mánadagur 13. apríl 2015síða 6

Mánadagur 13. apríl 2015 · Nr. 41 6 Sosialurin Hugskot og viðmerkingar – send sms til 225000 Miðlahúsið og Í menniskjum góður tokki taka málið í egnar hendur Hóskvøldið var ein heldur sigandi og syrgilig sending víst í sjónvarpinum hjá Kring­varp­inum. Sendingin "Við hjálp frá góðum fólki" segði eina søgu um hvussu ójavnt er býtt í okkara sam­ felag. Meðan mong okkara ikki eru tilvitað um lasag­na er uppá tilboð hesa viku­ na, ella hvat tað kostar at melda børn okkara til fim­ leik, so er tað tann syrgiligi veru­leikin, sum summi í okkara samfelag liva í. Og send­ingin hóskvøldið vísti stak­ar uppihaldarar, sum hóast trong kor megna at fáa dagin og vegin nøkun­ lunda at hanga saman. Men Í menniskjum góður tokki veit at siga, at tey eru mong í okkara samfelag, sum ikki eiga pening til mat á borðið hvønn dag. At tað eru fólk í okkara sam­felag, sum liva undir fátækra­markinum er ikki ein nýggjur veruleiki. Vit hava samtykt eitt fá­tækra­mark, og vit hava fingið lýst júst nær ein persónur livur undir markinum og ikki. Og kortini tykist lítil polit­iskur vilji vera fyri at bøta um støðuna hjá teim­um, sum stríðast fyri at fáa mat á borðið. Taparin í tí ósosialu polit­isku kós, sum løgd er fyri dagin seinastu árini, eru børn­ini. Tey børn, sum upp­liva, at lív teirra er munandi øðrvísi enn tað hjá floksfeløgunum, tí "mamma eigur ongar peng­ ar". Ivaleyst kunnu vit argu­ mentera fyri, at tað er ikki ein mannarættur, at fáa tað nýggjasta play­station ella at ferðast eina­ferð um árið. Men rungandi politiska tøgnin um hendan sam­ felags­bólk setur okkum ein spurning. Hvar er minstamarkið fyri hvussu fólk kunnu liva í Før­oyu­m? Nær eru vit ov fátøk og hvat er ein mennisk­ja­rætt­ur í dagsins samfelag? Saman við Í Menniskj­ um góður tokki hevur Miðla­húsið stovnað eina konto undir hjálpar­felags­ skapinum, har vit savna pening inn til børn, sum liva undir fá­tækra­marki­ num. Átakið “Meðan vit bíða” hevur fingið sítt heit­ ið ásannandi, at ein løtu­ stuðul ikki er nóg mik­ið, men kanska ein hjálp meðan vit bíða eftir polit­iska myndugleikanum. Starvs­ fólk í Miðlahúsinum lata í apríl mánaði ein part av sínari løn til endamálið, og vónin er, at onnur gera tað sama. Síðani fer Í menniskjum góð­ur tokki at býta pen­ing­ in millum tær barna­familjur, sum hava tørv á hjálp. Allur innkomin stuðul fer óskerdur til enda­málið. Samstundis fer Sosial­ urin, in.fo og Rás2 at varpa ljós á børn, sum liva undir fátækramarkinum, og á vantandi politiska vilja til at taka um endan hjá hesum samfelagsbólki. Vit byrja í Sosialinum í dag við at lýsa støðuna enn eina­ferð - tí hetta kjakið er tí­verri framvegis neyðugt. »Meðan vit Børn í fátækraváða