týsdagur 24. mars 2015síða 38

Mikudagur 25. mars 2015 · Nr. 35 38 Sosialurin Hugskot og viðmerkingar – send sms til 225000 ítróttur Føroyski landslisvenjarin, Lars Olsen, hevur nógv at hugsa um undan landsdystinum móti Rumenia. Fimm broytingar eru frá upprunaliga frá hópinum. Tríggir byrjaðu inni í Grikkalandi, tann fjórði hevði avloyst ein av teimum trimum, meðan tann fimti er ein av jokarunum á landsliðnum Tróndur Arge Føroyska landsliðið fór mána­dagin til Danmark, har teir skulu fyrireika seg til fyrstu landsliðsuppgávuna síð­ani ótrúliga sigurin á Grikka­landi. Ferðalagið er uttan Fróða Benjaminsen, Hall Hansson, Jónas Tór Næs, Bárður J. Hansen og Arnbjørn Hansen. Lars Olsen hevur fingið nógv at hugsa um til lands­ dystin sunnudagin móti Rumenia. Fleiri avboð Nakað av vatni er runnið í ánna síðani 14. november. Vit hava sett hol á eitt nýtt kapp­ingarár í trupulum um­ støðum, meðan spælarar sum Jóan Símun Edmundsson og Hallur Hansson hava fingið nýtt felag. Størsta broytingin til dystin móti Rumenia verður á dóm­ara­seðlinum, har fleiri broytingar eru. Fimm spæl­ arar verða ikki við, sum annars høvdu verið í hóp­ inum. Hallur Hansson fekk sítt triðja gula kort í hesi undan­ kappingini móti Grikkalandi, og hevur leikbann. Jónas Tór Næs hevur meidd sær øksl­ ina so mikið illa, at hann skal undir skurð í dag. Bárður J. Hansen, ið var úttikin sum ein møguligur avloysari fyri Jónas á høgra bakki, hevur trupulleikar við mjødnini og spælir ikki aftur fyrr enn um ein mánað. Síðani kom avboð frá fram­herjanum hjá HB, Arnbjørni Hansen. Hann hev­ur ein fibur í tjúkkanum, sum hann ikki kennist við. Arnbjørn tykist annars væl fyri í ár, men má ásanna at fibur­spreingingar eru ein aftur­vendandi trupulleiki fyri skjóta málrevin. Í gjár komu so ringast hugs­andi tíðindini, tá Fróði Benjaminsen gav avboð vegna arbeiði. Hann er farin í hol við nýggja yrkisleið í ar­ beiðis­lívinum. Hetta hevur gjørt, at hann ikki sær er før­ an fyri at spæla landsdyst numm­ar 84 á hesum sinni. – Hetta skal ikki skiljast sum eitt endaligt farvæl til lands­liðið, men tíverri kann eg ikki verða við hesaferð, sigur Fróði Benjaminsen við heima­síðuna hjá Fótbólts­ sam­bandinum. Hevði Fróði Benjaminsen spælt, so hevði hann tikið metið fyri flestar landsdystir. Tríggir nýggir Hetta merkir, at tað í minsta lagi eru tríggir nýggir til dystin móti Rumenia í mun til sigurin á Grikkalandi. Hallur Hanssen og Fróði Benjamin­sen vóru á mið­vøll­ inum, meðan Jónas Tór Næs var á høgra bakki. Í løtuni tykist besta boð­ ið upp á ein høgra bakk at verða Jóhan Troest Davidsen. Hann er fyrst og fremst miðverji, men hevur røkt bæði vinstra og høgra bakk­in. So seint sum í ár, hevur hann spælt nakað á høgra bakki fyri HB, nú Gunnar Haraldsen er blivin klárur aftur. Ein annar møguleiki er at geva Gilla Sørensen ella René Shaki Joensen møguleikan. Gilli hevur spælt nakað á høgra bakki í AaB, men tað tykist ósannlíkt til hend­an dystin. Serliga tá Lars Olsen hevur lagt dent á, at Rumenia leypir nógv á í