týsdagur 21. apríl 2015síða 9

9 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 22. apríl 2015 · Nr. 45 BØRN Í FÁTÆKRAVÁÐA Hóskvøldið klokkan 20.00 verður politiskt orðaskifti í Miðla­húsi­ num, har umboð fyri polit­isku flokkarnir kjakast um fá­tækra­ dømi í Føroyum. Øssur Winthereig er orðstýrari. Seinastu vikur­nar hava Miðlahúsið og aðr­ir miðlar við varpa ljós á trupul­leik­an við fá­tækra­dømi í Føroyum. Send­ing­ in í Kring­varpinum "Við hjálp frá góð­um fólki" setti hol á enn eitt al­ment kjak um hesi børn, sum liva í fátækraváða. Hóskvøldið fáa politisku formenninir høvið at seta orð á trupulleikan, og loys­n­ir fyri framman. Til ber at koma í Miðlahúsið og fylgja kjakinum, ella at lurta á Rás2, har kjakfundurin verður sendur beinleiðis. Livar Nysted: Hví fert tú at savna pening inn? Tá eg fekk í boðið at fara í gongd við hetta, so varð eg beinan vegin sannførdur. Sjálvandi vil eg hjálpa til, við at geva børnum, sum liva í fá­tækra­váða, betri kor. Tað er umráðandi, at vit øll hava tað gott, men tíverri síggja vit, at gjáin millum rík og fátøk veksur í hvørj­ um, og tá er vandi fyri, at nógv detta niður­ ímill­um. Um einki verður gjørt skjótt, so eri eg bang­in fyri, at tað verður trupult at fáa bilbugt við trupulleikan seinni. Við hesum átaki­num kunnu vit vónandi gera ein mun hjá onkr­um. Hvussu fert tú at savna pening inn? Eg ætli mær fyrst av øllum at ringja runt til nakrar fyritøkur, har eg havi onkrar kontakt­ ir. Annars vil eg gera vart við átakið og við trupul­leikan við fátækradømi. Eingin kann hjálpa øllum, men vit kunnu øll somul gera mun. Tróndur Vatnhamar: Hví fert tú at savna pening inn? Nú tá vit síggja, at politiska skipanin ikki hev­ur megnað at lyft tey børn, sum eru fátøk her í Føroyum, úr fátækraváða, so mugu onn­ ur traðka til. Og eg vil fegin vera við til at hjálpa teimum. Men eg haldi, vit skulu síggja hetta sum eina felags verkætlan. Allir føroy­ ing­ar kunnu stuðla hesum, og geva sítt íkast til tey børn, sum ikki hava ráð til tað, sum vit onnur meta sum eina sjálvfylgju. Hetta er eitt einastandandi høvið hjá fólki, at gera ein veru­ligan mun. Hvussu fert tú at savna pening inn? Eg fari fyrst og fremst at heita á øll, sum eg kenni, um at stuðla. Um mínir 3000 Facebook vinir stuðla, so ger tað alvorliga mun. Tað skal vera kul at geva. Men eg fari eisini at skipa fyri nøkrum stuttligum tiltøkum, sum varpa ljós á átakið. Hjørdis Háberg Petersen: Hví fert tú at savna pening inn? Tí tað liggur okkum ógvuliga nær. Vit í Evangelii­húsinum ynskja at birta vón hjá øll­um í hesum landi. Vit plaga at siga, at tað mest umráðandi er, at vón er fyri framman. Og við hesum kunnu vit kanska birta eina vón hjá teimum børnum, sum eru so fíggj­ar­ liga sperd, at tey kenna tað vónleyst til tíðir. Tí eru vit í leiðsluni í Evangeliihúsinum so sera samd um, at hetta er eitt gott átak. Hvussu fert tú at savna pening inn? Fyrst og fremst ætli eg mær at brúka tær kontakt­ir, sum eg havi. Eg havi trý børn, sum búg­va í Føroyum, og bara tað sambandi, sum vit hava ígjøgnum tey, er stórt. Eg vil heita á tey eg kenni um at stuðla, og