hósdagur 9. apríl 2015síða 9

Fríggjadagur 10. apríl 2015 sosialurin 40 9 Nýggi formaðurin í Sjálvstýris­ flokkinum vil ikki vita av samkyndum hjúnalagi og fríari rús­drekka­sølu. Men hann vil hava eina greiða visjón fyri heilsuverkið Sleppa at fylgja síni samvitsku Áki Bertholdsen T að verða ikki tey etisku málini, vit fara til val upp á. Tað staðfestir Jógvan Skorheim, nýggjur for­ mað­ur í Sjálvstýrisflokkinum. Er tað nakað, sum kann kloyva bæði føroysku tjóðina og politisku flokkarnar í tvey, er tað tey málini, sum vanliga verða kallað etiskt mál. Og Jógvan Skorheim ger greitt, at í hesum málum dregur hann somu línu sum fráfarni for­mað­ urin í Sjálvstýrisflokkinum, Kári P. Højgaard, sum var ímóti at gera broytingar á hesum økjum. – Vit fara ikki at føra valstríð upp á tey etisku málini. Tvørturímóti fer Sjálvstýrisflokkurin at leggja dent á onnur mál, sum hava týdn­ ing fyri samfelagið. Og nú fer floksleiðslan at seta seg saman at viðgera, hvørji mál flokkurin skal leggja dent á í val­ stríðnum, og í næsta valskeiði. Fylgja síni samvitsku Jógvan Skorheim sigur, at í etisk­ um málum skal fólkaræðið ráða. – Í etiskum málum fara vit at loyva hvørjum politikara sær at taka støðu eftir síni egnu sann­ føring, sigur nývaldi for­mað­urin í Sjálvstýrisflokkinum. Hetta merkir samstundis, at flokkurin fer ikki at gera sum Miðflokkurin, og at seta sum krav fyri at fara í samgongu, at etisk mál skulu ikki nertast. – Soleiðis føra vit í Sjálv­stýris­ flokkinum ikki politikk. Vit fara ikki at brúka etisk mál til at seta ein kíla í eitt samstarv við aðrar flokkar, sigur hann. Men Jógvan Skorheim leggur dent á, at sjálvur fer hann hvørki at taka undir við samkyndum hjúna­lagi, fríari rúsdrekkasølu, ella fríari fosturtøku. Visjón fyri heilsuverkið Hóast leiðslan í Sjálv­stýris­flokk­ inum nú fer at stinga politikkin hjá flokkinum út í kortið, er tað tó eitt mál, nýggi formaðurin serliga fer at virka fyri. Og tað er at fáa eina semju um, hvussu vit skipa okkara heilsu­ verk. – Vit mugu fáa semju um, hvussu heilsuverkið skal skipast, hvørj­ar viðgerðir, vit skulu bjóða og, hvussu virksemið skal býtast sundur ímillum tey trý sjúkra­ húsini. – Vit mangla eina visjón fyri heilsu­verkið og fyri, hvussu virk­ semið, skal skipast ímillum sjúkra­ húsini. – Tað er neyðugt fyri at sleppa undan hesum afturvendandi stríðnum um, hvørjar viðgerðir skulu vera hvar, sigur Jógvan Skorheim. Men hann ger eisini púra greitt, at tey trý sjúkrahúsini skulu varð­ veitast, og tað verður ikki við hon­ um í samgongu, at Klaksvíkar Sjúkra­hús verður niðurlagað, ella niðurlagt. Og hann heldur ikki, at loysnin er at seta eina felsgs leiðslu fyri tey trý sjúkrahúsini. – Ofta eru fyrimunir við at hava leiðsluna so nær borgarunum sum gjørligt og ofta er lættari at gera broytingar í smáum fyritøkum. Hann er eisini samdur við teim­um sum siga, at vit skulu ikki spjaða sama slag virksemi á fleiri sjúkra­hús. – Men á summum økjum sleppa vit ikki undan, eitt nú má til­búgv­ing verða á øllum teimum trim­um sjúkrahúsinum, sigur Jógvan Skorheim. aki@sosialurin.fo »Soleiðis føra vit í Sjálvstýris­ flokkinum ikki politikk« Jógvan Skorheim Tá