týsdagur 28. apríl 2015síða 20

Mikudagur 29. apríl 2015 · Nr. 48 20 Sosialurin Hugskot og viðmerkingar – send sms til 225000 »Herre du gav mig en lod på din jord«. Hesi orð stóðu í einum blaði, eg fekk nú um dagar­ nar. Tá helt eg, at hetta vóru passandi orð til Arndis, tí at tann teigur, ið hon fekk at røkja her á foldum, hann lá ikki í órøkt. Hon sáðaði og vætaði dag og dagliga, so leingi sum hon kundi. Og vit, sum kendu hana so væl og vóru nógv saman við henni, vistu hvørja umsorgan, hon hevði fyri menniskjunum her í oynni. Í øllum bygdun­ um, samkomum, kirkjum, missi­ónshúsum, skúlum, ung­dóm­inum, teimum gomlu, ja, øllum. Hon vildi, at øll skuldu standa saman í Gudi. Gott at vita, at tá hon ikki fekk loyvi at vera her longur saman við sínum kæru, hevði gjørt seg til reiðar at fara umborð á sítt lítla far, sum legði leiðina mót tí himmalsku strond, har ið hin frelsti skarin stóð og bjóðaði henni vælkomnari. Tú góði og trúgvi tænari, nú kennir hon ikki til pínu, ja, alt sum nívdi hana hesa síðstu tíðina, nú syngur hon glað við í kórinum, og sonur sum tónar um Guds paradís, tá einglar og frelst syngja Harranum prís. Brævið, eg fekk frá tær av ríkissjúkra­húsinum, tá tú segði, at nú gekk spakuliga framá og køkuna skuldi eg nokk fáa til missiónsvikuna, men tað bleiv av ongum. Hvíl í friði og takk fyri alt, ið er farið. Lag: Ongum er so trygt at fara Farin er tann kaldi vegur, glaðan fugl nú hoyra letur, nú ið sprettur vársins blóma, aftur lívið kunnu hóma. Tað tú sáðaði á vári, teigin vætaði alt árið, frøddist yvir gróðrarlendi, eina tøkk tær Harrin sendi. Blómur spretta men tær følna, eins og lívið, ið her kølnað, hvílir undir grøna lagi, tí at deyðin fekk sítt ræði. Tú var ung og tú var vøkur, lívið sum ein áarløkur, ongantíð teg sjálvan spardi, teg frá illum altíð vardi. Nú ei fótafet at hoyra, ongi ráð til tykkar oyra. Dagsins strevið nú er tagnað, soleiðis er manna lagna. Minnir góð vit eftir eiga, yvir breyt tey okkum leiða. Lívið er sum bylgjan bratta, tá tað fjarðar kenna lætta. Góða Arndis, hvíl í friði, her á foldum fann tú miðið, vitin lýsti tær á staðið, har tey syngja einglalagið. Stokkut hetta foldarlívið, skjótt í himli festin blívi', tá ei skilnaður er meira, ævinleikan har vit feira. Sólrun Minningarorð um Arndis Nicolajsen Minningarorð um ommu mína Hervør Hanusardóttir Durhuus 19.09.40 – 19.03.13 Góða fitta elskaða omma Í dag eru júst 2 ár liðin síð­ani eg seinast hoyrdi mál­ ið á tær. At hetta lagnukvøld skuldi gerast síðstu ferð vit tos­aðu saman, hevði eg aldr­ in ímyndað mær. Sum vant høvdu vit nógv at práta um, hetta kvøldið var einki undan­tak. Eg minnist tíni síðstu orð: ”Tað var deiligt at hoyra málið í tær góða, nú má tað ikki ganga ov leingi til næstu ferð”. Omma, mær leingist so nógv eftir tær. Mær leingist so nógv eftir at sleppa at práta við teg. At vera saman við tær. Fáa eitt klemm og ein fittan ommu-muss á kjálk­an. Eg var altíð hugtikin av, hvussu tú megnaði at fáa so nógv av hondum greitt, utt­an at gera nakað hóva­ sták burturúr. Tú vart røsk og arbeiðssom. Gramdi teg aldrin um nakað. Tú vart ró­lig, nærverandi og tolin sum fáur. Tú vart ein lívs­ njót­ari og dugdi at fanga og síggja tær góðu løturnar. Tú elskaði at ferðast og hava vit verið mangan góðan túr saman við tær og abba. Vit báðar høvdu nakað serligt saman. Tað hevði tú við øllum ommubørnum tín­ um. Vit vóru ikki ”bert” ein flokkur av ommubørnum. Tú kendi okkum øll væl, sum einstaklingar. Tú dugdi eisini so sera væl at geva tær stundir, at vera saman við okkum hvør sær, men eis­ini saman. Og tað mest týdn­ ingarmikla, tú hevði altíð tíð til okkara. Omma, eg misti ikki bert mína elsk­aðu ommu, men eisini mína vinkonu. Mína fittu vísu vinkonu. Tú vart og ert ein av mínum fyri­ myndum. Eg havi hugsað um, hvussu nógv tú