hósdagur 23. apríl 2015síða 45

5 Mentanarblaðið hjá Miðlahúsinum 4 • 24. apríl 2015 Spælistað við synergi­ effekt Reinsaríið skal vera fyri bæði stjørnur og spennandi spírar, og fremsta uppgávan hjá samskiparanum er at tryggja dygd og at geva fólki mót at gera tað, sum tey droyma um. Tað sigur Bogi Andreasen, samskipari í Reinsarínum, sum læt upp fyri hálvum árum síðan og fyrr í ár fekk FMA virðislønina Ársins átak Dorit Hansen Reinsaríið að eru so ræðuliga fá ting, sum ikki bera til. Bogi Andreasen ger kaffi í lítla køks­skapinum í inngongdini til Reinsa­ríið. Ein ljóðmaður gongur og putlast við leidningar í smølu millum­gongini og innan úr konserthølunum runga trummu­rytmur. Konsert­fyrireikingar eru í gongd, og Bogi Andreasen, sam­skipari á Reinsarínum, greiðir frá, meðan hann fyllir kaffi í kannuna. – Reinsaríið er serliga ætlað sum spælistað. Men vit umsita eisini Perluna, sum er ætlað sum eitt býarrúm til alt møguligt, og vit arbeiða eisini við at inndraga bæði túnið frammanfyri og økini aftanfyri, soleiðis at vit hava eina breiða viftu av plássmøguleikum. – Mín fremsta uppgáva er at síggja møguleikar og at hjálpa fólki – serliga tónleikarum – at gera tað, sum tey hava hug til. Vit hava húsini, útgerðina, og tá ið fólk koma við onkrum trilvandi hugskoti, kunnu vit siga: Ja, kom! Lat okkum gera ætlanina til veruleika. Umframt at umsita hølini og útgerðina, sum er knýtt at Reinsa­rínum, hevur samskiparin eisini ráðgivið bólk­ um og einstaklingum um, hvussu tey kunnu søkja um pengar til ymisk tiltøk. – Tað er partur av okkara leikluti. Vit sita inni við vitanini, so tað er upplagt at vit eisini hjálpa og stuðla, so at góð hugskot enda sum ítøkiligar verkætlanir. Bygningurin Reinsaríið er meira enn 180 ára gamal, og aldurin merkist sum fjálgur hugni við opnum sperr­ um og berandi bjálkum. Men húsið er eisini nýinn­rættað við ruddiligum opinleika og rundum, reyðum vegg­um, sum føra okkum frá konserthølunum á niðastu hædd, fram­við svalanum á miðhæddini og upp á opna skriv­ stovu­loftið við úsýni niður á pallin gjøgnum glasrípu í gólv­inum. – Hetta er skrivstovan, men hetta er eisini backstage høli, har tónleikarar kunnu slappa av, samstundis sum teir kunnu fylgja við, hvat hendir á pallinum á niðastu hædd. Loftið er eitt sokallað grátt øki, sigur Bogi. Hetta er partur av spælistaðnum, men kann eisini brúkast til annað. Fyri stuttum sótu til dømis einir seks sjón­leik­ arar her og brainstormaðu fyrstu fasu í einari sjón­leika­ verk­ætlan. – Eg segði í fyrsta umfari nei, tí vit høvdu eingi borð, men so skundaði eg mær at ringja aftur til tey, tí sjálvandi kundu vit skaffa borð. Og tað var ótrúliga stutt­ligt og inspirerandi at hava tey her mitt í mínari skriv­stovu, tí eg slapp at uppliva eitt umhvørvi og eitt arbeiðs­lag, sum eg einki kendi til frammanundan. Tá politikarin gjørdist samskipari Bogi Andreasen varð settur í starv sum samskipari fyri Reinsaríið og Perluna í september í 2014. Stórur áhugi var fyri starvinum, 27 fólk søktu, og tá ið býráðs­ politikarin fekk starvið, var onkur sum mót­mælti. Sagt varð, at Bogi hevði ikki nóg góða útbúgving, og lagt varð upp til, at hann kanska hevði fingið starvið, tí hann var so tætt at politisku skipanini. T ...Framhald á næstu síðu