annars havi eg ætlanir um at skipa fyri onkrum tiltøkum, sum varpa ljós á átakið. Maud Wang Hansen: Hví fert tú at savna pening inn? Tí tað er so sera týdningarmikið, at børn í Føroyum hava góð kor. Tá politiska skipanin ikki tekur ábyrgd, so er tað gott, at onkur ann­ar ger tað, meðan vit bíða. Og eg haldi tað er so sera umráðandi, at vit føroyingar taka hendan trupulleikan í álvara, og royna at gera nakað við trupulleikan. Hvussu fert tú at savna pening inn? Eg fari fyrst og fremst at heita á tey, sum eg kenni, um at stuðla átakinum. Og so haldi eg vit øll skulu varpa ljós á, at tey, sum hava nóg mikið, kanska kunnu hugsa um at lata, og stuðla børnunum. Katrin Kallsberg: Hví fert tú at savna pening inn? Eg haldi hetta er eitt sera gott átak, og vit mugu varpa ljós á børn, sum liva í fá­tækra­ váða. Eg haldi eisini tað er gott, at vit varpa ljós á tær lagnur, sum Í Menniskjum Góður Tokki sær hvønn dag - eisini uttanfyri jóltíðir. Eg havi eisini tosað við míni børn um hetta átak­ið, og tey stuðla tí, tí tey eru so sera kedd av at síggja í sjónvarpinum, at tað eru fátøk børn í Føroyum. Hvussu fert tú at savna pening inn? Eg ætli mær at varpa ljós á átakið so nógv, sum yvirhøvur møguligt. Og síðani ætli eg mær at taka tað upp tey ymsu støðini, sum eg vanliga ferðist. Annars fari eg nú at legg­ja høvdið í blot fyri at finna uppá okkurt krea­ tivt tiltak, sum hevði gagnað tiltakinum. Magni Arge: Hví fert tú at savna pening inn? Eg má siga, at sendingin í Kringvarpinum herfyri um fátækradømi var sjáldsama hjarta­nemandi, tí hon vísti ikki eina mynd av neyð og elendigheit, men meira eina mynd av sterk­um kvinnum og spentum børnum, sum royna sum frægast. Tey royna alt tað tey kunnu, men noyðast kortini at velja ymiskt frá, sum vit onnur meta sum gerandisvørur. Send­ingin gav eitt ekkó í sálini hjá hvørjum før­oy­ingi, sum hevur sæð sendingina. Og tí vil eg fegin vera við til at varpa ljós á hendan trupul­leikan. Hvussu fert tú at savna pening inn? Eg ætli mær at nýta tær kontaktir eg havi, til at gera vart við tað. Eg ætli mær at appelera til øll fólk, og ikki einans stórar fyritøkur, tí her kunnu vit øll gera mun. Vit hava øll her ein serstakan møguleika at vísa solidaritet, og stuðla teimum, sum veruliga tørva. Ragnhild Ellingsgaard: Hví fert tú at savna pening inn? Tí eg haldi, at hetta er ein støða, sum við­ kem­ur einum stórum bólki av føroyingum. Vit hava helst øll upplivað, at onkur í okkara nær­um­hvørvið er merktur av fátækraváða, tí rakar hetta okkum øll. Eg haldi tað er gott, at vit peika eftir politisku skipanini, sum ikki hev­ur megnað at lyft sína uppgávu á hesum økið. Og nú er tíðin komin til, at vit øll taka eitt felags tak fyri hesum samfelagsbólki. Bæði fyri at betra um korini hjá hesum børn­ um, men eisini fyri at vísa á, at hvørt einstakt menniskja í Føroyum kann gera mun. Hvussu fert tú at savna pening inn? Beint nú hugsi eg um at brúka tað netverk, eg havi. Eg ætli mær eisini at skipa fyri onkrum tiltøkum hesar 10 dagarnar, og at royna at siga frá hesum í miðlunum. Í Miðlahúsinum hóskvøldið: Politiskt orðaskifti um fátøk