hevur lært meg,. Hvussu tú, við tínum verumáta og sinnalag hevur lært meg, hvussu man skal liva og verða. Tú dugdi væl at liva og tú elskaði eisini at liva. Tú tók ikki lív og heilsu sum eina sjálvfylgju, men sum eina gávu. Minnist sera væl á eina løtu, tá ið tú vart og vitjaði meg her í Keyp­manna­havn. Vit sótu og hugnaðu okkum á eini kafe. Eg gleddist um, hvussu deiligt tað var at tú vart komin. Tú svarar: ”Ja, Hervør góða, men tað er eingin sjálv­fylga at vit sita her báðar”. Tú vart takk­som fyri lívið. Fyri stuttum kom eg framm á eitt sjónbandabrot á telduni, ið eg ikki havi sæð fyrr. Tað er frá okkara summar­túri í Fugloyð í 2012. Vit sita um borðið í hugna­ ligu stovuni í summar­hús­ in­um á Kirkju. Øll hava vit reyðar sólbrendar kjálkar og vit sita og spæla kort. Sum vant skal man ansa sær fyri babba og abba, sum snýta um man ikki er nóg vakin. Meðan vit spæla verður ”Við reiðrið” hjá Hans Andriasi Djurhuus sungin. Ørindið ljóðar: Og kvikur hann frá reiðrið rann og maðkar fann, tá lýstu eygu bláu, so gav hann seg at pota teir, fyrst ein og síðan tveir og tveir í nevini tey smáu. Omma, tað var trygt at vera ungi í tín­um fjálga reiðri. Og nógv gott hevur tú pota í okkum, bæði so og so. Tú doyði, sum tú stóð og bakaði góða­ráð. Bert 5 tímar eftir eg hevði práta við teg. Fyri okkum avvarandi, var hetta ein stórur skelkur, tí vit ikki vistu av at tú vart sjúk. Tín tíð var komin, tað vistu hvørki vit ella tú. Tað er ein stórur saknur, at tú ikki longur ert millum okkara. Eg hugsi um teg hvønn dag. Vit vildu sera fegin, at vit høvdu teg í nógv ár afturat. Men omma, tá ið eg hugsi um teg, gerðist eg glað. Glað og takksom fyri at tú vart omma mín. Er eri errin av, at bera títt navn, eg havi nógv at liva upp til. Hervør Hanusardóttir Durhuus nøvn Konfirmantar í Tvøroyrar kirkju 1. mai kl. 11 Maria Alma Sikivat Andersen, Tjaldursvegur 14, Tvøroyri Jórun Magnusdóttir Kristensen, Miðtún 12, Tvøroyri Randi Magnusdóttir Kristensen, Miðtún 12, Tvøroyri Hjalmar Hammer, Sjógøta 224, Tvøroyri Hjalgrím Højgaard, Traðarvegur 47, Tvøroyri. Opið hús verður í Missiónshúsinum frá kl. 18. Flemming Nybo Jespersen, Sjógøta 46, Tvøroyri. Jónas Øster, Sevmýri 73, Tvøroyri. Anja Magnussen, Hvammavegur 87, Trongisvágur. Johanna Hammer Stórhamar, Sóljugøta 12, Trongisvágur. Berit Róadóttir Midjord, Høvdavegur 5, Froðba Opið hús verður í bygdahúsinum í Lopra frá kl. 15. Hanna Jóanisdóttir Petersen, Fámjinsvegur 5, Fámjin. Opið hús verður í heiminum frá kl. 16. Konfirmantar í Nólsoyar kirkju 1. mai kl. 11 Pól Torgeir Búgvason Jacobsen, Eggjargøta 8, 270 Nólsoy Alda av Skarði, í Stong 1, 270 Nólsoy Jens Rikard Poulsen, Vaktarhúsbrekka 8, 100 Tórshavn Leivur í Geil, í Túni 6, 270 Nólsoy Sólja Bárðardóttir Poulsen, Válagøta 16, 270 Nólsoy Konfirmantar í Kollafjarðar kirkju 1. mai kl. 11 Zoe Elizabeth Dickson, í Líðini 37, Kollafirði. Richard Hans Dickson, í Líðini 37, Kollafirði. Annika á Fløtunum Rasmussen, í Líðini 117, Kollafirði. Tóna Fritsdóttir, Heygavegur 4, Kollafirði. Aleksandur Hammer, Líðin 45, Kollafirði. Herit Johannesen, á Miðgerði 11, Kollafirði. Julia Jóhansdóttir, Jóan Paula gøta 5, Kollafirði. Kristian Kruse, í Homrum 21, Kollafirði. Súsanna Tummasardóttir, Polatrøð 4, Kollafirði. Dagurin verður hildin í bygdarhúsinum í Kollafirið, vælkomst frá kl 15 Konfirmantar í Kvívíkar kirkju 3. mai kl. 12 Sonja Skylv Petersen, Leynarvegur 22, 335 Leynar Karin Marianna Petersen, Víkarvegur 28, 340 Kvívík. Opið hús verður á Heygnum 13 frá kl. 17:00 Jórunn Aradóttir, á Heygnum 9, 340 Kvívík Jákup Jacobsen, Steinagerði 9, 340 Kvívík Petur Ovi Hjaltalin Dam, Ovari vegur 42, 335 Leynar. Opið hús verður í AB-húsinum frá kl. 15:30 Heini Holm, Hornavegur 33, 350 Vestmanna. Opið hús verður í Fiskivinnuskúlanum í Vestmanna frá kl. 17:00 Konfirmatiónir