mánadagur 4. mai 2015síða 46

22 nr. 4 I 4. mai 2015 Vinnublaðið hjá Miðlahúsinum Jákup Mørk H óast botnlinjan var nakað lægri, enn hon hevur verið seinnu árini, so kundi leiðslan í Tryggingar­felagnum aftur í ár erpa sær av einum yvirskoti í hundrað-millióna-klassanum. Áðrenn minnilutaáhugamál – tað er fyrst og fremst parturin hjá Finansiel Stabilitet í Eik Banka – varð úrslitið eftir skat 140,9 mió kr. Hetta er væl betri enn tær 70 til 100 mió kr., sum forsøgnin fyri árið miðaði eftir. Í ársfrágreiðingini staðfestir leiðslan, at høvuðs­orsøkin til at úrslitið er betri enn væntað er gongdin hjá íløguvirkseminum. – Avlopið hjá hesum virkseminum er tengt at kursbroytingum, sum er trupult at meta um, og sum samtakið leggur eina ógvuliga varisliga metan av við ársbyrjan. Úrslitið av hesum virkseminum gav eitt avlop á umleið 23 mió. kr. – Harumframt megnaði Eik Banki at fáa eitt betri úrslit enn væntað. Eik Banki metti við ársbyrjan at úrslitið fór at liggja millum 60-90 mió. kr áðrenn skatt. Úrslitið gjørdist 123 mió. kr áðrenn skatt. Orsøkin til frávikið var ávirkanin av vaksandi útlánum og mink­ andi rakstrarútreiðslum. Eik Banki hevði 101 mió. kr. í avlopi eftir skatt í 2014. Eik og restin Tað er soleiðis Eik Banki, sum hevur nógv størstu ávirkanina á úrslitið hjá TF-holding, sum er samlaða samtakið kring Tryggingar­ felagið. Verður hugt at sjálvum tryggingar­ part­inum, so var var úrslitið hjá sjálvum Tryggingarfelagnum eitt avop á 7 mió kr. eftir skatt. Saman við endur­tryggingar­virk­ seminum var samlaða avlopið 13 mió. kr. og er hetta áleið 24 mió. kr. minni enn í 2013. Leiðsla felagsins sigur seg tó vera nøgda við úrs­litið. Serliga tá hugsað verður um, at prís­ lækkingar í 2013 høvdu fullan virknað í 2014.  Betri pensjón hevði góðar 4 mió. kr. í yvirskoti eftir skatt í 2014. Tað eru 4 mió. kr. meira enn í 2013 og besta úrslitið nakrantíð hjá felagnum. Íløguparturin í samtakinum gav eitt avlop á umleið 23 mió. kr. Íløguvirksemið verður í størsta mun rikið í móðurfelagnum og dóttur­ feløgunum TF Íløgur og TF Ognir. Samlaða eginognin hjá Tryggingarfelagnum táttar nú í tríggjar milliardir krónur. Talan er tí um størsta risan í føroyskum vinnulívið Risin í føroyskum vinnulívið Roknskapur