hósdagur 9. apríl 2015síða 34

Fríggjadagur 10. apríl 2015 sosialurin 40 34 Pól Jóhan Djurhuus T alan er um heimskenda evangelistin og bóka­ mannin George Verwer! Missiónsfelgaskapurin Operartion Mobilisation (OM) hevur verið kendur í Føroyum síðani miðskeiðis í sekstiárunum, tá trúgvandi tannáringar í Føroy­um longu tá abonneraðu upp á mánaðar­ lig spolabond frá Operaration Mobilisa­tion, har George Verwer hevði sínar brandtalur um Missión – hann var longu tá ein íblástur hjá ungum fólkum í samkomunum í Føroyum! Ein íblástur George Verwer hevur verið íblástur hjá túsundavís av føroyingum, sum ígjøgnum fleiri ára tíggir hava verið ein partur av heimsumfatandi missións­felagskapinum OM, annað­ hvørt á landi ella umborð á einum av teirra skipum, hvørs flota gamla Norrøna er ein partur av og sum í dag eitur Logos Hope. Í Føroyum áður? Tað hava áður verið gjørdar royndir, frá privatari síðu, at fáa George Ver­ wer til Føroyar, og tað einu ferðina, fyri nøkrum árum síðani, hevði hann sett Føroyar í kalendaran sum eina fyribilsnotat, men av einari ella aðrari orsøk eydnaðist tað ikki – men nú er tími hansara komin, og hetta er hansara fyrsta vitjan í Føroyum! Sjáldsamur ENTUSIASTUR George kom til trúgv sum ein blað­ ungur lesandi, og gjørdist skjótt ein habilur traktat- og bókaevangelistur. Hann er framvegis ein forkempari fyri útbreiðslu av prentaða orðinum, hvørs megi hann trýr fult og fast uppá. Men hann er ikki einans bóka­ evangelistur, hann er sanniliga eisini ein røðari av Guds náði. Hann er støðugt á ferð runt um í heiminum, har hann luttekur á stórum stevnum, sum bæði er fyri ung og eldri, har hann talar og undirvísir í Guds orði við sama brennandi eldhuga, sum tá hann var í tjúgunum. Kann vera, at stílurin hjá George ikki fellur í hakk hjá øllum, men hann útstrálar eina forvitnisliga og fang­andi persónligheit, tá hann á talarstólinum heilt suverent gevur úttrykk fyri sínum innastu hugsanum um andaliga tilstandin hjá Guds fólki í dagsins forbrúkarasamfelag – miss ikki høvið at hoyra henda Guds mann; kanska hansara fyrsta og ein­ asta vitjan í Føroyum!? Hann er 76 ár í dag, men aldurin darvar honum als ikki, hvørki tá hann talar, ferðast ella leggur fram­tíðar­ ætlanir, og aldurin sæst heilt avgjørt ikki, tá hann letur seg í sín mest yndaða jakka, sum er eitt heimskort í øllum ælabogans litum – man kann siga um George Verwer, at hann “ber” allan heimin á sínum herðum, sum hann sanniliga eisini ger í hjartanum! Byrðan fyri evangelisering gjørd­ist so stór hjá unga og nýfrelsta mann­ inum, at hann stovnaði ein felgsskap við tí endamáli at náa Europa við evangeliinum ígjøgnum útbreiðslu av lesnaði. Felgasskapurin fekk seinni navnið Operation Mobilisation (OM). OM varð stovnað fyri meira enn seksti árum síðani, og er í dag ein altjóða missiónsfelagsskapur við ikki færri enn 6.000 trúboðarum, sum eru spjaddir um allan heimin. Millum 4-500 av hesum eru umborð á Gomlu Norrønu, Logos Hope – flestu av hesum árum hava føroyingar verið við! Føroyar 1983 Fyrstu ferð OM vitjaði í Føroyum við einum av teirra skipum, var í 1983. Skipið kallaðist Logos og var gamli Umanak, sum