hósdagur 23. apríl 2015síða 63

23 Mentanarblaðið hjá Miðlahúsinum 4 • 24. apríl 2015 óðurmálsdagin 25. mars varð Tíðarrit. fo tikin í nýtslu. Tíðarrit.fo (www. tidarrit.fo) er ein heimasíða, har tú kanst lesa og leita í føroyskum avísum frá byrjanini fram til 31. desember 1999. Søvn Landsins skriva: "Verk­ætlan­ in at talgilda mikrofilmarnar av føroysku bløðunum byrj­aði í 2013, men varð síðan útsett nakrar ferðir. Í mai 2014 skrivaðu Statsbiblioteket í Århus og Lands­ bóka­savnið undir sáttmála, har Statsbiblioteket, sum hevur mikro­filmarnar á goymslu, átók sær at standa fyri skann­ingini av filmunum. Alt tað skannaða tilfarið er síðan lagt inn í blaðportal hjá donsku fyritøkuni Info­media, sum fyri Landsbókasavnið nú fer at veita al­menna atgongd til bløðini umvegis netið." Á www.flb.fo kanst tú taka leitivegleiðing niður. Palli Gregoriussen sýnir fram tekningar á Býarbókasavninum J.P. Gregoriussen er føddur í Havn í 1932 og útbúgvin frá Kunstakademiets Arkitektskole í 1960. Hann er best kendur sum arkitektur og fyri sínar tiltiknu “strikur”, sum í nógvum førum og á ymiskan hátt hava sett sítt eyðkenni á býarmyndina í Havn. Men eisini hevur Palli virkað sum listamaður og hevur mangan havt tekni­ blokkin við sær á ferð bæði úti og heima. Á framsýningini eru tekningar úr Havnini, ið Palli hevur teknað í tíðarskeiðnum 1994-2000. Framsýningin er at síggja til 1. juni. Bókin kemur til tín Bókaberin er til fólk, sum vegna rørslubrek ella annað brek ikki hava møguleika at koma á bókasavnið. Hvør kann brúka Bókaberan? Skipanin er fyri øll, sum vegna drúgva ella varandi sjúku, rørslubrek ella annað brek ikki kunnu koma á bóka­savnið, og sum ikki búgva saman við avvarðandi, sum kunnu fara fyri tey. Fyri at brúka Bókaberan skalt tú búgva í Tórshavnar kommunu. Tú kanst ringja ella senda teldupost til Býar­bóka­ savnið fyri at fáa umsóknarblað. Umsóknarbløð og kunning kunnu eisini prentast frá heimasíðuni. Barnabókasavnið er meira enn bøkur Hjá børnum er barnabókasavnið eitt stað fult av upplivingum. Sjálv­andi gera allar bøkurnar rúmið til nakað serstakt, men barna­bóka­savnið er meira enn bøkur: Her eru leikur, nintendo wii, tekni­greiðir og borðspøl. Spyr bóka­vørðin, tí hann hevur eisini onnur spøl, sum kunnu finnast fram úr skápinum. Barnabókasavnið hevur eisini sítt egna savn av tíðarritum á ymiskum málum: Strok, Anders And, Anders And Junior, Boys' Life, KP Kamratposten, Nysgjerrigper og Discovery Girls. Tey nýggjastu bløðini eru Anders And Junior til børn, sum eru eitt sindur yngri enn teir vanligu Anders And-lesararnir, Boys’ Life, sum hevur nógv um skótar og uttanduralív, og Discovery Girls til tweens. Øll bløðini uttan Anders And kunnu lænast heim við, bara ikki tað nýggjasta nummarið. Hugnaoyggin á barnabókasavninum hevur broytt skap til eina bókaholu, sum er bygd úr gomlum bókum og tapetserað innan við teknirøðum og guinness­rekord­ um. Áhugin hjá børnunum hevur verið stórur. Holan var nóg illa sett saman, so fór fyrsta barnið innum. Hoyr eina bók Visti tú, at tú eisini kanst læna ljóðbøkur gjøgnum bókasavnið? Ljóðbøkur eru ætlaðar øllum, sum elska eina góða søgu, men kanska ikki hava umstøður at lesa eina vanliga bók. Býarbókasavnið hevur enn nakrar ljóðbøkur á kassettubandi, men nýggju útgávurnar kunnu lænast á ymiskum fløguformatum og ikki minst á nettænastuni eReolen, sum í løtuni hevur 6.300 ymiskar danskar ljóðbøkur til børn og vaksin. Tiltøk á bókasavninum Mána- og mikudagar kl. 16.30-18.00 er lektiuhjálparin Ida at hitta í lektiukaféini á niðastu hædd. Lektiuhjálpin er ætlað næmingum í framhaldsdeild og miðnámi. 2.-9. mai: Umhvørvisvika 27. apríl: Lesiringarnir hittast seinastu ferð í vár Á bókasavninum M Kristina Petersen, bókavørður á Býarbókasavninum Gomul føroysk bløð á netinum, tekningar og Barnabókasavnið... Joana V. Bjarnastein Hvussu nógv brúkar tú bókasavnið og til hvat? – Eg eri á bókasavninum í øllum førum aðruhvørja viku, kanska oftari. Við­ hvørt, tá eg havi verið og keypt inn, seti eg posarnar inn á bókasavnið, meðan eg bíði eftir bussinum. Eg læni ymiskt tilfar, og annars bíleggi og læni eg bøkur frá útlendskum bókasøvnum gjøgn­um Býarbókasavnið. Onkuntíð hevur bókasavnið keypt eina bók, eftir at eg havi spurt eftir henni. Hvat er tað allarbesta við at koma á Býarbókasavnið? – Tað besta er sjálvandi, at eg kann læna bøkur og ikki minst, at eg kann lata tær inn aftur. So nýtist mær ikki so nógvar hillametrar heima. Hvørjar bøkur lænir tú, tá tú ert her? Lænir tú nakað annað enn bøkur? – Eg læni dvd-filmar og annars fagrar bókmentir til bæði mín og børnini. Vit hava lænt barnabókina “Solens konge­ rige” einar 10 ferðir gjøgnum árini og eis­ini endurnýggjað hana. Ert tú málrættað, tá tú kemur á bókasavnið? Ella dettur tú framá okkurt sjálv? – Eg eri aloftast málrættað. Eg tími ikki væl at pløga hillarnar fyri at finna íblástur, men fái heldur bókavørðin at viðmæla mær okkurt. Fært tú nakað burturúr, at Býarbókasavnið nú er meira opið bæði leygar- og sunnudagar, og gerandis­dagar líka frá kl. 9 til 21? – Longri upplatingartíðir vóru ikki nakað, sum eg saknaði, áðrenn tær vórðu víðkaðar, og eg brúki ikki bóka­savnið hesar tíðir. Men eg sakni at kunna lata inn bøkur tíðliga um morgnar­nar á veg til arbeiðis. Lánarin hendan mánaðin