týsdagur 5. mai 2015síða 26

Mikudagur 6. mai 2015 · Nr. 51 26 Sosialurin Hugskot og viðmerkingar – send sms til 225000 Sernámsdepilin Sálarfrøðingar til miðnámsskúlaøkið Sum ein liður í at styrkja sálarfrøðiligu tænastuna á miðnámsskúlaøkinum eru komandi skúlaár tvey spennandi og avbjóðandi størv hálva tíð sum sálarfrøðingur á miðnámsskúlunum leys at seta frá 1. august 2015 ella so skjótt tilber. Sálarfrøðingastørvini vera býtt við hálvtíðarstarvi í miðnámsskúlunum í Tórshavn og í Hovi og hálvtíðarstarvi í miðnámsskúlunum í Klaksvík, á Kambsdali og í Vestmanna. Størvini vera sett á Sernámi, men við staðseting og tænastu í skúlunum. Endamálið við eini sálarfrøðiskipan í miðnámsskúlahøpi er at gera næmingarnar betur førar fyri at gjøgnumføra miðnám og minka um fráfallið. Samstundis er endamálið at førleikamenna lestrarvegleiðingina/aðra vegleiðing í skúlunum, so hon er betur før fyri at taka hond um næmingar, sum hava tørv á sálarfrøðiligari hjálp. Í sambandi við serliga skipað miðnám luttekur sálarfrøðingurin í ráðgeving og samskipan av hesum tilboðum. Arbeiðs- og ábyrgdarøki: · Veita næmingum, sum hava tørv á tí, hjálp, samrøður og terapi í styttri tíðarskeið · Veita ráðgeving og vegleiðing til lestrarvegleiðarar, starvsfólk og foreldur · Veita innanhýsis supervisión · Samskipa sernámsfrøðilig tiltøk í samráð við skúlan · Skipa fyri fyribyrgjandi tiltøkum · Ráðgeva og vísa til/leiðbeina til onnur stuðuls- og viðgerðarstøð Harumframt vænta vit, at umsøkjari: · Dugir at nýta kanningarúrslit í ítøkiligum námsfrøðiligum- og viðgerðar- uppskotum · Kann menna sernámsfrøðiliga virksemi í miðnámsskúlunum · Kann arbeiða sjálvstøðugt og hava góð samstarvsevni · Er fúsur at royna nýggjar leiðir og tolir broytingar · Dugir at orða seg í skrift og talu Vit bjóða: · Áhugavert og avbjóðandi starv við fjølbroyttum uppgávum · Tvørfakligt mennandi umhvørvi í tøttum samstarvi við starvsbólkarnar í miðnámsskúlunum og í Sernámi · Fakligt samstarv við sálarfrøðingarnar í Sernám og onnur fakfólk · Supervisión · Førleikamenning eftir umstøðum og tørvi Førleikakrøv: Prógv sum cand. psych ella cand. pæd. psych ella útbúgving, sum er javnsett við hesar. Setanarviðurskifti: Størvini eru tíðaravmarkað til skúlaárið 2015/16, men við møguleika fyri fastari setan um tænastan verður skipað sum varandi skipan. Lønar- og setanartreytir eru sambært sáttmála millum Fíggjarmálaráðið og Akademikarafelag Føroya. Nærri upplýsingar um størvini fáast við at venda sær til Emmy Joensen, stjóra, á telefon 360200 ella í teldubrævi til emmy@sernam.fo Umsóknarfreist: Umsóknir, við avriti av prógvum, C.V. og øðrum viðkomandi skjølum, skulu vera okkum í hendi í seinasta lagi 15. mai 2015 og skulu sendast til: Sernám Á Frælsinum 32 Postrúm 2036 FO – 110 Tórshavn Ella sum teldubræv til sernam@sernam.fo Sernám hevur ábyrgdina av at samskipa sernámsfrøðiligt virksemi og veita ráðgeving til stovnar, skúlar, foreldur o. ø. sum varða av børnum og ungum. Sernám er skipað í smábarnaøki, fólkaskúlaøki og miðnámsskúlaøki. Hósd. 7. mai Spaririv • Knettir Chilli con carne • Frígg. 8. mai Lasanja • Nakkaflak Pylsurættur Leyg. 9. mai FK búffur Mán. 11. mai Fiskafrikadellur • Bankikjøt Týsd. 12. mai Fiskafat • Stoktur medistari Mik. 13. mai Stoktur fiskur • Kjøtfrikadellur Matskráin hesa vikuna Matstovan í Hoyvík Tel 660058 Frítt internet í matstovuni í Hoyvík Tel. 56 30 30 • dygdarverk@gmail.com v/Jens Kristian Hansen Bygningssnikkari