týsdagur 31. mars 2015síða 15

15 Mikudagur 1. apríl 2015 · Nr. 38 Sosialurin Hugskot og viðmerkingar – send sms til 225000 nøvn Tað var máttloysi og døpur­ hugi, ið merkti henda leyg­ar­ dagin 14. februar, tá tað frætt­ ist, at Kári ikki longur var millum okkum. At hann so brádliga og harðrent skuldi rykkjast burtur frá sínum kæru og øllum tí nógva, sum hann hevði at liva fyri, er ringt at koma til sættis við. Persónliga hava tit nærm­ astu mist ein elskaðan pápa, mann, son og beiggja. Men alt Føroya land hevur eisini verið fyri lemjandi missi. Í Føroyum hava løg­frøði­ ligir akademikarar, og í aðra­ máta úrmælingar innan hetta fak, ikki verið mangir. Og frá hesum, farnum sum núlivandi, fekk Kári als ikki kapping. Kári hevði óvanliga stóra vitan um sítt fak. Tey posi­ tivu fakini dugdi hann í dýpd og í breidd. Hartil dugdi eisini so serliga væl at nýta sína vitan í praksis. Við løgfrøðiligum hugsunarhátti er sum við nógvum øðrum talentum, at nøkur hava tað viðføtt, meðan onnur ein­ans læra tað við venjing og drúgvum royndum, um yvir­høvur. Kári hevði tað við­føtt. Honum dámdi best løgfrøðina, har hon var mest avbjóðandi, har keldurnar vóru nógvar og ymiskar, og har fleiri ymisk úrslit vóru møgulig. Eisini út um løgfrøðina var Kári av lyndi frøðingur og tonkjari. Ongin avbjóðandi ella grundleggjandi spurn­ ing­ur í nøkrum av lívsins viður­skiftum fór fram við Kára, uttan at hann við síni originalu og mangan skemti­ligu tulking skar inn á bein. Verði tað seg um søgu, samfelagsviðurskifti, poli­ tikk, vanligt fólkalív ella seyða­hald, sum hevði hans­ ara serliga áhuga. At vera gløggur og vitug­ur er kortini ikki nóg mikið. Tað, sum gjørdi Kára til nakað heilt serligt, var hans­ara moralur. Hetta lýsti prest­ur eisini so væl í vøkru præ­ dikuni fyri Kára. Kári vildi ikki sum tey flestu sláa seg til tols við bara at gera sína vanligu skyldu sum borgari og menniskja. Fyri Kára mátti eitt menniskja metast eftir tí, sum tað avrikaði. “At liva er at virka”, lat hann meg onkuntíð vita. Hesin moralur hansara var nær skyldur við tann frá fornu samfeløgunum, sum mangan verða lýst í kvæðunum, ið hann var so kunnugur og góður við. Í teimum samfeløgum mátti maður gera sín gerning og vísa sítt virði, meðan tíð var, tí tíðin var ikki óavmarkað. Hesin moralurin og hetta lyndið merkti eisini hans­ ara løgfrøðiligu hugs­an og gjørdi hann til tann mikla løg­frøðing og hugsjónar­ mann, ið hann var. Hann sá ikki bara lógina sum eitt am­ boð at styðja seg til, tá ið ein snávar, ella at halda trupul­ leikum frá hurðini við. Hann sá lógina sum aktivt amboð at skipa samfelagið og lívið hjá einstaklingum við. Kári var tí eisini ókon­ ventio­nellur. Hann hevði ikki altíð tol við fólki, ið vóru nøgd við bara at gera sína skyldu og síðan passa hvør seg. Summi halda, at hugsjónir eru fyri droymarar, og at einstaklingar kunnu ikki broyta nógv. Hesi kunnu hyggja eftir øllum tí, sum Kári framdi at kalla einsa­ mallur maður. Longu ár 2000 setti Kári sær fyri at stovna einasta og fyrsta føroyska løgfrøðiliga faktíðarritið, Føroyskt Lóg­ ar­rit (vanliga kallað FLR). FLR var ætlað at vera liður í og gróðrarbotnur fyri verk­ ætlanini løg­frøði­út­búgv­ing á Fróðskaparsetrinum. Stutt eftir fór Kári undir at undirvísa í Grundskeiði í lóg og øðrum løgfrøðiligum stakskeiðum. Fyri fyrstu ferð blivu føroyingar undirvístir innan løgfrøði um føroysk viðurskifti av føroyingum. Við grundskeiðinum og øðrum stakskeiðum varð grund­in spakuliga løgd und­ir hesa verkætlan, sum gjørd­ist veruleiki við Master í lóg, sum varð sett á stovn á Fróð­skaparsetrinum á heysti 2013. Fyri