síðani feløgini handan timburhandlarnar vórðu samanløgd fyri trimum árum síðani. Í 2011, sum var árið fyri samanleggingina, hevði felagið hall. Hóast sølan ikki framgongur beinleiðis í rokn­skapinum, so er bruttovinngurin nógv øktur í 2014, og hetta ber vanliga boð um eina øking í søluni. Samstundis hevur felagið hildið fast um – og enntá minkað – starvs­ fólka­útreiðslurnar, sum eru størsti einstaki útreiðslu­posturin. Góð lyklatøl Eitt svart tal á niðastu linju er aloftast eitt gott útgangsstøði, og sum heild tykjast allir pílarnir í roknskapinum hjá Borg at peika rætta vegin. Langfreistaða skuld felags er framvegis stór, og men skuldin verður niðurgoldin, og soliditeturin er vaksandi. Eginpeningur við árslok 2014 var soleiðis 17% av samlaða fíggjar­javnanum. Langfreistaða skuldin hjá felagnum var við árslok 2015 43,5 mió kr. Samlaða støðisognin er bókað til 32,2 mió krónur, umframt at felagið hevði vørur fyri góðar 19 mió kr. á goymslu. Rentuútreiðslurnar hjá felagnum táttaðu í 3 mió kr., og tað er eingin ivi um, at leiðslan framvegis fer at leggja dent á at gjalda skuldina niður, so sleppast kann undan parti av rentu­útreiðslunum. Gjaldførislutfallið er eisini rættiliga høgt. Hetta er lutfallið millum skjótt umsetiligar ognar og tær skyldur, sum fella til gjaldingar innan eitt ár. Stórur partur av gjaldførinum er tó bundið í vørugoymslur og skuldarar, og tí er alneyðugt, at umsetiligheitin í hesum er stór, um felagið skal halda sínar skyldur. Skiftandi hjá kappingareytunum Og so kunnu vit leggja afturat, at Borg langt ífrá er einasti timburhandilin, sum forvinnur pening í hesum døgum. Bygma Balslev, sum er størsti timburhandilin í landinum, hevur enn ikki latið inn roknskapin fyri 2014. Men tey trý seinastu árini undan hesum er samlaða úrslitið góðar 17 mió kr. Hinvegin hevur Havnar Timburhandil í sama tíðarskeiðið havt eitt samlað hall upp á góðar 6 mió kr. B P/F BORG, SUM REKUR TIMBURHANDIL Í RUNAVÍK OG Í KLAKSVÍK, HEVUR AVLOP TRIÐA ÁRIÐ Á RAÐ Jákup Mørk Borg í Runavík (tkr.) 2012 2013 2014 Bruttovinningur 17.092 17.429 20.003 EBITDA 5.480 4.438 7.341 Ársúrslit 967 126 2.460 Støðisogn 31.501 33.238 32.209 Ogn í umferð 34.274 34.620 34.190 Eginogn 8.330 8.656 11.117 Langfreistað skuld 47.499 46.239 43.554 Stuttfreistað skuld 9.946 12.963 11.647 Ognaravkast 6 4 8 Eginpeningsavkast 14 2 27 Trygdarevni 13 13 17 Gjaldførislutfall 345 267 293 Borg P/F