hósdagur 26. mars 2015síða 24

Fríggjadagur 27. mars 2015 sosialurin 36 24 N ú ber til at vedda uppá, hvør verður fyrst, fiski­ vinnunýskipanin ella næsta sólarmyrking. Næsta sólarmyrking verður í 2245, tað vita vit, hon verður í løg­tings­setuni 2244. Tað einasta, sum eisini longu nú er heilt vist, er, at Fólkaflokkurin verður í samgonguni tá. Men, sum skrivað stóð, til ber at vedda upp á nýskipanina ella sólar­ myrkingina, hvør verður fyrst. Vinn­ ingurin er eitt rullandi veiði­loyvi, sum kann seljast hægst­bjóðandi, og eitt par av sólar­myrkingarbrillum. Men hatta var so dag­urin hesaferð. Fríggja­dag­urin 20.mars 2015, vár­javn­døgur og full sólar­myrking í Før­ oy­um. Fólkatalið fór upp um 60.000 í nakrar dag­ ar, og endiliga kom eitt argument fyri at leingja flogvøllin. Ein føroyingur var so óheppin at skjóta mál í fótbóltsdysti í næst bestu deildini í Danmark tann 19.mars. Var sólarmyrkingin ikki dag­in eftir, var tað dag­sins søga í øll­um før­oyskum fjøl­miðlum tann dagin. Før­oying­ur skeyt mál í Danmark. Men sólar­myrk­ingin fór við allari sólar­ork­uni hjá fjórða stats­valdinum. Fólkaræðið tók sær annars frí, hóast frídagur ikki var, so tað hevði ikki brúk fyri verju. Eingin fundur var í løgtinginum, hóast dungin av skila­ góðum málum, sum bíða eftir við­gerð, er nógv hægri enn tinggáttin. Men løgmaður kundi seta flugu­ bein í avrikssáttmálan hjá sam­gong­ uni. Í samgonguskjalinum stendur, at sólar­myrking verður í valskeiðinum. Og nú kann valið koma og nýskipanir bara bíða. Men var hatta tað, sum konan segði, beint áðrenn hon doyði, 97 ára gomul. Var hatta alt? Alt er seinkað í Føroyum, og tað vóru skýggini eisini, sum skuldu fram við mánanum, tá mánin fór fram við sólini. Men løtan var, sigst, stór, tí hon gjørd­ist myrk eitt hanagleiv inn í høsnar­húsið at venda. Eg var til arbeiðis hendan morgun í mars, tók sum vant eitt tak fyri fólkaræðið. Tað fái eg løn fyri, annars gjørdi eg tað ikki. Klokkan hálvgum tíggju kom róp í: nú fara vit út. Vit fóru út og høn­urnar fóru inn, tær hava bara hønu­vit. Og vit fóru øll út, hvør við sínum pappbrillum at gána upp í himmalin, upp í skýggini, sum vóru ov sein, sjálv­ andi, tey skundaðu sær ikki. Kalt og illfýsið at standa. So bleiv myrkt, tað skýmdi skjótt, og eitt tjaldur kundi sjálvandi ikki halda nev, men klipti friðin, sum skuldi vera, og vendi vel. Aftur kom róp í, hygg, har er hon, har er hon! Tá eg hevði fingið sólar­ myrkingartrygdarbrillurnar á nøsina og aftan fyri oyruni, var hon ikki har longur. Eg sá hana so ikki. Ná, men hatta var so tað, inn aftur til flutningsbandið, lítið, fyri ikki at siga als ikki ávirkaður. Men hjá øðrum var løtan stór, tann størsta hjá nógvum higartil, siga tey. Og tað var sum á jólum, alt var aftur­ latið og stongt. Mánadagur 23. mars 2015: ein svanur (Norðurlandadagur var) í ein­um tjarnarlingi við Hoydalsá. Vaskaði sær, brúkti høvdið at vaska velið við. Hent at hava langan háls. Lyfti sær síðani á og breiddi veingirnar út. Tignarligt og stórbært ritual. Nógv størri enn ein banal sólarmyrking. Gloymdi at hyggja, tá svanurin fór upp á land, um hann hevði ring. Húsfuglum leingist. Villfuglar flúgva. Men hvussu var ella ikki tann 20. mars, kom sólin undan aftur mán­an­um og mín sann eisini skýggjunum og helt sína kós (tíbetur) sum var einki hent. Óført tó, at okkurt er, sum kann savna tjóðina, hóphugtøling, ein myrk sól. Saman at gána var okkum givið. Næstu ferð her í Føroyum verður í 2245. Leingi at bíða, men tíðin gongur skjótt, og áðrenn vit hava vent okkum fýra ferðir, eru vit í 2245. Best man vera at goyma brillurnar. Klipti friðin og vendi vel Høgni Djurhuus fekk Móðurmáls­ viðurslønina 2012 Høgni Djurhuus Mynd: heinesen myndir Yrki: Venjari hjá Víkingi Bústaður: Tórshavn – Hvat ætlaði tú at blíva, tá tú bleivst vaksin? Fótbóltsspælari Hvat burdi hitt kynið vitað um títt kyn? – At vit eru ikki eins, og tað koma vit ongantíð at verða Hvat burdu børn vitað um tað at vera vaksin? – Lat børn vera børn so leing sum møguligt, hitt kemur tíðs nokk Hvat var seinasti dreymurin, tú gjørdi til veruleika? – Var og fjakkaði fyri nøkrum árum síðan Enda setningin: Um eg tordi, so hevði eg … … Søkt -----starvið hjá FSF ;) So hevði okkurt hent! Hvat hevði gjørt heimin til eitt betri stað? – Djúpur spurningur og har havi eg ikki nakað lætt svar, men vit kunnu byrja við at góðtaka ymiskleika Nær vart tú seinast veruliga ovfarin± – Eri ovfarin av dóttur míni mest sum hvønn dag Tann støðuga ringa samvitskan snýr seg um: – At eg ikki havi nóg nógva tíð til dóttur, familju og vinir. Enda setningin: Føroyingar burdu … – havt heimsins besta land at liva í, og tað kunnu vit fáa aftur, um vit aftur fara at hugsa meiri samhaldsfast!!! baksíðan Sigfríður Skaale Clementsen