hósdagur 26. mars 2015síða 22

Fríggjadagur 27. mars 2015 sosialurin 36 22 Tróndur Arge S unnudagin skal føroyska lands­liðið í fótbólti takast við rumenska landsliðið stutt uttanfyri Buka­rest. Minn­ini úr Rumenia eru ikki tey bestu. Vit hava spælt móti teimum fýra ferðir. Hvørja ferð er tað enda við einum sigri til rumenska liðið. Fyrsta møtið var í 1992 í Bukarest, har okk­ara taptu ikki minni enn 7-0 fyri Gheorghe Hagi og hans­ara harka liði. Árið eftir kom rumenska lands­lið­ ið á vitjan á Toftum. Ta ferðina end­ aði tað við 4-0 sigri til gestirnar. Tá­ verandi AC Milan framhejrin, Florin Raducioiu, skoraði øll fýra málini. Í HM 2010 undankappingini vóru vit aftur í bólki við Rumenia. Hesa ferð taptu vit 1-0 í Føroyum og 3-1 í Rumenia. Einsamalla føroyska málið skoraði Egil á Bø. Fílist á rumenskar miðlar Sorin Anghel letur ongan iva verða um, at hann ynskir báðum londunum væl. Hann er tó argur um, at einstakir rumenskir journalistar ikki vísa Føroyum og føroyskum fótbólti ta virðing, sum hann heldur vit hava uppi­borið. – Tað eru nakrar journalistar, sum bara tvætla. Teir spyrja óseriøsar spurningar og gera millum annað grin við Fróða Benjaminsen, sum ikki kann vera við, tí hann skal til arbeiðis. Teir skilja ikki samanhangin, sigur Sorin Anghel. Spælandi venjarin hjá 1. deildar­ liðnum hjá AB leggur tó skjótt afturat, at talan er bara um nakrar ávísar journalistar. Umframt tað, so vilja hvørki spælarar ella landsliðsvenjarin taka lætt upp á uppgávuna. – Tí vóni eg eisini, at Føroyar klára seg væl, so hesir journalistarnir fáa at síggja, at Føroyar hava eitt gott lands­ lið, sigur Sorin Anghel. Broytingar á rumenska landsliðnum Landsliðsvenjarin hjá Rumenia er Anghel Iordanescu. Hann var venj­ arin, sum leiddi Rumenia gjøgnum HM 1994 kappingina, har landið hevði eitt tað besta endaspælið nakrantíð. Hann var eisini venjari, tá Føroyar í 1992 og 1993 spældi móti Rumenia. – Nógv er broytt síðani Føroyar spældi móti Rumenia í HM 2010 undankappingini. Anghel Iordanescu er blivin landsliðsvenjari og tað er nógv meiri skil á, sigur Sorin Anghel. Til hendan dystin hevur Anghel Iordanescu úttikið 25 spælarar. Tað er ríkiliga nógv til at vinna á Føroyum, men venjarin vil síggja so nógvar spælarar, sum hann kann. – Tað er eftirhondini nøkur ár síðani at Rumenia hevur verið til eitt endaspæl, so tað er trýst á hjá Anghel Iordanescu at koma víðari úr bólk­inum. Eg trúgvi ikki teir hugsa so nógv um hvussu pent tað sær út. Rumenia skal bara vinna, sigur Sorin Anhgel. Rumenia uttan stjørnuspælaran Eins og føroyska landsliðið, so er rumenska landsliðið uttan onkr­ar av profilunum. Føroyar er utt­an Hall Hansson(leikbann), Fróða Benjamin­ sen (arbeiði), Jónas Tór Næs (skaði í økslini), Bárð J. Hansen (mjødnin) og Arnbjørn Hansen (fibur). Hinvegin, so eru Rumenia utt­an Ciprian Marica, sum er stóra álops­ vápið hjá Anghel Iordanescu. Hann er skaddur. – Ciprian Marica hevur spælt í Týsklandi við VfB Stuttgart og Schalke 04. Hann er stóri spælarin í løtuni, men hann er ikki við, sigur Sorin Anghel. Liðskiparin hjá Rumenia, Razvan Rat, er sera ivasamur til dystin. Hetta hevur stóran týdning fyri