síð­unum. Hetta merkir helst, at Lars Olsen hugsar um at styrkja bakk plássini verju­kent. Eisini við hjálp frá vengr­ unum. René Shaki Joensen hev­ur ikki verið rundan um lands­liðs­hópin í eina tíð, men hevur vunnið sær fast pláss á HB liðnum í ár. Eitt sats, men ein møguleiki. Fleiri møguleikar á miðvøllinum Brandur Hendriksson Olsen. Tað er einasta navnið, sum er púra vist á miðvøllinum í Rumenia. Til hini bæði pláss­ ini eru fleiri møguleikar. Tað er eisini møguligt at flyta runt upp á Brand. Hann hev­ur higartil spælt á fram­ rætt­aða miðvølinum, men tað kann enda við, at hann spælir longur afturi á vøll­ inum sunnudagin. Mest upplagda boðið upp á ein mann á mið­vøll­inum er Róaldur Jakobsen. Mið­vall­ arin hjá B36 fekk møgu­leik­ an móti Finn­landi, men tók ikki av møgu­leik­anum og var smáskaddur. Nú tykist upp­ lagt, at Róaldur fær møgu­ leik­an at vísa seg aftur. Ein annar spurningur er hvussu Lars Olsen velur at plasera Sølva Vatnhamar. Hann hevur higartil spælt á høgra vongi á landsliðnum, men røkir miðvallaraplássið hjá Víkingi. Hann er meiri verju­kendur enn Róaldur, men tað er eisini hugsandi at teir báðir byrja mitt á miðj­ uni, meðan Brandur heldur fast um framrættaða plássið á miðjuni. Av øðrum møguleikum kunnu nevnast Odmar Færø, sum kann flytast frá mið­ verj­uni á verjukenda mið­ vøll­inum. Eisini Christian L. Holst og Jóan Símun Edmunds­son kunnu spæla á fram­rætt­aða miðvøllinum, með­an Brandur H. Olsen kann flyt­ast longur aftur á vøll­in. Hinvegin, so hevur Brandur eisini spæla á vong­ inum hjá FCK onkuntíð, men tað tykist ikki sum ein møgu­ leki hjá landsliðnum. Her kann eisini nevnast Pól Jóhannus Justinussen, sum fyrr hevur røkt mið­ vøll­in. Tó aftur at eitt sindur ósann­líkt. Hevði Heini Vatnsdal havt funnið sær eitt felag, so hevði hann óiva verið við. Hann var mettur sum avloys­ arin hjá Fróða, men nú má skil koma á yrkisleiðina hjá honum. Til Rumenia dagin fyri Føroyska landsliðið er í hes­ um døgum í Farum í Dan­ mark og ferðast til Rumenia leygardagin – dagin fyri lands­dystin. Mett verður, at landsliðið fær bestu møguleikarnar við at fyrireika seg í Danmark í nakrar dagar. Síðani verð­ur flogið til Rumenia leygar­ morg­unin, meðan einasta venj­ingin í Rumenia verður leygar­kvøldið á leikvøllinum. Landsdysturin verður á Ilie Oana Stadion í Ploiseti í Rumenia sunnudagin 29. mars klokkan 17:00 føroyska tíð. trondur@sosialurin.fo fótbóltur Fleiri broytingar í Rumenia Føroyski landsliðshópurin: Gunnar Nielsen Teitur M. Gestsson HB Tórður Thomsen B36 René S. Joensen HB Viljormur Davidsen Vejle BK (Danmark) Atli Gregersen Víkingur Sonni Ragnar Nattestad Vejle BK (Danmark) Odmar Færø B36 Jóhan Troest Davidsen HB Gilli Sørensen AaB Ålborg (Danmark) Pól Jóhannus Justinussen NSÍ Róaldur Jakobsen B36 Kaj Leo í Bartalsstovu Levanger FK (Noreg) Christian Lamhauge Holst Fremad Amager (Danmark) Brandur H. Olsen FC København (Danmark) Sølvi Vatnhamar Víkingur Klæmint A. Olsen NSÍ Andreas Lava Olsen Víkingur Jóan Símun Edmundsson Vejle BK (Danmark)