mánadagur 20. apríl 2015síða 84

vika 17 • 20. apríl 2015 52 Miðlahúsið Ókeypis lýsingarblað Kjølur úr eik og borð úr furu Chevrolet Bel Air frá 1955 við Óla Olsen Í hesum døgum leggur Kaj Hammer, bátasmiður í Havn, allar seinastu hond á stóran opnan bát – so­nevnd­ an teinæring – sum verður smíð­aður í ljósum og góðum hølum hjá skipa­ smiðj­uni MEST í Havn. Tjúgu mans skulu rógva bátin, sum pf Egils­garður við Poul Hansen stjóra skal hava. Tí­ líkur bátur sigst at hava verið í Myki­nesi í síni tíð. Kaj Hammer hevur áður smíðað teinæring. Tann báturin, sum er 12,80 metur langur, varð flotaður á ólavsøku í 2012. Tað var ein bundin uppgáva, sigur Kaj – hann hevði eitt modell at halda seg til – og hann metir teir skut­ arnir vera heldur stuttar. Hesin báturin er 15,50 metrar langur og skut­arnir sostatt væl longri enn á fyrra bátinum. – Poul Hansen bað meg smíða bátin, soleiðis sum eg vildi hava hann at síggja út, og gav mær fríar hend­ur bæði viðvíkjandi tilfari og út­sjónd, sigur Kaj Hammer. Kjølur og reis­ingar eru úr eik, og borðini úr furu. Teinæringurin skal eisini hava segl, smalt í erva og breitt í neðra, tað verður um 25 fer­ metrar. Sum skilst, kemur masturin at vera um átta metrar høg. Víkingagarður skal, sum skilst, byggj­ast oman fyri Kvívík, og har kemur báturin at standa um veturin, men vera á floti og brúkast í ferða­manna­høpi um summarið. Kaj strekti kjølin 1. oktober 2014 og væntar at verða púra liðugur at smíða bátin nú hálvan ápríl. Kaj Hammer er at kalla uppvaksin við báta­smíði. Bæði pápin og abbin smíðaðu bátar, og tá ið hann var so frægur, fór Kaj at hjálpa til. Faðirin, Andrias Hammer, sum setti seg niður í Runavík, smíðaði einar 300 bátar, og abbin, Poul Hammer í Líðini í Vági, smíð­aði 517 bátar. Sjálvur hevur Kaj smíðað stívliga 30 bátar. Ormurin langi Vit kunnu hóskandi runda av við Orm­ inum langa, herskipi Ólavs Tryggva­ sonar, sum ikki færri enn 68 mans róðu. Ormurin langi var smíðaður í Niðar­ósa, nú Tróndheimi, veturin 999- 1000. Bakkastokkarnir lógu undir Løðuhomrum, skipa­smið­irnir nógvir, og stavna­smiður var Tór­bergur Skavhøgg, sigur Snorri Sturlu­son í Heimskringlu. Tórbergur mátti fara átroðkandi ørindi heim til hús, og tá ið hann kom aftur, var farið fullborðað, sum tikið verður til. Tórbergur sær alt fyri eitt, at skipið hevði ikki rætta sniðið, fer út á nátt við øks í hendi, og tá ið lýsir fyri degi, sær Ólavur kongur skip sítt skam­farið. Tórbergur Skavhøgg fær at vita, at hetta kemur at kosta honum dýrt, fær hann ikki skaðan bøttan. Søgan endar kortini væl. Kongurin varð so fegin yvir at síggja vakra sniðið, ið skipið nú hevði fingið, at Tórbergur varð kosin høvðus­ smiður, tað ið eftir var at smíða. Kaj Hammer situr afturi í lyftingini á nýggja farinum, hann hevur smíðað Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo Bilurin hesa vikuna er ein Chevrolet Bel Air árgang 1955, sum hevur rent á ein steyra í Tróndargøtu í Havn. Chevrolet Bel Air vóru framleiddir av af General Motors í USA í nógvum ymiskum modellum frá 1950 til 1981. Her í Føroyum koyrdu fleiri Chevro­let sum hýruvognar, rutubilar og lastbilar. Fyrsti bilur kom higar í 1922 og øll tey fyrstu árini fram til seinna verðaldarbardaga vóru so gott sum allir bilarnir sum komu til landið Ford ella Chevrolet. Tað var P/F Vilhelm Nielsen & Søn í Jónas Broncksgøtu, sum umboðaði Chevrolet í Føroyum. Skipssøga bilasøga