mikudagur 29. apríl 2015síða 19

Fríggjadagur 1. mai 2015 sosialurin 49 19 Føðingar NØVN 6. apríl fingu Stefania Láberg, frá Skopun og Meinhard Winther, Tórshavn, ein son. Hann var 55 cm langur og vigaði 4600 gr. Jóan Pauli Joensen, professari, sjeyti Í morgin 30. apríl verður Jóan Pauli Joensen, professari, sjeyti. Palli ella Palli hjá Irenu, sum vit har vest­ uri kalla hann, er sørvingur. Sonur Petur Ola Joensen og Irenu (Harald­ sen). Palli og beiggin Jákup, sum er studentaskúlalærari á Kambsdali, gingu sum eg í skúla hjá D. Danielsen og Napoleon Petersen. D.D. bar ser­ ligan alsk til danska mentan og Poli ikki minni til føroyska. Longu tíðliga upplivdu vit tískil, hvussu víðfevndur ein kulturur kann vera. Skúla­kultur­ urin í Sørvági var hesi fyrstu árini sera framburðskendur, bæði av hes­ um báðum góðu lærarafólkum, men ikki minni av teimum mongu, sum komu eftir teir, so hvørt skúlin vaks. Hjá DD lærdu vit eitt ótal av donsk­ um sálmaversum uttanat, hartil hern­aðarligan aga – reinar hendur og reinar negl skuldu vísast fram hvønn tíma, hartil reinar lummaklútar og ikki at gloyma mýkingarfimleik eina løtu í hvørjum tíma eisini. Hjá Pola lærdu vit um føroyskan skald­ skap og føroyska náttúru. Í okk­ara fólka­skúla­árum vóru vit so heppin, at Sørvágs kommuna setti øll segl fyri at fáa ein nýggjan skúla við øll­um tí, sum skuldi tryggja fram­ tíð­ina hjá børnunum. Í nýggja skúla var sanniliga tann­læknastova (skúla­tann­lækna fingu vit longu í 1959) og serstovur til fysikk, kemi og biologi. Vit næmingar vóru ikki sørt ernir av hesum ambitiónum, sum for­standar­skapið í kommuni hevði fyri okkum børnum. Tá var tað eyð­sæð, at lærdómur var góður og hann var lættur at bera – men tað skuldi sjálvandi arbeiðast hart fyri at vinna hann. Tað lá í luftini hesi árini í Sørvági, hvussu týdningarmikið tað var at vinna sær lærdóm, meðan man var ungur. Tað hildu í hvussu so er míni foreldur og eg rokni við, at tað var tað sama yviri á Kelduni hjá Irenu og Petur Ola. Palli var tó fyri tí vanlagnu at missa pápan í 1957, áðrenn hann var komin til fermingaraldur. Hann var í fyrsta árgangi, sum fór á preliminerskúla, sum byrjaði í Sørvágs Skúla í 1959. Eftir m.a. at hava verið læraravikarur í Gása­dali fór hann á Rønde Stu­ denter­kursus og tók nýmálsligt prógv har í 1966. Byrjaði sama ár at lesa etno­grafi og søgu við Aarhus Universitet. Í 1970 fór hann til Lund at lesa etnologi. Tók kandidatprógv bæði í Lund og við Arhus Universitet í 1972/73. Hann varð doktari í etnologi við Lunds Universitet í 1975. Docentur við Lunds universitet í 1980 og dr. phil. í søgu við Aarhus Universitet í 1987. Palli hevur sostatt við sínum tvinnu doktaraheitum í sínum ungu árum vunnið sær lærdóm sum neyv­an nakar annar føroyingur. Í donsku Blå Bog sæst at hann ikki hevur ligið á løtu síðan. Hann hevur verið uppi í nógvum nevndum og feløgum, ikki bara í Føroyum, men í Norðurlondum. Lat meg nevna limaskapin í Kungl. Gustav Adolfs Akademien 1994; umboðsmaður