mánadagur 30. mars 2015síða 32

16 nr. 3 I 30. mars 2015 Vinnublaðið hjá Miðlahúsinum óast báðir teir stóru føroysku bankarnir seinastu vikuna hava breggjað sær av góðum úrs­litum, so vísa roknskapirnir tvær rættiliga ymiskar myndir. Fyrst og fremst, so er rokn­skapurin fyri BankNordik ein roknskapur fyri samlaðu konsernina, sum eisini fevnir um deildir í Danmark og Grøn­landi. Altjóða myndin ávirkar ikki longur Eik, sum eftir fíggjarskrædlið aftur gjørdist ein banki, sum virkar í Føroyum burturav. Dýrt Amager-keyp Fyrst og fremst, so er raksturin hjá BankNordik í stóran mun ávirkaður av niður­ skriv­ing av goodwill. Tí er tað eitt sindur mis­vís­andi, tá tosað verður um avlop á 157 mió kr. Goodwill verður definerað sum tað meir­ virði, sum eitt felag ella virkisøki hevr í mun til bókaða virðið av sama. Goodwill gerst so­leiðis bert sjónligt í eini handilsstøðu, og kann eitt nú vera munurin millum søluprís og bókaða eginogn. Í eini sølustøðu íkemur goodwill sum væntað framtíðar inntjening upp á keyptu ognina. Tá BankNordik soleiðis hevur niður­ skrivað goodwill við fjórðings milliard, merkir hetta í stuttum, at vánirnar til framtíðar inn­ tjening eru munandi verri í dag, enn tær vóru, tá danski bankin á sinni varð keyptur. Sambært ársfrásøgnini, so er henda støða íkomin orsakað av óvanligu rentustøðinum, sum ger tað trupult at fáa eitt nøktandi avkast upp á góða gjaldførið hjá bankanum, men tað nertir ikki tann veruleika, at handilin á Amager varð ov dýrur, tá hugt verður í tíðar­ innar bakspegil. Eik vinnur á heimamarknaðinum Í bankavirkseminum annars geva rokn­ skapirnir eina greiða ábending um, at Eik við einvísum fokus á føroyska marknaðin tykist vinna marknaðarpartar frá stóra kappingar­ neytanum. Soleiðis eru útlánini hjá Eik økt við 200 mió kr. – svarandi til 3%. Samstundis standa útlánini hjá BankNordik í stað, men tað er ikki øll søgan. Sambært danska Finanswatch, so er útlánsvøksturin í Danmark 12%, og tað merkir alt annað líka, at talan hevur verið um minking av marknaðarpartinum fyri útlán á heima­marknaðinum. Eisini er vert at bíta merki í, at mett út frá teimum báðum seinastu ársroknskapunum, so hevur tað eisini í størri mun eydnast hjá Eik at betra um effektivitetin – lønsemi í bankarakstrinum. Eitt er, at rakstrarútreiðslurnar hjá BankNordik eru lutfalsliga hægri í mun til inn­tøkurnar, enn tær eru hjá Eik. Til hetta kunnu vera fleiri orsøkir, sum ikki síggjast bein­leiðis í roknskapinum. Annað er, at tað í nógv størri mun hevur eydnast Eik at minka um sama lutfall í farna roknskaparári. Ein lægri rentumarginalur saman við einum ovara pínumarki hjá kundum fyri avgreiðslu­gjøld hevr við sær fallandi rakstrar­ inn­tøkur, men her er minkingin hjá Eik lut­ falsliga minni, enn hon er hjá BankNordik. Samstundis hevur tað eydnast Eik at skera ikki minni enn 11% av rakstrarútreiðslunum, meðan sama lækkingin hjá BankNordik er um 6%. Væleydnaða tillagingin hjá Eik av út­ reiðslu­síðuni ber við sær, at bankin hevur ein lítlan vøkstur í úrslitinum fyri niður­skriv­ ingar, meðan hetta talið hjá BankNordik er lækkað 13 mió kr. Tá tað samstundis verður havt í huga, at bankin í tíðindaskrivinum vísir á, at tey nú fyri fyrstu ferð forvinna meira enn helmingin av rakstrarúrslitinum á nýggju – les útlendsku - virkisøkjunum, má hetta sam­ stundis takast sum ein greið ábending um, at bankin í nógv minni mun enn áður skapar sína inntjening á føroyska marknað­inum. Sterkir bankar At enda er vert at taka við, at teir báðir peninga­stovnarnir, sum dominera føroyska marknað­inum, í dag hava eina sera sterka fíggjar­støðu. Bæði tá umræður gjaldføri og solvens liggja føroysku bankarnir væl omanfyri lógar­kravda markið. Og ikki minst tykjast niður­skriv­ingar av útlánum ikki at hava nakra nevni­verda ávirkan a raksturin. Hjá Eik er talan enntá um negativa niðurskriving – altso verður tapsvandin við árslok 2014 mettir sum ver­andi minni enn hann varð við árslok 2013. H Bankar Danska deildin hjá BankNordik forvinnur nú pengar, men niðurskrivingin á kvarta milliard bendir á eitt ov dýrt keyp. Á føroyska marknaðinum vinnur Eik fram í mun til BankNordik Jákup Mørk Eik vinnur marknaðar­ partar Hóast báðir teir stóru føroysku bankarnir seinastu vikuna hava breggjað sær av góðum úrs­litum, so vísa roknskapirnir tvær rættiliga ymiskar myndir