hósdagur 23. apríl 2015síða 48

8 Mentanarblaðið hjá Miðlahúsinum 4 • 24. apríl 2015 8 mentanarsíðan Barna Beinta Johannessen Bergur Dalsgaard Tað eru skjótt sjey ár síðan fyrsta krabba­bókin kom út, og ikki kann sigast annað enn, at bøkurnar hava verið ein success. Men hví geva slíkar bøkur út? Turið Kjølbro, sum starvast sum ritstjóri á Bókadeild Føroya Lærara­ felags, er samskipari í krabba­ bólkinum. Umframt hana eru Marjun Ziskason, ritstjóri í Námi, og Lydia Didriksen, lærari, skúlabókavørður og ritstjóri: – Stórur tørvur var á lesibókum til innskúlingina, men eisini á lættari tilfari til eldri næmingar. Tað serliga við krabbabókunum er, at tær eru allar lesifrøðiliga viðgjørdar við tí fyri eyga at stimbra lesingina hjá børnum, bæði teimum, sum eru í ferð við at læra at lesa og teimum, sum hava ilt við at lesa, sigur Turið Kjølbro. Sjey torleikastig Higartil eru 195 bøkur komnar, býttar á sjey torleikastig, sum eru frámerkt við hvør sínum liti. Guli krabbin er vegleiðandi til 1. flokk og grái krabbin, vegleiðandi til 8. flokk og eldri næmingar. – Tey sjey torleikastigini vísa ikki beinleiðis til aldur ella flokstrin, men heldur til støðið, barnið er á. Sostatt kann ein bláur krabbi hóska eins væl til eitt níggju ára gamalt barn sum til eitt 11 ára gamalt. Tað er lesiførleikin og ikki aldurin á tí einstaka barninum, sum er avgerandi í hesum føri, sigur Turið. Fjølbroytt innihald Krabbabólkurin leggur stóran dent á, at bøkurnar innihaldsliga fevna um so nógv ymisk evni sum gjørligt, so tær kunnu vera við til at kveikja áhugan hjá so nógvum børnum sum gjørligt at lesa. – Eg haldi, at tað, sum hevur gjørt bøkurnar so væl umtóktar er, at lesarin veit, at tá ið hann tekur eina krabba­bók upp í hondina, so er søgan góð. Tann góða søgan er tað týdningar­ mesta. So eru bøkurnar eisini lættar at lesa samstundis sum tær eru spenn­ andi, og nógv áhugaverd evni eru at velja í, sigur Turið. – Her eru bæði spennandi søgur, stuttligar søgur, bókarøðir, faktabøkur og nógv annað gott. Best umtókta røðin man vera Kalt blóð, sum er eitt slag av spennandi óhugna-krimi­ bókum, men aðrar, t.d. faktabøkur um Titanic, Anna Frank, og Njósning eru eis­ini ógvuliga væl umtóktar. Vit fáa mangan áheitan um at geva fleiri bøkur út av hesum ella hasum. Krabbabøkur – ein sólskinssøga Vit hoyra oftast um negativar av­ leið­ingar, men við krabbabókunum er heldur øðrvísi. Positiva gongdin hjá bókunum hevur havt við sær, at vit hava fingið nógvar góðar lesarar, og hetta merkja tey eisini á Bókadeildini. – Krabbabøkurnar eru ein success, so nú er bara eftir hjá okkum at lofta øllum teimum góðu lesarunum, sum bøkurnar hava fostrað, sigur Niels Jákup Thomsen, stjóri. Stóra hittið hjá Pharrell Williams, „Happy“, verður nú til eina myndabók, har børn kring heimin vilja fagna, hvat tað vil siga at vera glaður. 41 ára gamli tónleikarin hevur gjørt ein sátt­mála við Putnam Books um at gera fýra mynda­bøkur. Fyrsta bókin kemur eftir ætlan út 22. september í 250.000 eintøkum. Pharrell hevur vunnið 10 Grammy heiðurs­lønir, og tvær av teimum eru fyri „Happy“. Disney-teknifilmurin “Frozen” hevur higartil havt fleiri enn 1,3 milliardir dollarar í inntøku, og hann er tískil tann best umtókti teknifilmurin í søguni. Tí er ikki løgið, at Disney-fyritøkan hevur kunngjørt, at tað kemur ein „Frozen”- filmur afturat. Enn er ikki greitt, nær filmurin kemur, men allir teir gomlu kenningarnir eru við aftur, so sum Anna, Elsa, Kristoff og kavamaðurin Olaf. Og óivað kemur eisini ein landaplága, júst sum „Let It Go“ í fyrsta filminum. Svenski fótbóltsleikarin Zlatan Ibrahimovic legði herfyri eina mynda á sín Instagram-profil av eini nýggjari tatovering. „Abdullah“ stóð skrivað við stórum bók­stavum á kroppi hansara. Hetta er bert eitt navn av 84, ið hann hevur fingið tato­verað á kroppin. Orsøkin er, at hann vil gera vart við øll tey mongu børn, ið liva í fátækradømi. Sum hann sigur, so líða 805 milliónir fólk í heiminum hungur. Alt ov mong teirra eru børn, og um hann kundi, so vildi hann skrivað øll nøvn teirra á kroppin. Sjónleikarin Jaden Smith vil ikki eiga meira enn eitt par av skóm. Kendi pápi hansara, Will Smith, greiðir frá, at Jaden noktar at vera trælur av pengum og tingum. Men hóast pápin virðir av­gerð­ina hjá soninum, kundi hann hugsað sær, at sonurin keypti eitt par av eyka skóm. Jaden Smith gjørdist kendur í 2010 við film­ inum „The Karate Kid“. Tað kitlar og krabbar Úr STROK Børnini elska tær, og flestu foreldur at skúlabørnum kenna tær. Talan er sjálvandi um lættlisnu krabbabøkurnar Hevur tú kalt blóð og nervar av stáli? So les bøkurnar í krabbarøðini Kalt blóð. Faktakrabbarnir eru eisini sera væl umtóktir Tær tríggjar, sum manna krabbabólkin eru frá vinstru Marjun Ziskason, Turið Kjølbro og Lydia Didriksen