týsdagur 21. apríl 2015síða 10

Mikudagur 22. apríl 2015 · Nr. 45 10 Sosialurin Hugskot og viðmerkingar – send sms til 225000 nøvn Eyðbrith vaks upp í Leirvík. Foreldrini vóru Palma og Reg­in Høgnesen. Palma og Regin fingu fimm børn, fýra dreingir og Eyð­brith, sum var elst av børn­unum. Eyðbrith møtti mann­ in­um Janus, sum er fugl­ firð­ingur, tá tey gingu í fram­haldsdeild í Fuglafirði, og skjótt vistu tey, at tað skuldi verða tey bæði. Jan­ us og Eyðbritt giftust á sumri í 1989 og settu búgv í nýggj­um húsum í Leirvík. Vit minnast við gleði silvur­ brúdleypsdagin, sum teim­ um eydnaðist at halda í juli 2014. Eyðbrith og Janus fingu fýra børn, Rógvi f. 1988, Ester f. 1990 og Palma f. 1993 og Jógv­an, sum bleiv f. 2002, sum teimum bert untist at eiga í stutta tíð. Tað kenda orðatakið – eing­in veit á morgni at siga, hvar ein á kvøldið gistir – blivu vit enn einaferð mint á, tá Eyðbrith brádliga doyði júst komin til Danmarkar at vitja familju. Hon hevði glett seg nógv til hesa heystfrítíð, sum Janus og ommudótturin Ronja skuldu gera saman við henni. Men hendan ferðin fekk ein bráan enda, tá hon brád­liga gjørdist sjúk og doyði. Eyðbrith var sera góð við børn, og sum yngri var hon ein góð hjálp í barna­heim­ inum at passa yngru systk­ ini. Vit kendu hana eisini sum eina sera góða mammu, sum elskaði síni børn og nú ikki minni síni ommubørn, Ronju og Lukas. Hon hevur verið virkin í øllum, sum hennara børn hava tikið lut í. At hjálpa til og stuðla vóru avgjørt henn­ ara natúrligu styrkir. Tá dagrøktin í Leirvík varð sett á stovn 1. september í 1996 byrjaði Eyðbrith sum dagrøktarmamma. Tað eru nógv børn, sum hava havt ein góðan og tryggan dag í heiminum hjá Eyðbrith og Janus. Tíðirnar broytast, og tá so dagstovnurin Brúsi bleiv latin upp í Leirvík á sumri í 2009, fór Eyðbrith at arbeiða í barnagarðstovu. Børnini flokkaðust rund­ an um hana. Hon møtti altíð barninum í barnahædd. Var altíð lívsglað og lívgevandi fyri teimum, hon møtti. Eyð­ brith var bæði herlig og ker­ lig, hoyrdu vit foreldur siga um hana. Var eitt stórt tiltak í barnagarðinum, lá Eyð­ brithsa arbeiði ikki eftir, tað er sum vit enn hoyra hana siga »einki problem«, hatta skulu vit nokk klára. Tey starvsfólk, sum komu nýggj í barnagarðin fekk hon altíð til at føla seg væl­komnan, hon var eitt fan­tast­iska um­ sorganarfult menn­iskja. Saknurin er stórur, og vit eru noydd at góðtaka, at hon kemur ikki aftur. Børn eru so einføld, og tað var eisini sagt so gott av ein­ um barni, sum spurdi eitt av starvsfólkunum nak­ rar dagar eftir, at Eyð­brith var farin: »Veitst tú av, at Eyðbrith er deyð«? »jú«, svar­ ar viðkomandi starvs­fólk, »tað veit eg, og tí eru vit øll so kedd.« Barnið helt, at vit skuldu ikki vera so kedd, tí hon er inni í Smærulund. Barnið sipaði til tað vøkru myndina av Eyðbrith, sum tey hava stand­andi á hillini. Jú, víst hava vit minnini um Eyð­ brith í okkara hjørtum. Tað er við sorg, at vit minn­ast okkara kæra starvs­ felaga, og tankarnir leita ofta til hennara nærmastu, sum hava mist eina høgt elskaða dóttur, systur, konu, mammu og ommu. Friður veri við minn­ inum um Eyðbrith Jacobu Ryggshamar Starvsfelagarnir í Brúsa Minningarorð um Eyðbrith Jacobu Ryggshamar Fødd 21. apríl 1966 – Deyð 5. oktober 2014 Fríggjadagin 24. apríl letur Ásla Rannvá Svensson upp málninga- og grafiska fram­ sýning í Smiðjuni í Lítluvík. Ásla Rannvá hevur havt fleiri framsýningar í Smiðj­ uni, bæði saman við øðrum og stakframsýningar. Sein­ astu framsýningar hennara hava verið sera litlíkar. Somu­leið­is er hesaferð og allir máln­ingarnir eru nýggir. Til hesa framsýning hev­ ur hon málað fleiri smærri málningar sum mynda­røð. Ásla Rannvá hev­ur í fleiri ár arbeitt á grafiska verk­ staðum við Jónu Ras­mussen sum lærara. Tað eru trý og eitt hálvt ár síðan Ásla Rannvá og mað­ urin futtu inn í nýggj hús á Velbastað. Velbastaður er eitt fantastiskt stað at búgva í og hevur tað givið mær nógvan listarligan íblástur, sigur Ásla Rannvá Svensson. Ásla Rannvá dámar væl at hava framsýning í Smiðj­uni, sum hon heldur er eitt fan­tastiskt høli at sýna fram í eftir at hava sýnt fram har nakrar ferð­ ir. Tað eru 2 ár síðani hon seinasta sýndi fram í Smiðj­ uni. Framsýningin er opin soleiðis: Fríggja­dag­in fernisering 16 – 19, leygar­ dagin 11 – 18 og sunnu­dagin: 14 – 19. Øll eru hjarta­liga væl­ komin til ein drekka­munn og eitt listarligt prát. Ásla Rannvá er útlærd blómudekoratørur, men ar­beiðir í dag hjá Maria Poulsen búnýti í miðbýnum. Hon og pápin Kári Svensson skulu hava framsýning síðst í oktober í Assens. Tað verður fyrstu ferð, at Ásla Rannvá sýnir fram uttanlands. Ásla Rannvá í Smiðjuni