hósdagur 23. apríl 2015síða 49

9 Mentanarblaðið hjá Miðlahúsinum 4 • 24. apríl 2015 9 Her ert tú ongantíð ósædd 28 ára gamla Floortje Zonneveld úr Amsterdam hevur seinastu mánaðirnar búð og arbeitt sum listafólk í gamla skúlanum í Tjørnuvík. Burtur úr tí eru komin ein videoinstallatión, nýggj vinabond og nakrar eygleiðingar, sum bara gestir kunnu gera Dorit Hansen áturin rungar í gomlu skúlastovuni í ljósagrøna skúlanum. Mitt á gólv­ inum stendur ein løgin installa­tión, ein koksgráur karmur við tveim­ um liggjandi sprossa­vind­eyg­um, og rund­an­um standa einar tíggju konur við vátum hári. Vit eru í Tjørnuvík, har hollendska listakvinnan Floortje Zonneveld seinastu tveir mánaðirnar hevur búð og arbeitt. Kassin á gólvinum er ein video­ installatión, og kvinnurnar í skúlastovuni eru vest­ manna­konur, sum eru komnar til fernisering av lista­verkinum, sum snýr seg um tær og sjógvin í Vest­manna. “Havið og eg” er heitið á lista­ verk­inum, sum eisini verð­ur sýnt á Vár­fram­sýn­ing­ini í Lista­ skál­anum í løt­uni. Ferni­ser­ing­in í Tjørnu­vík er eitt sindur serlig. Tað er langafríggja­dags­morgun, og filmssýningin verð­ur kryddað við ein­um túri í hvítu aldurnar, sum bróta inn á vakra sandin í hesi fjarskotnu bygdini. – It is SO COLD, sigur Anna Maria í stutta filminum, sum ikki verður vístur á vanligum lørifti, men innan fyri tvey sprossavindeygu. Vestmannakonurnar flenna at orðunum, mynd­ unum. – Í dag var ikki so kalt, siga tær við Floortje, sum hevði lovað teimum, at tá ið tær komu til Tjørnuvík til lista­films­fernisering, skuldi hon fyri fyrstu ferð leggja seg í aldurnar saman við teimum. Nakrir tjørnuvíkingar koma út í tún at kanna, hvat gongur fyri seg við øllum hesum berføttu konunum, sum renna millum húsini og oman á sandin. Ein granna­kona kemur eisini inn í skúlan við breyði og skerpi­kjøti til ferniseringsgestirnar. L ...Framhald á næstu síðu “Eg haldi, at eg eri nústani við at fata, hvat tað var, sum dró meg til at gera júst hesa verkætlanana. Tað er okkurt serføroyskt, okkurt við at skapa sær rúm og vera sín egin mitt í einum lítlum samfelagi, har tú altíð ert sæddur,” sigur Floortje Zonneveld, sum seinastu tveir mánaðirnar hevur búð og arbeitt í gamla skúlanum í Tjørnuvík. Úrslitið av arbeiðnum, ein filmsinstallatión við svimjikonum í Vestmanna, verður sýnt fram á Várframsýningini í Listaskálanum, sum er opin til 3. mai. Mynd: Finnur Justinussen