mánadagur 13. apríl 2015síða 16

Mánadagur 13. apríl 2015 · Nr. 41 16 Sosialurin Hugskot og viðmerkingar – send sms til 225000 Beint fyri døgurða sunnu­ dag­in varnaðust hvalbingar ein stórhval úti á fjørðinum. Í fyrstu­ni varð hildið, at talan var um ein døgling, men tað vísti seg seinni, at talan var um ein august. Claus Olsen er grinda­ for­maður í Hvalba, og hann var sjálvur sum froskmaður sam­an við øðrum úti hjá hvali­num seinnapartin í gjár. Fær frið at doyggja Vit vóru úti hjá hvalinum í gjár. Tað var eitt sindur av lívi í honum, hóast hann hevði rent seg fastan. Hann gav ljóð frá sær, og hóast var illa fyri, so merkti eg, hvussu tað setti í búnanum hjá mær, tá ið eg svam beint framvið honum, greiðir Claus Olsen frá. Hann sigur, at augusturin er rættiliga stórur. Eg vildi mett, at hann er eini 12-14 metrar langur. Hann er rættiliga stórur. Har hann hevur rent seg fast­an í sandin, grynnur ein maður ikki, og tað sigur eisini eitt sindur um, hvussu høgur hann er, sigur Claus Olsen. Í gjár lá augusturin eini 100 metrar úr landi, men Claus Olsen sigur, at tað er týði­ligt, at hann er komin long­ur inn á sandin í nátt við flóðini. Hann liggur mitt út fyri fót­bólts­vøllin, og her var nógv ferðsla í gjár. Men nú er hvalurin so veikur, at hann fær bara frið at doygg­ ja, og so vænti eg, at Brimil ella Tjaldrið sleipar hann til havs, tá ið hann er deyður, sigur Claus Olsen. Augustur á Hvalba Netbankin var óvirkin Sunnudagin og í morgun høvdu kundar hjá BankNordik trupulleikar av, at netbankin var óvirkin. Serfrøðingar høvdu ilt við at finna trupulleikan, men nakað út á fyrrapartin í dag var trupulleikin loystur, og netbankin virkaði aftur vanligt. 293 milliónir í vinningsbýti Um vikuskiftið hevði Bakka­frost aðal­fund, har rok­n­skap­ur felagins bleiv góð­kend­ur. Úrslitið var heili 899 mill­i­ón­ir krónur fyri skatt, og av hesum fer Bakka­frost at rinda 252 milliónir í skat­ ti. Tað vil siga, at úrslitið eft­ir skatt er 647 milliónir krón­ur í yvir­skoti. Vinningsbýtis­poli­tikk­ urin hjá før­oyska ali­risa­ num er óbroyttur, og tí bleiv samtykt at rinda seks krón­ur í vinningsbýti fyri hvørt parta­bræv­ið, og tað svar­ar til, at til samans verða 293 milliónir goldnar út í vinningsbýti hjá Bakka­ frost. Leygardagin 2. mai 2015 verður árligi ruddingardagurin í Vágs kommunu, samstundis sum Vágur bjóðar summarinum vælkomnum. Dagurin byrjar við morgunmati og síðani verður farið at rudda. Skráin fyri ruddingardagin 2. mai 2015 verður kunngjørd í vikuni áðrenn Nýtt tiltak á Reinsaríinum Hóskvøldið verður farið undir nýtt tiltak  “Orð og tónar ” á Reinsaríinum. Hetta er nýtt bókmenta- og tónleikatiltak, ið Sprotin og Reinsaríið skipa fyri í felag. Tiltakið er ókeypis og verður eitt hóskvøld um miðjan mánaðin frá kl.20.00 til á leið 22.00 Endamálið er at uppliva, njóta og skifta orð um bókmentir, tónleik og aðra mentan saman. Skráin fyri tiltakið nú hóskvøldið er tann, at Marius Ziska spælir nakrar av sínum bestu, og eisini fara Súsanna Tórgarð, Beinta Clothier og Allan Dalsgarð at framføra brot úr nýtýdda finska leikinum “Sangir við strendur gráa havs”. Oddfríð Marni Rasmussen greiðir stutt frá nøkrum skaldsligum íblástrarkeldum, og Jonhard Mikkelsen hevur inngang til skaldsøguna Morgun og kvøld eftir Jon Fosse, sum verður bókin, ið viðgjørd verður tann 13. mai. Tiltakið er ókeypis. Grindaformaðurin í Hvalba, Claus Olsen, sigur, at augusturin, sum hevur rent seg fastan á sandinum í Hvalba, er rættiliga stórur. Mynd: Claus Olsen