mánadagur 23. mars 2015síða 16

Mánadagur 23. mars 2015 · Nr. 34 16 Sosialurin Hugskot og viðmerkingar – send sms til 225000 Danjal av Rana So er sólarmyrkingin farin framvið. Manga staðni í land­inum sást hon væl, onku­staðni sóust einans partar av henni, meðan nøkur fá støð vóru so óhepp­in, at púrt einki var at síggja. Tó so, ferðafólkini kunnu fara úr Føroyum aftur nógvar minnigarríkar løtur ríkari. Streymurin av ferðafólki hevur verið so stórur sum ongantíð áður. Fleiri ferða­ fólka­skip hava ligið við bryggju í Føroyum hesar dag­arnar, Vága Floghavn og At­lantsflog hava ongantíð havt so nógv at gjørt, og tá sum mest stóð á, stóðu 12 flogfør samstundis á flog­ vøllinum. Fríggjadagurin endaði fyri mong við eini sangløtu á Vaglinum í Havn. Mett verð­ur, at eini 8.000 fólk vóru á Vaglinum fríggja­ dag­in, men sum altíð, so er torført at meta um, tá manna­múgvan gerst so stór. Theresa Kreutzmann, stjóri á Visit Tórshavn, sig­ur at øll vikan undan sólar­myrkingini og fríggja­ dagurin sjálvur, eydnaðist sera væl. – Fríggjadagurin var mag­iskur. Tað var ein fantastisk løta á Vaglinum, og ferða­fólk­ini vóru full­ komiliga sligin um koll, sigur hon. Fólk hugnaðu sær og ein rættur hátíðardámur var yvir kvøldinum. Theresa Kreutz­mann samanber tað við mentanar­náttina. – Tað var hátíðarligt, tó uttan at vera heilt sum ólav­søkan. Tað skuldi tað jú heldur ikki vera. Hendan løtan skuldi vera á hendan hátt, hava sítt egna lív, júst tí at hetta var fyri at fagna sólar­myrkingini og ikki ein endur­gerð av ólavsøkuni, sigur hon. – Hetta hevur verið ein helt serliga vika í føroyskari ferðavinnusøgu, sigur The­ resa Kreutzmann. – Vit hava havt eitt hav av fólki á gátt á kunningar­ stovuni. Vanliga føra vit hagtøl yvir, hvussu nógv eru á gátt, men tað hevur ikki verið hugsingur um í hesum døgum. Trýstið á okkum hev­ur verið alt ov stórt, til at vit kunnu geva okkum far um at skráseta fólk á tann hátt, sigur hon. Theresa Kreutzmann ynskir eisini at rósa sínum starvsfeløgum. Hon gleðist tó um, at starvsfelagar henn­ara alla tíðina tóku sær stundir til hvørt ein­ stakt ferðafólk. – Hóast tað kanska stóðu 100 fólk í kø, so var tað týdn­ingarmikið hjá okk­um, at hvør einstakur gestur fekk ta hjálp, honum tørvaði, eftir besta førimuni okkara. Starvsfólkini tóku sær tí stundir at vegleiða hvørjum einstøkum, og eg haldi, at tey megnaðu tað til UG, sigur stjórin á kunn­ ingarstovuni í Havn. Flestu ferðafólkini eru nú farin, og Theresa Kreutz­mann heldur, at tey fara heim aftur við nógvum góð­um í førn­inginum. – Flestu teirra eru komin til eitt fyri tey og teirra um­hvørvi púra ókent stað. Um­framt sólarmyrkingina hava tey flestu luttikið á fleiri mentanartiltøkum og verið ymsar túrar runt um í land­inum, og eg trúgvi, at tey hava víðkað sín sjónarring sera nógv. Tey, vit hava tosað við, siga seg hava fingið eina sera jaliga fatan av Føroyum, og eg trúgvi tað er av tí, at før­ oyingar veruliga hava spent seg út og víst seg frá síni bestu síðu – enntá veðrið, hóast tað onkustaðni var heldur myrkt júst undir sólar­myrkingini, sigur hon at enda. Fríggjadagurin Ferðafólkini vóru sligin um koll, sigur Theresa Turidardóttir Kreutzmann, stjóri á Visit Tórshavn, um sólarmyrkingina og sangløtuna á Vaglinum fríggjadagin.