týsdagur 24. mars 2015síða 70

vika 13 • 23. mars 2015 30 Ókeypis lýsingarblað TEMA Epli Miðstovugarðurin veltir eplini í sandi – Tað gongur væl at selja umtóktu eplini, sum vit velta í sandi. Enn er onkur sekkur eftir, um fólk munga eftir sandeplum, sigur miðstovubóndin, Jóannes Johannesen Vilmund Jacobsen T á Vikublaðið í seinastu viku skifti orð við miðstovubóndan í Trøðum á Sandi, vóru hann og húskallurin uppi í hag­anum og hegnaðu. Úr hæddini fingu vit kortini eitt prát um epli. – Seinnu árini hava vit bíðað við at sett eplini niður, til komið er nakað út í mai. Fara eplini ov tíðliga í sandin, er skjótt, at alt verður tað bera ókrút. Tað vísir seg, at kemur kuldi, veksur ókrútið, men ikki eplini. Jóannes Johannesen – ella Jó­ ann­es í Miðstovuni róptur – sigur, at eplasløgini, hann seinastu árini hevur sett niður, eru oleva og folva, har oleva eru tey reyðu - og folva tey hvítu eplini. – Tað er trupult at siga, hvørji epli roynast betri til vøkstur, og hvørji epli tola meira, tá vakstrarlíkindini ikki eru eftir vild. Í fjør fingu vit tó væl meira av hvítum eplum upp aftur enn reyð, sum tá ikki royndust so væl í nøgd. Miðstovugarðurin plagar at seta millum eitt og tvey tons av seteplum niður á hvørjum ári, men ymiskt er - ár undan ár - hvussu grøðin vignast. Nógv eftirspurd Spurdur, hvørji epli viðskiftafólk helst vilja hava, sigur Jóannes í Miðstovuni, at tað er rættiliga ymiskt. – Onkur vil hava tey hvítu, onkur vil hava tey reyðu, og so er tað uppaftur onnur, sum keypa av báðum sløgum. Samanumtikið heldur miðstovu­ bóndin, at sølan av hvítum og reyðum eplum man vera umleið helvt um helvt. Føroysku sandeplini hjá Miðstovu­ garðinum í Trøðum eru væl umtókt. – Vit plaga at selja eplini í Havn, Klaksvík og av og á eisini í Suðuroy, og sølan plagar at ganga væl. Jóannes Johannesen vísir á, at enn eru nakrir fáir eplasekkir eftir, og um fólk ynskja sær sandepli, kunnu tey altíð venda sær til garðin. Neyta-og skerpikjøt Um ein mánaða ella so fer Mið­stovu­ garðurin aftur at hava neytakjøt at selja. – Kjøtið verður vanliga skorið sund­ur og pakkað í 20 kilo eskir, og tá er hetta blandað við steikum og suppu­kjøti. Jóannes í Miðstovuni vísir á, at um onkur hevur hug at bíleggja sær neyta­kjøt, kann altíð ringjast á tlf. 220203. – Vit hava eisini nakað av skerpi­ kjøti, um onkur mungar eftir tí, leggur miðstovubóndin aftrat. – Fara eplini ov tíðliga í sandin, er skjótt, at alt verður tað bera ókrút, sigur miðstovubóndin, sum fer at seta eplini niður, tá komið er nakað út í mai Mynd: Birgir W. Høgnesen