hósdagur 9. apríl 2015síða 8

Fríggjadagur 10. apríl 2015 sosialurin 40 8 persónssøga Áki Bertholdsen S um støðan er nú, havi eg skyldu at hjálpa til. Tað sigur Jógvan Skor­ heim, borgarstjóri í Klaks­vík. Og hann ætlar at royna at taka øll á bóli við einum góðum valúrsliti, tá ið løgtingsval verður seinni í ár. Í gjáramorgunin kunngjørdi Sjálv­ stýrisflokkurin púra óvæntað, at Kári P. Højgaard, brádliga hev­ur lagt frá sær sum formaður í Sjálv­stýris­ flokkinum, og at Jógvan Skorheim hevur tikið við sum floksformaður eftir hann. Serliga óvæntað er hetta, tí fyri einum hálvum ári síðni kunnugjørdi Jógvan Skorheim, at hann fór ikki at stilla uppaftur, tí hann er borgarstjóri í Klaks­vík og har er arbeiðsbyrðan so mikið stór, at hann sær seg ikki føran fyri at vera uppi í landspolitikki eisini. – Tað er ótrúliga spennandi og krevjandi at vera borgarstjóri í Klaks­ vík, og við teimum stóru ætlanum, vit høvdu um at byggja nýggjan skúla, miðbý, og annað, sá eg meg ikki føran fyri at kunna røkja starvið sum eg vildi, skuldi eg vera uppi í lands­ politikki eisini. Kundi ikki siga nei Jógvan Skorheim sigur, at hetta hevur eisini verið hansara støða – til fyri heilt nýliga. Og hann staðfestir, at orsøkin til at hann kúvendir, er at síðani hann boðaði frá, at hann ikki stillaði upp aftur, er støðan í flokkinum nógv broytt. Ein stór broyting er, at eitt av høvuðsvalevnunum, Kristianna Winther Poulsen, hevur boðað frá, at hon stillar ikki upp aftur fyri flokkin, og síðani hevur hon meldað seg inn í Javnaðarflokkin. Men tað hevur eisini ljóðað, at onnur fólk, sum hava verið framma­ liga í flokkinum, hava takka fyri seg. – Tá ið flokkurin er komin í eina støðu sum hesa, haldi eg, at eg hava skyldu til gera mítt fyri at lyfta flokkin upp aftur, sigur Jógvan Skorheim. – So tá ið eg fekk tilboð um at ger­ ast formaður í flokkinum, var ta eitt til­boð, er ikki kundi siga nei til, legg­ur hann afturat. Tá ið Jógvan Skorheim boðaði frá, at hann ikki stillaði upp aftur fyri flokkin, var dúgliga gitt um at hann var heilt á veg úr flokkinum Men tað avsannar hann avgjørdur. – Fyri meg hevur tað bara verið ein flokkur og tað er Sjálvstýrisflokkurin, staðfestir hann. Tí helt hann, at hann kundi ikki sita hendur í favn, ímeðan flokkurin er í einum slíkum aldudali. – Tað var floksformaðurin, sum sjálv­ur gjørdi av at leggja frá sær, og tað er hann, sum heldur, at eg eigi at standa á odda fyri flokkinum. Tí haldi eg, at eg havi skyldu til at gera tað, og tí hevði tað verið skeivt at víst hesum møgu­leikanum frá mær. Avgerðandi týdning Kári P. Højgaard sigur, at kanningin, sum er sett íverk ímóti honum í sambandi við Eysturoyartunnilin, kann skaða trúvirðið á hann, og á flokk­in, og tí heldur hann, at tað er betri fyri flokkin, at hann leggur frá sær sum formaður. Jógvan Skorheim hevur ongar við­ merkingar um grundgevingarnar hjá Kára P Højgaard at leggja frá sær. – Tað, sum hevur týdning, er, at tað hansara egna avgerð, at hann leggur frá sær, sigur hann. Men hann sigur eisini, at tilboðið um at verða formaður kom rættiliga óvæntað beint fyri páskir og tí tók hann ikki av alt fyri eitt. Hann ásannar somuleiðis, at tað er eitt rættiliga krevjandi starv at vera floksformaður, so tá ið hann gjørdi av at taka av, var tað við vælsignilsi frá familjuni - og eisini eftir at hava prátað við varaborgarstjóran í Klaksvíkar Býráð. - Tað hevði avgerandi týdning fyri meg. Tað hevði eisini avgerðandi týdning, at Sjálvstýrisflokkurin stendur fullsamdur aftanfyri meg sum formanni. Harafturat sigur hann, at tær stóru verkætlanirnar í Klaksvík, liggja nú í eini tryggari legu, og teir flestu sáttmálarnir eru skrivaðir undir. – Sostatt er ringasta trýstið tikið av starvinum sum borgarstjóri, sigur nývaldi formaðurin í Sjálv­stýris­ flokkinum. Men hann heldur eisini, at hann hevur fingið gott í beinið heimanífrá. – Heima hjá okkum vóru vit altíð lærd at taka ábyrgd. Vit lærdu eisini um hugtøk sum íverkseting, at taka sær av hvørjum øðrum, og har birtist eis­ini mín sjálvstýrisneisti, sigur Jógvan Skorheim. Kanska klára vit at taka øll á bóli við at klára tað heilt ómøguliga« Jógvan Skorheim Eg fekk eitt tilboð, sum var ov gott at siga nei til, sigur Jógvan Skorheim, sum nú aftur stígur fram í fremstu røð Vit fara at royna at taka øll á bóli