í Nordisk Forskningspolitisk Råd 1995-99 og umboðsmaður í Nordisk Forskerakademis (NorFa) styrelse 1999-2004. Eisini eiga vit her at nevna stóra arbeiðið, Jóan Pauli legði í arbeiðið sum formaður fyri grund­ lógarnevndina 1999-2006. Palli hevur lukkutíð fyri okkum valt at leggja sína arbeiðsorku í Før­ oy­um, fyrst á Føroya Fornminnis­ savni og seinni sum professari á Fróð­skaparsetri Føroya á Søgu- og Sam­felags­deildini og drúgt skeið eisini rektari setursins. Ikki tí, tað hevði ikki staðið á hjá honum, við hans­ara akademiska førningi at fingið professarastarv í einum av teim­um stóru universitetsbýunum í Norðurlondum. Her heima kennir almenningurin Palla frá hansara mongu bókum um føroyska siðsøgu. Ikki minst um lívið umborð á sluppunum, sum var hansara byrjanararbeiði. Bókin um føroyskar brúdleypssiðir skal eisini nevnast og bókin um grindina við. Nú á føðingardegnum kemur út hansara stóra og glæsiliga verk om føroyska matmentan. Hetta hevur Palli arbeitt miðvíst við nú í fleiri ár. Og gott er tað, at hesin parturin av okkara ment­an verður gjølla greinaður. Las nú um dagarnar greinina hjá Panum um hansara ferð í Føroyum, tá mesling­ arnir gingu so herviliga í 1846. Har er Panum ikki mjúkur í orðum um okk­ara matmentan, serliga tað ræsta. Vænti heilt víst, at hetta verkið, sum Palli gevur út í dag, verður eina virði­ lig avsannan av, at vit eru matligir barbarar. Sum persónur dámligur og frynt­ ligur. Hann hevur eitt opið sinn, frílyntur og tolin. Lat meg enda hesi orð við at ynskja trímenninginum úr Sørvági hjartaliga tillukku við teimum sjeyti – í tíni tægu er nógv, sum fer at gerast mentanararvur føroyinga. Pál Weihe 18. mars fingu Hanna og Benjamin Berg, Hvalba, eina dóttur. Hon var 53 cm long og vigaði 4040 gr. 26. apríl fingu Niels og Salve Nattestad Miðvágur, eina dóttur. Hon var 51 cm long og vigaði 3450 gr. 25. apríl fingu Maibritt og Áki Joensen, Miðvági, eina dóttur. Hon var 51 cm long og vigaði 3410 gr. Brúdleyp Leygardagin 02. mai giftast Árni S. S. Samuelsen, Sandavágur, og Elisa H. Joen-Jacobsen, Sandavágur. Vígslan verður í Sandavágs kirkju kl: 11.00. Døgurði og veitsla verður fyri innbodnum. Konfirmatión Tann 1. mai verður Teresa Krogh konfirmerað í Bredsten kirkju. Teresa er dóttur Peter og Kammu Krogh úr Miðvági, búsitandi í Danmark. Addressan er Vestervang 14,7182 Bredsten. Tlf:61869114 ella 61863114. Konfirmatión 2. mai verður Hans Petur Djurhuus konfirmeraður í Kvaglund kirkju í Esbjerg, Hans Petur er sonur Fríðbjørg og Jørgin Djurhuus av Strondum, búsitandi Daddlilunden 10,2th 6705 Esbjerg. Opið hús er áMalervej 1, 6715 Esbjerg N frá kl. 17,00 Konfirmatión 3. mai verður Iben Dalsgaard Bak konfirmera í Nyborg Vor Frue kirke. Iben er dóttir Fríbjørg Dalsgaard Bak og Tom Bak, tey  búgva í Sofienbjergvej 26 Nyborg Konfirmatión Sunnudagin 3. mai verður Marjun Høgnadóttir Eriksen (dóttir Randi Restorff Jacobsen og Høgna Eriksen) fermd í Sct. Jacobi kirkju. Adr.: Navervej 7, 6800 Varde.