ið hann nú tekur við sum formaður í Sjálvstýrisflokkinum, er samstundis greitt, at hann fer at stilla upp til løgtingið. Hann er varamaður á løgtingi, men hann sigur, at hann fer ikki at taka sæti á tingið í hesum valskeiðnum. Ongin avgerð Hinvegin sigur Jógvan Skorheim eisini, at hann hevur ikki gjørt av, hvussu hann fer at skipa seg ímillum Klaksvíkar Býráð og løgtingið, skuldi tað hent, at hann verður valdur. – Tað er ein spurningur, vit taka upp, skuldi tað komið hartil, sigur hann. Men hann sigur, at hann hevur áður víst, at tað ber til at røkja bæði starvið sum borgarstjóri í Klaksvík og løgtingsmaður og hann sigur, at hann hevur fullan stuðul heimaífrá til at gera tað, hann heldur vera rættast. – Tað verður so ikki tað, sum av­ gerandi fyri, hvørja støðu, eg taki. Eg haldi eisini, at eg havi arbeiðsorku til at røkja bæði størvini, leggur hann afturat. Men tá ið Sjálvstýrisflokkurin nú skal hava nýggjan formann, hví velja tit so ein formann undirhonds, uttan at kalla saman til eykalandsfund ella eykaaðalfund? – Vit hildu ikki, at tað var neyð­ugt. Eg eri næstformaður í flokkinum, men Kári P. Højgaard er formaður og hevur sjálvur gjørt av at leggja frá sær. Tað stendur í viðtøkunum fyri flokkin, at formaðurin skal vera ting­maður, har tað ber til. Men tað ber ikki til, sum støðan er nú, tí Kári er einasti tingmaður. Tí hildu vit, at tað mest nátúrliga er, at eg taki av sum for­maður, til landsfundur verið aftur, sigur nývaldi formaðurin. Taka øll á bóli Nývaldi formaðurin sigur, at hann fer undir hesa uppgávuna sum for­ maður í Sjálvstýrisflokkinum við eyð­ mykt og góðum treysti. – Og nú verður tað so mín uppgáva at føra flokkin víðari og at tryggja okk­um umboð aftur á løgtingi, hóast veljara­kanningarnar ikki fara so væl við okkum. Men nývaldi formaðurin ger greitt, at málið er ikki bara at fáa eitt um­boð á tingi. – Endamálið er púra greitt at fáa tvey umboð á løgting, og kanska klára vit at taka øll á bóli við at klára tað heilt ómøguliga, nevniliga at fáa trý umboð á ting, sigur hann. Sum støðan er nú, er Sjálv­stýris­ flokkurin sterkast í Norðoyggjum og í Eysturoy. Samstundis er flokkurin nógv viknaður í Havn, har valevni hava vent honum baki, og aðrastaðni í landinum er hann púra eiðasørur. Men Jógvan Skorheim ivast ikki í, at tey fáa ein sterkan lista til løg­ ting­ið, eisini við góðum valevnum í høvuðs­staðnum, og aðrastaðni í land­ inum. Hann sigur, at nú fer hann at kalla floksleiðsluna og lokalfeløg saman at við­gera, hvørji tey politisku málini skulu vera, sum flokkurin skal leggja dent á og at orða tann politikk, sum skal bera flokkin inn aftur á ting, og ígjøgnum næsta valskeið. Endamálið hjá nýggja for­mann­ inum er at fáa Sjálvstýrisflokkin aftur í samgongu. Og hendir tað, er Jógvan Skorheim, sum floksformaður, sjálv­ skrivaður sum landsstýrismaður. – Tað er langur vegur har til, og tað er ikki partur av roknistykkinum enn, sigur Jógvan Skorheim. aki@sosialurin.fo Tað er eitt rættiliga krevjandi starv at vera floks­for­ maður, men fyri meg er tað avgerandi, at familjan stuðlar mær, sigur Jógvan Skorheim, nývaldur formaður í Sjálv­stýris­flokkinum. Mynd: áki bertholdsen