hósdagur 23. apríl 2015síða 21

Fríggjadagur 24. apríl 2015 sosialurin 46 21 Løgfrøðingur til Sjóvinnustýrið Sjóvinnustýrið søkir eftir einum løgfrøðingi til Lógardeildina. Vit bjóða Eitt spennandi starv við avbjóðingum, fakliga eins væl og persónliga. Talan er um eitt sjálvstøðugt starv, har tú sjálv/ur í stóran mun hevur ávirkan á tínar uppgávur. Starvsøkið Saman við hinum á deildini kemur tú at hava ábyrgd av at fylgja við í og implementera altjóða lóggávu. Ein partur av hesi uppgávu, er at umboða Føroyar í altjóða sjóferðslufelagsskapinum hjá ST International Maritime Organisation (IMO www.imo.org), ið hevur høvuðssæti í London. Sjóvinnustýrið samskipar føroysku luttøkuna í arbeiðinum í IMO og við aðrar altjóða stovnar og felagsskapir, ið arbeiða við trygd á sjónum. Sjóvinnustýrið hevur eisini ein samskipandi leiklut mótvegis øðrum almennum stovnum og áhugabólkum soleiðis, at hesi verða kunnaði um virksemið, sum fer fram í IMO. Starvið fevnir eisini í stóran mun um at ráðgeva og vegleiða leiðsluni og starvsfólkunum í ymiskum løgfrøðiligum viðurskiftum, ið fevna um ábyrgdarøkið stovnsins, eins og at smíða lógir og kunngerðir og gera aðrar viðkomandi uppgávur fyri aðalráðið. Vit vænta at · tú hevur løgfrøðiligt embætisprógv, ella ert um at gerast liðug/ur · tú hevur góð samstarvsevnir og ert arbeiðssom/samur · tú trívist í fjølbroytnum umhvørvi við ymiskum fakbólkum · tær dámar at arbeiða við fleiri ymiskum uppgávum · tú ert opin og positiv/ur av lyndi · tú dugir væl at orða teg bæði í skrift og talu á føroyskum, enskum og norðurlendskum, Harumframt er tað ein fyrimunur, um tú hevur royndir frá líknandi størvum innan almenna fyrisiting. Setanarviðurskifti Starvið verður sett sambært sáttmála millum Fíggjarmálaráðið og Búskapar- og Løgfrøðingafelagið. Starvið verður sett skjótast gjørligt. Umsóknir: Umsóknir saman við avriti av prógvum og møguligum viðmælum skulu vera Sjóvinnustýrinum í hendi í seinasta lagi 8. mai 2015, kl. 12.00. Umsóknir skulu sendast sum bræv ella teldubræv til: Sjóvinnustýrið, Postsmoga 26, FO-370 Miðvágur ella á fma@fma.fo Meiri fæst at vita við at venda sær til Gunnvá S. á Lofti, deildarleiðari á tlf. 355600. Sjóvinnustýrið er ein stovnur undir Vinnumálaráðnum. Ábyrgdarøkið hjá stovninum hevur útgangsstøði í sjóvinnuni og rammunum fyri hesi vinnu. Hetta fevnir um sjóvinnupolitikk og lóggávu, eftirlit við bygging av føroyskum skipum og hvussu hesi eru gjørd út, áseting um manning, at tryggja arbeiðsumhvørvið umborð á skipum, umhvørvisvernd og skráseting í Føroya Skipaskrá og Føroya Altjóða Skipaskrá. Høvuðsendamálið hjá Sjóvinnustýrinum er at fyribyrgja óhapp og tryggja høgt trygdarstøði fyri før undir føroyskum flaggi og manning teirra. Harumframt miðar Sjóvinnustýrið ímóti, framhaldandi at menna kappingarførið hjá FAS.