mánadagur 30. mars 2015síða 14

Mánadagur 30. mars 2015 · Nr. 37 14 Sosialurin Hugskot og viðmerkingar – send sms til 225000 ítróttur Felags fyri føroysku spælararnar var, at teir vóru fegnir um avrikið og vónbrotnir av úrslitinum, ið Sorin Anghel heldur eigur at vera grundarlag undir betri úrslitum á heimavølli enn higartil Nú eigur heimavøllurin at geva fleiri stig Jóannes Hansen Tríggjar tær seinastu ferð­ir­ nar er samlaði málmunurin hjá føroyska landsliðnum 1-2. Eftir 1-0 heimatap ímóti Ungarn og 1-0 útisigur á Grikka­landi varð úrslitið í Rumenia í gjár 1-0 tap. Nú standa tvær avbjóð­ ingar á heimavølli fyri framm­an. 13. juni vitjar Grikka­land, og 4. september vitjar Norðurírland, sum 11. oktober í fjør vann 2-0 á heima­vølli ímóti Føroyum. Í gjár fylgdi Sorin Anghel serliga væl við, hvussu leikur fór í Bukarest. Hann er ætt­ aður úr Rumenia. Síðani 2001 hevur hann verið í Føroyum. Her hevur hann umboðað EB/Streym inntil og við 2012, og saman við EB/Streymi hev­ur hann bæði vunnið FM og steypafinalur. Síðani 2013 hevur Sorin verið í AB, har hann nú hevur ábyrgdina av lið­num í 1. deild. – Eg fylgdi við í gjár í rumenskum sjónvarpi, og eg eri harmur um, at teir í Rumenia hava havt so lítið fokus á, hvussu stór menn­ingin hjá føroyska landsliðnum hevur verið. Venj­ararnir og spælararnir eiga alt rós uppiborið fyri av­rikið í Grikkalandi í november og aftur í gjár. Liðið tordi at spæla, og liðið vísir, at tað hevur evni at spæla. Rumenia er ein av stóru europeisku fót­bólts­ tjóð­unum, og tá talar tað fyri seg sjálvt, at Føroyar í 2. hálv­leiki megnaðu at pressa teirra lið. Hvat søgdu rumenarar um tað? – Upp undir dystin vóru teir hástórir um føroysku amatørarnar, men nú hevur pípan fingið eitt annað ljóð. Mær hevði dámað betur, um teir nú søgdu seg seta prís upp á føroyska fót­bólts­ spælið og avrikið. Tíverri gera teir ikki tað. Heldur fokuserar pressan á, at hug­ burð­urin hjá teirra spælarum var vánaligur, at tað hevði regnað nógv, at vøllurin var vánaligur, grasið sítt og meiri av tí slagnum. Tað harmar meg, tí eg haldi, at føroy­ingarnir vístu sera gott avrik, sigur Sorin Anghel, og hann hevur gott mót um næstu dystirnar, sum vera á heima­vølli ímóti Grikkalandi 13. juni og 4. september ímóti Norður­írlandi: – Nú er tað komið hartil, at vit eiga at rokna við góð­ um avrikum og úrslitum á heima­vølli. Eitt er, at liðið eigur at fáa stóran stuðul frá áskoð­arunum, og hitt er, at liðini, sum koma henda vegin at spæla, ikki eru álvulig við støðuna, tí tey kenna um­ støðurnar fremmandar. Tað eigur at geva føroyska lið­ num bonus á heimavølli, held­ur Sorin Anghel. Vónbrotnir spælarar At tíðin er farin, tá ið før­ oyska liðið var við fyri at læra, vóru reaktiónirnar hjá spæl­arunum eftir dystarlok í gjár staðfesting av: – Vit eru vónbrotnir. Ser­ liga av okkum sjálv­um. Vit høvdu vant deyð­bólts­støður­ nar heilt nógv, men tað sást ikki, tí í deyðbóltsstøðunum vóru vit alt ov óneyvir, og har­við fingu vit einki burtur­úr teimum. Serliga í 1. hálvleiki vóru vit tyngdir av nervum, men so gekk væl betri, og tað er huga­ligt, tí Rumenia er betri fót­bólts­ lið enn Grikkalandi, var við­ merk­ingin hjá mið­verj­anum Sonna Ragnar Nattestad. Atli Gregersen var lið­for­ maður í gjár og makkari hjá Sonna Ragnar í miðverjuni: Vit standa við undaligari kenslu. Málið var ógvuliga undarligt og fyri okkum sera óheppið. Hóast vit saknaðu tríggjar av profilunum, so bar tað langt, at vit góvu alt. Gunnar hevði nakrar risa bjargingar, men tað er neyð­ ugt, at málverjin er framúr, um vit skulu standa okkum ímóti teimum stóru. Tvey mál – tilsaman – eru farin ígjøgnum í trimum teimum sein­astu dystunum, so vit hava heilt víst ikki sæð tað síðsta frá hesum liðnum, sigur Atli Gregersen. Vongverjin í vinstru, Viljormur Davidsen, er samd­ ur við liðformannin: – Vit hava ment vinnara­ viljan á yngru landsliðunum, har góð úrslit ikki eru ókend. Tað merkist nú á lands­lið­ num. Eg hevði roknað við, at teir fóru at pressa okkum síðstu løtuna. Nú vóru tað vit, sum trýstu teir. Vit eru sera vónbrotnir av, at okkara trýst ikki bar mál og úrtøku við sær, men tað verður vón­andi næstu ferð, sigur Viljormur Davidsen. Talan var um liðavrik, har eyðsýndastu føroysku spælararnir vóru fremsti maður, Jóan Símun Edmunds­son, og aftasti skansin Gunnar Nielen. – Eg haldi, at Rumenia eigur betri lið enn Grikka­ land, og tí var hetta avrikið sera gott, hóast teir vóru greitt omaná undan steðg­ inum. Sum 2. hálvleikur leið, var panikkur í hjá teimum, og tað er harmuligt, at vit ikki fingu mál. Eg var moyrur, tá ið síðsti møguleikin var har, so eg smekkaði til. Eg rakti hann væl, og eg sá hann hava kós inn undir saman­ komingina, men mál­verjin er langur, og tað eydn­að­ist honum at verja fyri, stað­ festir Jóan Símun Edmunds­ son. Gunnar Nielsen: – Hugburðurin hevur verið fram­úr 3-4 seinastu ferðirnar. Hesaferð megnaðu vit ikki nóg væl at spæla okkum til upp­lagdar málmøguleikar, men tað gjørdu teir heldur ikki. Nú gleða vit okkum til at fáa møgu­leikan at spæla á heima­vølli. joannes@sosialurin.fo fótbóltur Myndir: Hans Erik Danielsen Savnsmynd