mánadagur 4. mai 2015síða 29

5 Vinnublaðið hjá Miðlahúsinum nr. 4 I 4. mai 2015 Hann skuldi bara hjálpa til við bókhaldinum, men endaði sum setari á Norðlýsinum, tí hann dugdi blindskrift, og tað bleiv byrjanin til yrkisleiðina hjá Oliver Joensen. – Halda vit fast við tann lokala vinkulin og røkja okkara heimabeitið, hevur Norðlýsið eisini framtíðina fyri sær, sigur blaðstjórin á hundrað ára gamla lokalblaðnum Bókhaldarin sum dugdi blindskrift Vinnuvangin: Oliver Joensen Tekst og myndir: Hilmar Jan Hansen igur tú Norðlýsið, so sigur tú eisini Oliver Joensen. Meira enn nakar hevur 68 ára gamli klaks­vík­ing­urin – sum verður 69 í næsta mán­aði – í fýra áratíggjur verið ímynd­in av lokal­blaðnum hjá norð­oy­ingum, ið allan sólar­ringin er til taks á inter­net­ inum og eina ferð um vikuna kemur út í traditionellu pappírs­útgávuni. Í eina øld hevur Norðlýsið verið til, og hóast ein steðgur var í útgávuni frá 1936 til 46, reistist blaðið aftur og hevur verið ein sjálv­fylgja í føroyska blaðheiminum, har kappingar­neytarnir eru falnir – ein fyri og annar eftir – uttan at Norðlýsið enn hevur givið upp, men livir sítt fríska lív. – Skal Norðlýsið yvirlivað sum blað, so ræður um at vera til staðar í lokal­um­hvørv­ inum, tí vit hava øll hesi árini sæð, at klaks­ víkingar og norðoyingar eru øgiliga góðir við blaðið, sigur Oliver Joensen, sum tey seinnu mongu árini hevur verið maðurin aftan fyri lokal­blaðið, ið hann sigur vera ein part av handils­lívinum í Klaksvík. – Norðlýsið hevur ongantíð havt tað betri, enn tað hevur tað í dag, og tað vísir seg áhald­andi at vera neyðugt við einari lokal­ari rødd her norðuri. Eg dugi heldur ikki at síggja, at vit fáa nakað serligt negativt frá lokal­sam­felagnum, sum tvørturímóti slær ring um sítt blað. Norðlýsið er opið, so øll kunnu brúka tað, og tað eru sanniliga eisini mong, ið gera brúk av tí. Hóast vit, sum standa aftan fyri blaðið, hava okkara egnu politisku meiningar, so er blaðið sjálvt ikki tals­maður fyri nakran politiskan flokk ella nakað ávíst sjónarmið, men er ein opin og breiður miðil. Byrjaði sum bókhaldari Tað hevur ikki altíð ligið í kortunum, at Oliver Joensen skuldi koma at hava sítt lívs­starv í fjølmiðlaheiminum, tí hann lærdi á skriv­stovu og fór handilsskúlavegin. Men hann er ektaður klaksvíkingur – men eisini fjórð­ings gøtumaður – so í blóðinum lá lokal­patrio­tisman, ið ger sítt til, at hann tann dag í dag umrøður seg sjálvan sum »alvor­ligan klaksvíking«, um onkur skuldi spurt. – Nei, eg gekk ikki við nøkrum smá­ dreingja­dreymi um at gerast blaðstjóri ella nakað sovorðið, men allíkavæl havi eg minni frá Norð­lýsinum afturi úr barnaárunum. Tað fyrsta, eg minnist til Norðlýsið, var at vit sum smádreingir plagdu at fara á Klaksvíkar Prentsmiðju at bidda strimlar, tí pappír var rættiliga forkunnugt tá. Tá var prentsmiðjan í einum lítlum tilbygningi í endanum á Vaska­rínum, sigur hann. framhald...