hósdagur 16. apríl 2015síða 7

Fríggjadagur 17. apríl 2015 sosialurin 43 7 Fall fyri kvinnuni og landinum Hann dylir ikki fyri, at hóast hann fekk møguleika fyri at fjakka á ein­ um fyrstafloks-ferðaseðli, har hann umvegis reiðaríið kundi loyva sær at tjekka inn á frægari gistingarhús í staðin fyri at búgva millum kakker­ lakkar og eiturkoppar á teimum knapt so fínu hostellunum runt um kring, kundi tað skjótt gerast einsligt at ferðast einsamallur. – Ikki tí, ein nýtist ongantíð at keða seg, og man hittir so nógv spenn­ andi fólk, men í longdini verður tað einsligt at uppliva alt einsamallur. Tann einsliga tilveran broyttist skjót­ari, enn hann hevði droymt um. Umborð hitti hann nevniliga av­stralsku Chloe, sum tann eina morgunin var komin umborð sum Marine Mammal Observer. Tað var mest av tilvild, at tey fullu í prát. Yvir­ stýri­maðurin var ikki í tí prátingar­ sama horninum, øvugt av Terja, ið er ein av teimum morgun­frísku. – Vit sóust ofta til filmkvøld, sum vit hava umborð, og vit tosaðu um ymiskt, sum hevði okkara áhuga. Serliga var eg áhugaður í góðum hug­ skotum til nýggj ferðamál til mínar frítúrar. Hon viðmælti mær at leiga ein bil í Avstralia og koyra frá Broome til Darwin eftir tí legendarisku Gibb River Road, ein túrur uppá góðar 3.000 kilometrar. Av tí at Terji altíð hevði ynskt at vitja Avstralia, var hann ikki seinur at gera sum hon segði og bílegði sær ein 4x4 bil. Tá so dagurin nærkaðist, har eg skuldi í land, fekk hann hálvhjartað spurt Chloe, um hon ikki hevði hug at koma við sær. – Og hon segði ja. So vit brúktu fýra vikur uppá at koyra hasar 3.000 kilo­metrarnar millum Broome og Darwin. Og hvat var tað ikki ein fan­ tast­iskur túrur. Fýra vikur í einum bili, har vit bara skuldu læra hvønn ann­an at kenna og so at síggja hetta fan­tast­iska land­ið. Eg fall bæði fyri kvinn­uni og land­inum, og áðrenn vit komu til Darwin var fast okkara millum, greiðir hann eld­hugaður frá. At liva grønt Soleiðis uppdagaði Terji Avstralia, og soleiðis byrjaði eisini tað, sum sær út til at blíva hansara nýggja heim. Tá nú kvinnan var funnin, skuldi eisini ein gerandisdagur inn­rætt­ast. Bæði vóru siglandi fólk, so teirra siglingarætlanir skuldu helst sam­ skipast, so tey vóru heima nøkun­ lunda samstundis. Hevði hann eina fast­læsta arbeiðsætlan við fimm vikum umborð og fimm vikum heima, hevði hon eina minni útrokniliga arbeiðs­ætlan. Í sínum starvi sum MMO verður arbeiðið tilrættislagt, alt eftir hvat arbeiði er at gera, og tí kundi hon lættliga vera burturi í átta vikur og bert heima í tvær. Garðurin er fruktagóður, og so mikið av bromberjarunnum trívast, at neyðugt er at beina fyri einum parti av teimum. Tað, sum kortini kann nýtast, verður umsett til søtt súltutoy. Terji og Chloe keyptu húsini í One Tree í Narrawong í fjør. Húsini liggja á ovurstórari jørð, har bæði djór og grønt trívast í ovurmát. ...framhald á næstu síðu