mánadagur 30. mars 2015síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 30. mars 2015 · Nr. 37 ítróttur Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Pætur E. Jensen Í gjár vísti manslandsliðið í fótbólti seg enn einaferð frá síni bestu síðu, tá tað niðri í Rumenia ikki bleiv til nakað skrædl ella úrlating, men tvørturímóti um ein dyst, ið saktans kundi endað við einum javnleiki. Hevði frálíka langskotið hjá Jóan Símuni Edmundsson í evstu løtu ikki rakt stóru handskarnar hjá rumenska málverjanum, hevði dysturin endað 1-1, heldur enn 1-0 til rumenar við hepna málinum, sum Claudiu Keserü fekk prikað inn mitt í fyrra hálvleiki, eftir at eitt fríspark rakti føroyska verjumúrin og snýtti allar. Gunnar Nielsen, sum við fleiri avgerandi og framúr góðum bjarginum gjørdi allarbestu reklamu fyri sær sjálvum, var helst fremsta ímyndin av einum føroyskum liði, ið ongantíð fór niður við nakkanum. Í løtum var samanspælið gott og flótandi, og verjuparturin kring allan vøllin var fyrimyndarligur og fekk forðað fyri, at vit upplivdu ein av teimum dystunum, vit helst vilja gloyma aftur sum skjótast. Hesaferð eydnaðist rættiliga væl at binda fyri, meðan tað ikki eydnaðist nóg væl at fáa kjansir burtur úr deyðbóltum og støðum, ið annars kundu givið onkra meira ítøkiliga atsókn. Hesaferð kundu vit staðfesta, at av teimum ellivu, ið byrjaðu inni, eru ella hava teir níggju spælt fótbólt uttanlands, og tað sama er galdandi fyri allar tríggjar, ið komu inn. Eingin ivi er um, at finna føroyskir spælarar hóskandi avbjóðingar aðrastaðni, er tað mennandi og gevandi fyri teir sjálvar og ikki minst landsliðini hjá okkum, tí lopið upp til fótbólt á einum hægri stigi verður ikki so stórt. Og so er bara at vóna, at føroysk feløg ikki finna pengarnar, tá tey royna at keypa føroyskar spælarar heimaftur, heldur enn at lata teir fáa frið at fylgja dreyminum og mennast uttanlands. Hinvegin eigur ikki at vera avgerandi fyri landsliðið, at spælarar endiliga hava royndir frá útlendskum fótbólti annars, tí einki er betri enn ein sterk og góð kapping í Føroyum. Í síðstuni eru fleiri farin at tosað um at fáa eina fótbóltshøll, og eitt uppskot um tvær slíkar hevur enntá verið til viðgerðar á tingi. Íslendingar, sum eisini her eru okkara uppløgdu fyrimyndir, hava havt stóra gleði av sínum hallum, so kanska skuldi størri orka verið løgdu í tað málið. Í gjár sóu vit í øllum førum, at lítið manglar í, hóast vit enn bara eru í mars mánaði. Rætting Í ítróttarklummunu Politikarar og pinnamatur, sum stóð í Sosialinum fyri viku síðani, varð víst á, at politikarar ikki hava hildið seg aftur, tá teimum hevur staðið í boði at fara á Oyggjaleikir fyri at vísa seg fram. Tó skal fyri ordans skyld skoytast uppí, at navnið á fyrrverandi landsstýriskvinnuni í mentamálum, Helenu Dam á Neystabø, manglaði í rúgvuni, tí hon var við á Isle of Wight í 2011. Flott, Føroyar! Ítróttar klumman Hilmar Jan Hansen Framvegis spennandi Hilmar Jan Hansen Fyrsta hálvfinalan hjá kvinn­ um var í ítróttarhøllini í Trong­is­vági í gjár, har TB tók ímóti Drátti, og enn eina­ ferð skuldi tað vísa seg, at