Kára var løgfrøðiliga verkætlanin eitt mentunar­ ligt prosjekt, har tað ráddi um at hækka um tilvitskuna og geva landsins borgarum og myndugleikum innlit og sjálvsálit til at hugsa og virka sjálvstøðugt í løgfrøðiligum spurningum. Ikki einans akademiskt, men eisini í verki var Kári úr­mælingur innan løg­frøði­ liga fakið. Hann var høv­uðs­ drívmegin aftan fyri stovn­ anina av Fasta Gerðarrætti í 2006. Tað má sigast at vera bragd hava eydnu við at taka so stórt stig at fáa skipað viðurskifti á føroyska arbeiðsmarknaðinum. Heldur ikki mugu vit gloyma grundlógar­nevnd­ ina (seinni stjórnar­skip­an­ ar­nevndina), har Kári var skriv­ari. Hóast blaðungur og nýklaktur løgfrøðingur var Kári høvuðsdrívmegin at um­tulka arbeiðssetningin, so verkætlanin fór frá at vera eitt flugubein, sum skuldi hakkast av fyri at fremja stat­in, til at vera djypri og breiðari verkætlan fyri allar før­oyingar, har roynt varð at rætta hondina yvir um miðj­una í søguliga truplasta polit­iska spurninginum. Og Kári var skjótur við út­kasti til grundlóg, sum við mergj­ aðum og fyndugum, sagn­ orðakendum setningum bant aftur í føroyska rættarsøgu. Kári hevði ikki bara talent sum løgfrøðingur. Hann var eisini fram úr skemtari og sam­felagsanalytikari. Hes­um søgdu hansara kendu upp­ gávur í løgfrøði á Setrinum frá. Tey lesandi vóru javnan hálvkvald í látri, tá Kári um eina leið foldaði seg út sum uppgávuhøvundur og samfelagssatirikari. Tað er svárt at hugsa um alt tað, sum Kári kundi havt avrikað aftrat. Ørgrynna av bókum, greinum og verk­ ætl­anum lógu og bíðaðu, tí lutfalsliga var hansara arbeiðslív júst byrjað. Hetta má tó ikki fáa okkum at gloyma tað, sum longu ofta er sagt um hann, at hann av­ rikaði so nógv meira enn tey flestu, ið hava langt lív lagað. Hópur av bókum, grein­um og verkætlanum vóru longu fingnar frá hond­ini. Mest av øllum kendist Kári sum ein lívgandi andi. Við Kára var man altíð á ferð móti onkrum áhugaverdum máli. Saman við honum var tilveran aftur spennandi, sum á barna- og ungdómsárum, har tað møguliga var stórt, og tað ómøguliga var lítið, og altíð okkurt lívsjáttandi fyri framman. Ikki einans vóru vit fak­ liga saman við Kára. Vinir og starvsfelagar vórðu mang­ an bodnir í heimið til føð­ ingardagar ella annan vert­ skap. Og ikki vóru túrarnir fáir heldur til Vestmanna at hjálpa til við seyði o.ø. Altíð var gott at vera saman við Kára. Kára broytti verðina hjá okkum, sum kendu hann og vóru hansara vinir. Og okk­ ara verð er aftur broytt so ómetaliga nógv, nú hann er farin frá okkum. Ringast er kortini hjá tykkum Jóhanna, Bragi, Brest­ir, Bryndis og foreldur og systkin. Orð kunnu ikki lýsa sorgina og saknin og tóm­l­eikan. Sum frá líður fer tað vónandi at verða tykkum ein uggi, at tit áttu ein so óvan­liga raskan og góðan mann, pápa, son og beiggja, ið tit kunnu vera so errin av, og sum hevur givið ikki bara tykkum, men okkum øllum so ómetaliga nógv, ið vóru so heppin, at okkara lívsvegir umskaraðust hansara. Farvæl so leingi, góði vinur. Bárður Til minnis um Kára á Rógvi Gullbrúdleyp Leygardagin 21. mars 2015 høvdu hjúnini Katrin og Gudmund Jakob­sen gullbrúdleyp. Dagurin verður hildin 1. apríl. Diamantbrúdleyp Fríggjadagin 24. apríl kunnu vit halda diamantbrúdleyp. Dagurin verður hildin í Bygdarhúsinum í Leirvík kl.19. Tey, ið vilja halda dagin saman við okkum, vinarliga sigið frá á tlf. 443011 ella 443398 áðrenn 13. apríl. Herborg og Páll Gullbrúdleyp 14. apríl hava Jonhild og Zacharias Bech í Porkeri verið gift í 50 ár. Dag­urin verður hildin í Porkeris skúla leygardagin 18. apríl ímill­um kl. 12–18. Øll eru hjartaliga væl­komin.