mánadagur 20. apríl 2015síða 37

vika 17 • 20. apríl 2015 5 Miðlahúsið Ókeypis lýsingarblað á odda í báðum dystunum, har vit so heintaðu tað innaftur, sigur hann. Sum oftast var spenningur um gullið heilt til seinasta dyst, og tað gjørdi sítt til, at áhugin var so stórur fyri dystunum. Tað var øgiliga sjáldan avgjørt áðrenn seinasta dyst. Men eg minnist eitt árið, har vit blivu meistarar eitt mikukvøld í Havn, tí Kyndil tapti aðrastaðnis. Tað var ótrúliga keðiligt og faktisk ein ógvuliga fløt kensla. Tað var nógv stuttligari at fáa alt avgjørt við einum altavgerandi dysti, sigur Ingi Olsen. Leikararnir eru sterkari nú Hann heldur, at hóast spælararnir hjá serliga VÍF og Kyndli hesi árini vóru sera væl fyri, so eru teir á nógvum økjum nógv betur fyri í dag. Bæði vit og Kyndil høvdu lið, sum vóru tekniskt og taktiskt væl fyri tá. Men í dag høvdu vit verið steðgaðir av reinari rástyrki, tí ungu leikararnir í dag eru nógv sterkari, enn hvat vit vóru, sigur hann. Ingi Olsen vísir eisini á, at í dag eru tað øgiliga nógv feløg, sum gera eitt gott arbeiði, og at hondbólturin í Føroyum er øgiliga væl fyri nú. - Tey flestu feløgini venja alt árið, og serliga teir yngru leikararnir eru nógv betri fyri fysiskt. Leikararnir eru meiri tilvitaðir um fysiska venjing, og tað er tað, sum ger, at leikarar nú á døgum eru nógv sterkari, sigur hann. Eitt annað, sum Ingi Olsen heldur er nógv stuttligari við kappingini nú á døgum í mun til fyri 20 árum síðani, er, at tað eru fleiri lið um boðið í dag. Vit hildu sjálvandi, at tað var stuttligt tá, hóast tað bara vóru vit og Kyndil, sum bardust um gullið við onkrum einstakum undantaki. Men í dag eru øgiliga fáir lættir dystir, og tú noyðist at stríðast at kalla hvønn einasta dyst. Tað ger tað nógv stuttligari, heldur hann. terji@sosialurin.fo Ein flúgvandi Ingi Olsen í atsókn móti Kyndilsmálinum í avgerandi dystinum um føroyameistaraheitið á Hálsi á vári í 1993 Mynd: Jens Kr. Vang