hesi bæði liðini síggja út til at standa óvanliga væl til hvørt­annað. Eins og í steypafinaluni, máttu fimm sett til, áðrenn vinn­ar­in var funnin, men hesa­ferð var tað tó TB, ið dróg longra stráið og vann 3-2. Men tað var so sanniliga ikki uttan svørðslag, tí kvinn­ ur­nar úr Vágum løgdu út sum eitt ódnarveður. Fyrsta sett vann Dráttur 25-17 og annað sett 25-15, so nú stóð altso á gomlum nøgl­ um hjá TB, sum í allan vet­ur hevur verið tað mest sann­ før­andi liðið av øllum. Fimm sett kravdust Meira stóð tó ikki á enn so, at TB fekk vunnið tey bæði næstu settini 25-20 og 25-17, so alt nú var púra opið undan fimta og avgerandi settinum. Her skuldi tað vísa seg, at TB fekk hildið fast í tí mo­ ment­um, liðið hevði vunnið sær í triðja og fjórða setti, tí tað eydnaðist tvørakvinnum at vinna fimta settið 15-10 og harvið dystin 3-2. Samstundis kann stað­ fest­ast, at fimmsettarar næst­an er blivnir ger­and­is­ kost­ur hjá TB, sum í hálv­fin­ al­un­um fyrst vann 3-2 á Fleyr og síð­ani tapti 3-2 fyri Fleyr, áðrenn tað í triðju hálv­fin­al­ uni eydnaðist at vinna 3-1 og koma í finaluna. Tá skuldu hóast alt ikki so nógv­ar kreftir til hjá Drátti, sum í eini Vágauppgerð ímóti SÍ var omaná í báðum hálv­ fin­al­un­um, fyrst 3-0 og síðani 3-2, áðrenn finaluplássið var tryggjað. ÍF gjørdi skylduna Hjá monnunum vóru ikki hálv­finalur millum fýra tey bestu eftir grundspælið, tí eftir at SÍ var blakað úr kapp­ing­ini, kundi ÍF sum odda­lið ikki longur spæla ímóti nummar fýra, so ÍF kom beint í FM-finaluna. Hinvegin spældu Fleyr og Mjølnir tvær hálvfinalur, men har læt Fleyr ongan iva vera og vann 3-0 í báðum, so fin­alu­sessurin var tryggur. ÍF, sum í allan vetur hevur verið á odda í Eikliguni hjá monn­un­um, tók í gjár ímóti Fleyr á Kambsdali, og har gjørdi ÍF sína skyldu sum favo­ritt­ur við at vinna 3-1. Fuglfirðingar løgdu út við at vinna tey bæði fyrstu settini, 25-17 og 25-11, áðr­ enn stígur kom í, sum tað ofta kann gera eftir tvey lættvunnin sett. Tí kundi Fleyr svara aftur við at vinna triðja sett 25-20, áðrenn ÍF aftur kom á slóðina og lukk­ aði dystin við 25-10 í fjórða setti. Onnur finalan Bæði hjá kvinnum og monn­ um verður onnur FM-fin­al­an spæld mikukvøldið, og í báð­ um førum verða dystirnir spæld­ir í ítróttarhøllini í Havn, sum eisini skal hýsa teim­um, um neyðugt verður við eini triðju finalu, sum tá verð­ur spæld skírisdag. Skráin fyri FM-finalurnar miku­kvøldið er tann, at klokk­an 18 spæla menninir hjá Fleyr og ÍF og klokkan 20.30 kvinnurnar hjá Drátti og TB. Og stendur á jøvnum eft­ir tveir finaludystir, verða møgu­ligu triðju fin­alu­dyst­ ir­nir spældir skírisdag, har menn­in­ir hjá ÍF og Fleyr eru sett­ir til klokkan 13.30 og kvinn­ur­nar hjá TB og Drátti til klokk­an 16. hilmarjan@sosialurin.fo Í gjár vóru fyrstu FM-finalurnar í flogbólti hjá bæði kvinnum og monnum, men meðan ÍF er stórfavorittur hjá monnum, er alt púra opið hjá kvinnum Meðan menninir hjá ÍF við 3-1 sigri á Fleyr síggja út til at hava gott tak á støðuni, er alt opið hjá kvinnunum, har TB og Dráttur løgdu út við einum fimmsettara Mynd: Álvur Haraldsen