liðið heldur Sorin Anghel. – Hann hevur nógvar royndir og hinir spælararnir lurta eftir honum. Tað merkist um hann ikki er við, sigur Sorin Anghel, sum í fjør gavst at spæla á hægsta stigi í Føroyum. Ansi eftir Lucian Lucian Sânmărtean. Tað er maðurin, sum føroyska landsliðið skal steðga. – Um eg skal geva Lars Olsen eini góð ráð, so er tað at ansa eftir Lucian Sânmărtean. Hann er teknist væl fyri, skjýtur góðar deyðbóltar og er góður til at leggja avgerandi av­lever­ ingarnar, sigur Sorin Anghel um 35 ára gamla miðvallaran. Sorin leggur stóran dent á, hetta er maðurin, sum skal okkara skulu halda neyvt eyga við. Væntar at Rumenia vinnur Sorin Anghel vónar, at Føroyar koma væl frá dystinum, men hann væntar føroyska liðið kemur undur eitt stórt trýst. – Trýstið er á Rumenia, sum ætlar ær víðari úr bólkinum. Tí vænti eg, at teir koma at leggja Føroyar undir eitt stórt trýst við tí fyri eyga, at vinna bóltin langt uppi á vøllinum. Teir leggja eisini nógv trýst á síðurnar og koma við fleiri innleggum, greiðir Sorin frá. At enda, so tippar Sorin at Rumenia vinnur. – Eg vænti at Rumenia vinnur 2-0 ella 3-1, sigur Sorin Anghel at enda. ítróttur Fótbóltur Tað sigur rumenski fótbóltsspælarin, Sorin Anghel, sum hevur spælt í føroyskum fótbólti síðani aldarskiftið. Hann fílist á vantandi virðingina, sum ávís tíðindafólk í Rumenia vísa føroysku spælarunum, men vísir á, at bæði spælarar og venjarin ikki taka lætt upp á uppgávuna Trýstið er á Rumenia Costel Pantilimon Vlad Chiricheș Florin Gardoș Paul Papp László Sepsi Mihai Pintilii Lucian Sânmărtean Alexandru Maxim Cristian Tănase Alexandru Chipciu Claudiu Keserü Sorin metir um uppstillingina GK Costel Pantilimon GK Silviu Lung Jr. GK Cristian Bălgrădean DF Răzvan Raț DF Vlad Chiricheș DF Florin Gardoș DF Paul Papp DF Dragoș Grigore DF Cosmin Moți DF László Sepsi DF Cristian Manea DF Bogdan Vătăjelu MF Cristian Tănase MF Gabriel Torje MF Mihai Pintilii MF Alexandru Chipciu MF Lucian Sânmărtean MF Adrian Popa MF Dan Nistor MF Andrei Prepeliță MF Claudiu Bumba FW Alexandru Maxim FW Raul Rusescu FW Claudiu Keserü FW Florin Andone rumenska liðið: Sorin Anghel Lars ikki sett sítt lið enn Landsliðsvenjarin, Lars Olsen, sigur í samrøðu við Sosialin, at hann hevur ikki endaliga sett liðið til landsdystin móti Rumenia Tríggjar broytingar verða frá liðnum, sum byrjaði inni móti Grikkalandi, tí Hallur Hansson, Fróði Benjaminsen og Jónas Tór Næs eru ikki við hesa­ferð. – Eg kann siga so mikið sum, at tað serliga eru tey plássini, har eg ivist eitt sindur í hvør skal spæla. Eg havi ikki tikið endaliga støðu til hvør skal byrja inni, sigur Lars Olsen. Landsliðsvenjarin sigur somu­ leiðis, at hann hevur sæð somu ting sum Sorin Anghel, tá tað kemur til fram­rættaða miðvallaran, Lucian Sânmărtean. – Eg hevði ein mann á staðnum til dystin hjá Rumenia móti Norður Írlandi. Tá var hann lyklaspælarin og vit koma at hava eitt gott eyga á manninum. Vit koma ikki at bein­ leiðis mansvejan hann, men heldur at hava eitt eyka gott eyga á honum, sigur Lars Oslen, sum annars letur væl at standinum í hópinum, hóast fleiri mans ikki eru við hesaferð. trondur@sosialurin.fo