í fleiri ár sigldi við føroyskum fiskimonnum millum Føroyar og Grønland. Eftir vitjanina í Føroyum í 1983 kom OM at hava meiri skipaði viðurskifti í Føroyum, við tað at Gidda og Jørleif Vang vóru sett sum OM-umboð í Føroyum undir høvuðsleiðsluni, sum var í Danmark. Tey umboðaðu OM í mong ár, og vóru við til at hjálpa fleiri 100 føroyingum, at koma í tænastu fyri Harran innan Operation Mobilisation (OM), annaðhvørt við einum av skipunum ella á landi. Sjálvstøðug umboðan Seinastu árini hevur OM havt sjálv­ støðuga umboðan í Føroyum, sum er skipað við eini nevnd og eini lands­leiðslu. Nevndin er mannað við limum úr ymiskum samkomum í Føroyum, og tað eru hjúnini Anita og Oddmar Tausen á Toftum, sum í dag eru landsleiðarar. Tað eru landsleiðslan og nevndin, ið hevur bjóðað George Verwer til Føroyar, og tey hava sett niður ein bólk, sum hevur fyrireikað skránna, sum kemur at vera ein tættpakkað skrá. George kemur til Føroyar við flogfari fríggjadagin 10. apríl, og longu mánadagin seinnapartin fer hann av landinum aftur. Mánamorgunin verður samrøða við George Verwer í upptøkuhølunum hjá IKTUS í Søldafirði. Samrøðan verður seinni send í IKTUS í viku­ skiftinum 8 -10 mai. Nevnd, landsleiðsla og fyri­reik­ ingabólkur lata heilsa, at tey gleða seg til at síggja nógv fólk til møtini, og vænta, at Gud fer at gera eitthvørt stórt hesar komandi dagarnar. Tey, sum vilja vita meira um vitj­ anini eru vælkomin at seta seg í samband við OM-Føroyar: telefon 219923 / info.fo@om.org / www.om.fo gjaranes@olivant.fo George Verwer í eyðkenda heimskort-jakkanum Leingi hevur verið bíðað – men nú kemur hann! SKRÁ FRÍGGJAKVØLDIÐ 10. APRÍL KL.20.00 Í BADMINTONHØLLINI Í KLAKSVÍK: George Verwer talar. Ymiskar framførslur verða við m.a. drama og filmi, væl kryddað við vakra sang­inum hjá Betesdakórinum. Bjóðað verður til drekka aftaná. Møguleiki verður at vitja teir ymisku OM- bás­arnar og stóru bókasøluna. LEYGARDAGIN 11. APRÍL KL.10.00 Í SJÓNÁM Í KLAKSVÍK: Nevnd og landsleiðsla bjóða til aðalfund hjá OM-Føroyar, sum verður hildin í hølunum hjá Sjónám. Tey, sum eru limir í OM-Føroyar fáa eina persónliga innbjóðing, men tann, sum ikki er limur kann tekna seg á aðalfundinum. Eisini ber til at tekna seg á heimasíðuni: www.om.fo ella teldupost: info.fo@om.fo Á aðalfundinum verður for­mans­frágreiðing og roknskapur fyri OM- Føroyar lagdur fram. Skipað verður eisini fyri bønarløtu, sum George Verwer kemu at leiða. LEYGARKVØLDIÐ 11. APRIL KL.20.00 Í BADMINTONHØLLINI Í KLAKSVÍK: Kvøldið verður býtt sundur í tvær løtur, har drekka verður millum løturnar. George Verwer kemur at tala á báðum løtunum. Á fyrru løtuni kemur sangbólkurin í KFUM&-K Solo Gratia at syngja; eisini koma vit hoyra kenda bólkin T.O.S. Seinna løtan verður nokk meiri “ungdómslig,” men fyrireikarnir siga, at kortini eru allir aldrar hjartaliga vølkomnir, tí her verður eisini nakað fyri tilkomna og eldra fólki at koma eftir. Sunnudagin 12. apríl: George Verwer verður allan dagin í Tórshavn, og kemur at tala á hesum støðum: Kl.11.00 Gudstænasta í Oasuni í Hoyvík Kl.18.00 møti í Ebenezer Kl.20.30 felagsungdómsmøti í Meinigheitshúsinum tíðindi