mánadagur 4. mai 2015síða 52

vika 19 • 4. mai 2015 4 Miðlahúsið Ókeypis lýsingarblað myndasavnið úr savninum hesa vikua Eyðun Klakstein F imm ungir mans í einum rustikk­ um kjallaraumhvørvi. Framman fyri gráa grafittifongda betong­ veggin gera teir sítt til líkjast tí, teir eru – rocktónleikarar í bólkinum Aria. Eingin ivi kann verða um, at mað­ urin í leðurbuskunum fremst á mynd­ ini er sangarin í bólkinum. Jógvan Han­ sen, sum øll nú kenna sum sangara í Íslandi, byrjaði sína yrkisleið í hesum bólki. Ljómborðsspælarin Magni Hus­gaard hevur funnið sólbrill­urnar fram, meðan hinir tríggir tónleik­ ararnir tykjast meira varnir við rock­ út­trykkinum – bassspælarin Erik Biskop­stø, trummuspælarin Ólavur Wolles og gittarspælarin Petur Hans Niclasen. Myndin er tikin í einum einum kjall­ara í Klaksvík í januar 1997 nak­ að áðrenn framførsluna hjá Aria í inn­ leiðandi umfari í Prix Føroyar tónleika­ kappingini. Aria vann innleiðandi kapp­ingina í Klaksvík 1. februar hetta árið, og teir gjørdust nummar 3 í final­ uni nakrar vikur seinni. Tað var ikki minst luttøkan í Prix Føroyum, sum gjørdi bólkin landskendan. – Tá ið eg síggi hasa myndina, hugsi eg um nakrar ungar og motiver­ aðar fýrar, sum allir eru uppvaksnir í Klaksvík og komu at kennast ígjøgnum tónleikin. Vit spældu frá miðskeiðis í 90’unum fram til ártúsundskiftið, sigur Erik Biskopstø. Byrjanin Bólkurin Aria tók fyrstu fetini í 1993, men tá var samansetingin ein onnur. Johanna Thomassen var songkvinna í bólkinum, og av manningini, sum seinni myndaði bólkin, vóru bert Magni Husgaard og Erik Biskopstø við frá byrjan. Eftir Prix Føroyar kappingina í 1995 broytti Aria so líðandi skap, og tá komu hinir tónleikararnir upp í bólkin. Tónleikaliga flutti Aria seg eisini frá einum meira forritaðum popp­úttrykki til ein meira autentiskan og klassiskan popprock stíl – og tað var at stríðast ímóti tíðarrákinum í 1990’unum. – Tónleikaliga var tað ein nokk so løgin tíð, tí Nirvana og grunge høvdu næstan gjørt tað "ólógligt" hjá bólkum at spæla gittarsolo, sum ann­ars var ráðandi í 70’unum og 80’unum, Okkara tónleikur var glaður og meloidiøsur, og okkum dámdu gitta­rsoloir, so tað var eitt sindur ser­ stakt, sigur Erik Biskopstø. Spældu kring landið Aria var sera virkin bólkur seinasta partin av 1990’unum. Teir spældu nógv til dansitiltøk og konsertir kring landið. – Vit høvdu sum flestu bólkar nógv­ar góðar túrar, har vit høvdu sera stuttligar og sosialar løtur. Tá var jú ongin tunnil um Leirvíksfjørð, og man skuldi altíð yvirnáttað, tá ið man fór av bygd. Onkuntíð svav man á Leirvíkskai, tá ið bíðað varð eftir fyrsta túri sunnumorgun, greiðir Erik Biskopstø frá. Aria legði eisini eina útgávu eftir – After These Messages, sum kom út í 1999. – Ambitiónirnar vóru at geva eina fløgu út við egnum løgum og annars at sleppa at framføra tónleik fyri fólki kring landið. Vit náddu tað, sum vit settu okkum fyri, og tað fegnist eg um. Jógvan hevur so megnað at gjørt tónleikin til sítt livibreyð, so hattin av fyri tí. Hittast av og á Aria gavst at spæla um aldarskiftið. Tónleikararnir vóru tá drignir eitt sindur í hvør sín ætt í sambandi við útbúgving og annað, og sum við so nógvum øðrum føroyskum tónleika­ bólkum, rann tíðin út. – Vit hava hittst tvær ferðir, síð­ ani vit góvust í 2000, og tað er sera stuttligt at møtast í venjingar­høl­ unum, har prátið altíð gongur lysti­ liga. Tað verður prátað og flent líka nógv, sum tað verður vant, sigur Erik Biskopstø. - Jógvan, Magni og Petur Hans eru í sera góðum formi, tí teir spæla regluliga. Verri er við mær og Ólavi. Vit spæla ikki tað stóra longur, men tað er sera løgið, at tað er næstan »sum at súkkla«, tí tá ið vit hittast aftur og jamma, so tykist tað ikki, sum tað var so langt síðani. Men motorikkurin skal sjálvandi venjast aftur, sigur hann. Seinast Aria spældi var í fjørheyst, tá ið teir høvdu framførslu í KÍ-høllini í Klaksvík, og teir útiloka ikki, at onkur einstøk framførsla verður aftur í fram­tíðini. Aria náddi málinum - Ambitiónirnar vóru at geva eina fløgu út við egnum løgum og annars at sleppa at framføra tónleik fyri fólki kring landið. Vit náddu tað, sum vit settu okkum fyri, og tað fegnist eg um, sigur Erik Biskopstø, ein av tónleikarunum í bólkinum Aria Aria Myndasavnið Framyvir fara vit her í Vikublaðnum regluliga at finna gamlar myndir fram úr myndagoymsluni hjá Sosialinum. Vit fara at hitta fólk, sum eru á myndunum og tosa um gomlu myndina. Aria í januar 1997. Frá vinstru: Magni Husgaard, Erik Biskopstø, Jógvan Hansen, Ólavur Wolles og Petur Hans Niclasen Mynd: Eyðun Klakstein