týsdagur 14. apríl 2015síða 11

11 Mikudagur 15. apríl 2015 · Nr. 42 Sosialurin Hugskot og viðmerkingar – send sms til 225000 REKTARI TIL SKÚLADEPILIN Í MARKNAGILI Hevur tú hugsjónir um skúlaskap, serliga við atliti at breiddini í miðnámsútbúgvingum og ynskir at slóða fyri fakligari og námsfrøðiligari menning innan økið, hevur tú nú møguleika at bjóða teg fram til avbjóðandi leiðarastarv sum rektari á Skúladeplinum í Marknagili. Skúladepilin í Marknagili verður ein skúli, ið skal hýsa bæði yrkisligum og gymnsialum miðnámsútbúgving- um umframt øðrum undirvísingar- virksemi - ætlandi frá 1. august 2016. Rektarin hevur mótvegis lands- stýrismanninum ábyrgdina av øllum virkseminum í skúladeplinum. Frá setan skal rektarin standa á odda fyri fyrireikingini av framtíðar virkseminum í nýggja skúladepl- inum. Stjórarnir í skúlunum, sum flyta í skúladepilin, vísa frá byrjan til nýggja rektaran, og saman skulu hesi leggja virksemið fram til flyting- ina til rættis eftir nærri ásettum avtalum. Rektarin skipar bygnaðin í skúla- deplinum, setir leiðarar og stendur fyri samansjóðing av starvsfólkunum í verandi skúlum, sum øll flyta við í komandi skúladepilin. ÁBYRGD OG UPPGÁVUR Rektarin hevur ovastu leiðsluábyrgdina av øllum virkseminum í skúladeplinum, herundir fakliga, námsfrøðiliga, umsitingarliga og fíggjarliga ábyrgd. Rektarin skal mynda Skúladepilin í Marknagili á ein sannførandi hátt og virka fyri góðum og mennandi arbeiðs- og lestrarumhvørvi, har ymsu útbúgvingarnar fáa hóskandi og javnbjóðis umstøður at virka undir. Rektarin skal standa á odda fyri tilgongdini at skipa bygnaðin í skúladeplinum, samansjóða starvsfólkahópin og tryggja gott samstarv við allar partar. Flytingin skal leggjast til rættis, og nýtslan av nýggja skúlabygninginum skipast. Rektarin skal virka fyri góðum sam- starvi við skúlar, vinnuna, myndug- leikar o.o.. Saman við depilsráðnum skal rektarin skipa karmarnar fyri yrkisfakligu útbúgvingarnar og inntøkufíggjaða virkseminum í skúladeplinum. Saman við Menta- málaráðnum skal rektarin menna útbúgvingar skúlans, so tær alsamt lúka framtíðar og altjóða krøv. Rektarin hevur fíggjarligu ábyrgdina, skal leggja fíggjarætlan stovnsins og skipa ein skynsaman rakstur við neyvari fíggjarstýring. Rektarin setir í starv og loysir úr starvi leiðarar, lærarar og onnur starvsfólk. PERSÓNURIN Rætti persónurin til rektarastarvið skal hava hug og hegni at leiða og skal kenna egnar dygdir og avmark- ingar. Tað er týdningarmikið, at rektarin hevur evni og vilja at samstarva og samskipa, men samstundis styrkina at kunna standa eina í mótstøðu, uttan at missa fótafestið. Starvið krevur, at tú skjótt dugir at skapa tær eitt yvirlit í skiftandi støðum og megnar at røkka settum málum. Tú skalt vera framskyggin og hava evni og áræði at ganga nýggjar leiðir. Tú skalt hava góð evni at sjóða saman fólk og við einum stimbrandi leiðsluhátti at birta eldhuga millum hesi. Tú skal síggjast í starvinum og skapa virðing og trivna innanhýsis millum starvsfólk og næmingar umframt uttanhýsis við samstarvs- partar o.o.. Umráðandi er at skapa trúvirði, vera álítandi og duga væl at lýsa egin sjónarmið. Tú skalt evna innliving og virðing fyri hugskotum og sjónarmiðum hjá øðrum. FØRLEIKAR OG ROYNDIR Tað er eitt krav, at rektarin hevur: • viðkomandi útbúgving frá hægri lærustovni • leiðslu- og fyrisitingarligar royndir • royndir og førleika at undirvísa • góð evni at samskifta og orða seg á føroyskum, skandinaviskum og enskum. Harumframt er tað ein fyrimunur, at rektarin hevur: • leiðsluútbúgving við innliti í bygnaðarskipan • royndir frá bygnaðarligari samanleggingartilgongd • royndir frá luttøku í størri byggiverkætlan. SETANAR- OG LØNARTREYTIR Starvið er flokkað samsvarandi 39. lønarflokki sambært Tænastu- mannafelag Landsins, tó uttan at vera tænastumannastarv. Lønin er í løtuni kr. 54.339,50 umframt 15 % í eftirløn um mánaðin. UMSÓKN Umsókn við CV, prógvum o.ø. skal sendast til: Mentamálaráðið Hoyvíksvegur 72 Postsmoga 3279 110 Tórshavn Ella sum t-postur til mmr@mmr.fo Umsóknin skal vera Mentamála- ráðnum í hendi í seinasta lagi mánadagin 4. mai 2015. Starvið verður sett 1. juni 2015 ella eftir nærri avtalu. Nærri upplýsingar um starvið kunnu fáast við at venda sær til Poul Geert Hansen, aðalstjóra í Mentamálar- áðnum, á tlf. 555010 ella t-post PoulGeertH@mmr.fo MENTAMÁLARÁÐIÐ Skúladepilin í Marknagili er størsta skúlabygging í Føroya søgu. Bygningurin verður slakar 20 túsund fermetrar til støddar og fer at hýsa umleið 1.300 næmingum og 200 starvsfólkum. Skúladepilin leggur upp til opinleika og smidleika, har lærarar og næmingar samstarva tvørtur um útbúgvingar og breytir, so depilin verður karmur um eina skapandi, fjølbroytta og nýhugsandi undirvísing. Skúlarnir, sum flyta í Skúladeplin í Marknagili, eru: Føroya Studenta- skúli og HF-skeið í Hoydølum, Føroya Handilsskúli í Tórshavn og Tekniski Skúli í Tórshavn. krea