hósdagur 16. apríl 2015síða 6

Fríggjadagur 17. apríl 2015 sosialurin 43 6 Eilen Anthoniussen T að ljóðar sum eitt ævintýr eftir Karen Blixen. At eiga ein garð í Avstralia. Og sum ein dreymur fyri mong, at hava ein gerandisdag undir eini sól, ið gevur lív til stóra urtagarðin við trøum, frukt og grønmeti, har alt veksur í ovurstórum mongdum. Legg so afturat, at tú stutt frá húsinum hevur tær flottastu og reinastu strend­urnar, ið røkka so langt eyga sær. Hvør dagur kann í veruleikanum byrja við einum køldum túri útií, og dagins dilemma kann ljóða: skal eg taka surfbretti ella bara svimjiklæðini við mær í dag? Eitt ævintýr er í hvussu so er ikki so langt av leið, um tú spyrt høvuðs­persónin. Fyri Terja Juul byrj­aði tað heila við, at hann fór at ar­beiða fyri norska reiðaríið Wilhelmsen Ship Management/PGS, eitt seismikkreiðarí, ið hevur skip í flotanum kring allan knøttin. – Eg hevði altíð iðrað meg um, at eg ongantíð fór út at fjakka, sum so mong gera, tá man er ungur. Men tá eg so kom her umborð at arbeiða, sá eg ein møguleika í at halda frí aðra staðni, enn at fara heim til Føroya mill­um hvønn túr. Reiðaríið kundi jú flúgva meg hvagar tað skuldi vera, so eg gjørdi av at royna ymiskt spenn­ andi. So eg skifti í millum at fara til Bali, Thailand og aðra staðni, gjarna onkunstaðni, har eg kundi kava. Koalabjørnin, sum tey flestu halda vera so fitta, er ein veru­lig pest hjá okkum. Hon legst á bløðini og etur til onki er eftir av trænum« persónssøga Ein gamal dreymur um at fjakka førdi Terja Juul úr Havn til ein stóran garð í eini lítlari bygd heilt har suðuri í Avstralia. Á garðinum trívast koalabjarnir, slangur og posarottur millum sitróntrø, perutrø og bromberjarunnar í hópatal. Sjálvt húsið er bygt av endurnýtsluviði, drekkivatnið fáa tey umvegis regnið, og internetið hevur inntil nú verið ein sjáldsamur gestur. Og í januar verður veitsla í ovurstóru garasjuni, tí tá skulu eigararnir nevniliga giftast á sjálvum garðinum garður Mín í Avstralia Terji úr Havn: One Tree er bygt av endurnýtslutilfari úr viði, og endamálið hjá Terja og Chloe er at liva so grønt og umhvørvis­ vinar­ligt sum yvirhøvur gjørligt. Eitt nú royna tey ikki at brúka el í húsinum, men hita regnvatn við hitanum frá teimum trimum brenniovnunum í húsinum. Myndir: Terji Juul