týsdagur 5. mai 2015síða 19

19 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 6. mai 2015 · Nr. 51 meldurin Menna feløgini fótbóltsfakliga Seinastu tíðina hevur Pætur Smith Clementsen eisini brúkt eitt sindur av tíð uppá at seta seg inn í alt tað virk­ semi, sum FSF hevur. – Eg havi hugt inni á heima­síðuni, og eg má við­ ganga, at virksemi er nógv størri, enn hvat eg helt tað var. Tað er eitt ótrúliga vítt­ fevn­andi virksemi, ið felags­ skap­urin hevur, so upp­ gáv­ur­nar verða nógvar og ymiskar, sigur hann. Hann heldur, at ábyrgdar­ økini í nýggja starvinum hjá sær, sum fevna um eitt nú venjaraútbúgving, menning av føroyskum fótbólti, ung­ dóms­landslið og annað, gera, at starvið er eitt av avgjørdu topp­størvunum í føroyskum fótbólti. – So tað er eitt týðandi starv fyri føroyskan fótbólt, og tí hevur tú eina stóra ábyrgd yvir fyri teimum mongu, sum fáast við fótbólt í Føroyum, sigur hann. Ikki bara hyggja eftir øðrum Spurdur, hvat hann ætlar sær at leggja dent á í nýggja starv­inum, sigur Pætur Smith Clementsen, at tað er eitt sindur trupult at siga longu nú. – Men eg haldi, at tað er umráðandi, at vit í Føroyum ikki bara kopiera tað, sum onn­ur gera. Vit hava ofta sæð, at tá ið okkurt er komið fram uttanlands, so hava vit í Føroyum kopierað tað nøkur ár seinni. Eg haldi, at tað er umráðandi, at vit hyggja eftir okkara styrkjum, og hvat vit eru serliga góð til. Vit mugu brúka teir fyrimunir, ið vit kunnu fáa, sigur hann. Hann sigur somuleiðis, at tá ið hann fer í nýggja starv­ið, ætlar hann at leggja dent á at fylgja væl við í tí, sum rørir seg innan fót­bólts­ menn­ing. – Eg ætli mær at fylgja væl við nýggjastu gransking­ ini á økinum, og somu­leiðis ætli eg at brúka mítt net­verk, sum eg havi fingið við Lærda Háskúlan í Keyp­manna­ havn, so vit kunnu vera uppá for­kant við tað, sum hendir, sigur Pætur Smith Clementsen. Hann sigur at enda, at hann sær nýggja starvið sum ein gyltan møguleika at geva nakað aftur til føroyskan fótbólt. – Føroyskur fótbóltur hev­ur givið mær so ótrúliga nógv, og eg síggi hetta sum ein gyltan møguleika at geva nak­að aftur, sigur hann. terji@sosialurin.fo FAKTA Navn: Pætur Smith Clementsen Aldur: 34 ár Starv: Komandi tekniskur stjóri hjá FSF Familja: Sambúgvandi – dóttur 1 ár – 34 ára gamli Pætur Smith Clementsen úr Havn er júst settur sum nýggjur tekniskur stjóri í Fótbólts­ sambandi Føroya. Hann er sera fegin um nýggju avbjóðingina, tí slík størv hanga ikki á trøunum Privat mynd