týsdagur 24. mars 2015síða 26

Mikudagur 25. mars 2015 · Nr. 35 26 Sosialurin Hugskot og viðmerkingar – send sms til 225000 Ein frálík konsert var í kirkjuni , sunnukvøldið 22. mars kl 19:30, við Rúna Hentze og Kenneth Jones, ið spældu upp á trompet. Klaver spældi, Birgitte Schnakenburg. Sólarmyrkingin var farin aftur við borð­ inum, og nýtt lívrunnið, litríkt ljós í lista­ kendum tónum var undir bitunum. Hetta var stak vakurt og innarligt, eftir at mánin køvdi sólina eina skamma stund, .. eitt ævinleikaboð av magn og anda. Lyft tínar tónar upp undir tróðrið, har teir flyrra um altarkring, ljóskrúnur, gluggakarmar, kross og talarstól. Alt er ein stjørnulynd av himmaljóði, ið ferðast í tónalagi, í lúðraljómi og yndisligum landbrimi við flúr, fles og Fuglafjarðar boðar. Alt er ein samanrenning av tónum, ið hálsfevnast undir bitum í kirkjurúmi, har Kennet, Birgitte og Rúni liva sítt sæla lív á hesum hásætisstólum í dýrdartónum. Rúni, so ungur hann er, hevur mangan stað­ ið inni í kór og givið ljóð. 30. mars 2013 var ein frálík konsert á sama stað, har Rúni og Kenneth Jones, spældu trompet, Eyðun Poulsen euphonium og Birgitte Schnaken­ burg klaver. Hetta var eisini ein lívgevandi konsert, sum var saman við Tórshavnar Brass Ensemble. Flúgvandi einglar koma úr ljóførum eins og í málningum Chagals , har Tann blái Eingilin og tað reyða blómutyssi veita kveikjandi lív til randarblátt himnahválv undir tróðrinum í okkara musiska kirkjurúmi. Ljóðið fer at liva til ævigar tíðir um grønar líðir, um skarðlendi og skor við hvørt eitt altarborð. millum einglar Chagals í suður og norð. Har, sum tónleikur er, er lív. Á konsertini sunnu­kvøldið spældu øll trý saman, einsæris og solo við klaverfylgisspæli. Hetta var stak væl gjørt. Birgitte spældi tvey stykki av Carl Nielsen - Klavertónleikur fyri smá og stór. Op 53 hefti 1 og Fimm Klaverstykki, Op.3. Carl Nielsen livdi frá 1865 til 1931. Sostatt eru liðin 150 ár, síðani hann varð borin í heim. Birgitte Schnakenburg er ein góður stuðul hjá Føroya Musikskúla, har hon mangan spælir undir til ymisk tónleikaátøk hjá Føroya Musikskúla og øðrum við. Hetta er ein dygd. Ja, Birgitte, flúgv av stað í kirkjurúmi - í klavertónum og far upp í tróðrið og flúgv undir bitunum ovast uppi í hesum sæla kirkjurúmi. Eg ivist onga løtu í, at tú ikki møtir Chagall við Bellu síni í einumn rúmdarkossi í Vitebsk frá 25. juli 1915.... og so eisini Carl Nielsen við yndisligu listakvinnu síni, Onnu Mariu Carl Nielsen. Tínir tónar liggja ovast uppi og hálsfevnast undan tínari hond – í lívgevandi ond og knýta saman kærleiksbond. Kenneth Jones hevur verið tónleikalærari hjá Rúna og sigast má, at úrslitið hevur verið gott. Ja, mangur hevur frøtt seg yvir henda unga mann, sum hevur fingið vegleiðing frá hesum góða tónleikalærara. Hann hevur eisini havt góð foreldur, Ann Mari og Leivur Hentze, sum eru stak musikalsk, hava stuðlað honum og bróðrinum, Jóhan, í teirra tónleikaferð í hesari verð. Rúni, Kambsdalsbúgvi, tak tína trompet og lat av hesum lúðraljóðføri saman við Kenneth Jones upp undir loftið í hesum, kirkjutempli - upp undir kupulin í oprini í Paris, sum Chagall hevur málað og latið í litir. – Hvitt til Rameau og Debussy, grønt til Berlioz og Wagner- Musorgsky í bláum , sum kemur til sjóndar sum ein ikon - umgyrdur av kórinum í Boris Gudunov. Mozart við síni gandafloytu úr opru síni við sama navni. Seinast undir hesum kúputa lofti kemur Tshaikovsky í gulum liti og kring ljósakrúnuna, chandelier, eru Beethoven, Cluck, Verdi og Bizet. Hetta er ein verð fyri seg, sum livir í sinni várum - frá farnum døgum og árum, sum tit hava tulkað í litum og latið í ljóm og tónar - okkum til vónar, - livir undir hesum kirkjutróðri og kuplinum í Parisoprini till ævigar tíðir- um grønar líðir, og bláar skorar í sóljugulum dæmi. Í hesum hami varð konsertin sett. – Goymd og ikki gloymd. Frits 24. mars 2015 Konsert í Fuglafjarðar kirkju 22. mars 2015 hugleiðingar