mánadagur 18. mai 2015síða 26

Mánadagur 18. mai 2015 · Nr. 56 26 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Tað vóru HB og Víkingur, sum fingu mest burturúr Kristi himmalferðar viku­ skift­inum. Felags fyri tey bæði liðini er, at tað í fyrsta trið­ing­inum av ársins kapp­ ing ikki altíð hevur verið so sann­førandi, og at tað nú kennist sum um, at tey eru komin á rætta lagið. Í 11. og 12. umfari vann Víkingur 2-1 á AB og 3-1 á ÍF, og HB vann 3-1 á KÍ og 1-0 á AB. At HB og Víkingur tóku seg tvey stig nærri toppinum komst av, at innanhýsis upp­ gerðin millum toppliðini end­ aði 2-2 við Løkin í Runavík. – Fyrra partin av 1. hálv­ leiki var NSÍ avrikið so gott, sum tað sjáldan er at síggja í føroysku kappingini. Vit megn­aðu at halda tørn og skjótt at svara aftur, eftir at teir høvdu lagt seg fram­um, og sum heild eru vit nøgdir við avrikið og 2-2 ímóti topp­ lið­num á útivølli, sigur B36 venjarin Eyðun Klakstein. – Hetta var ein finur fót­ bólts­dystur millum tvey góð lið, og javnleikurin er væl í tráð við dystargongdina. Men vit kunnu ikki vera nøgdir við ikki at vinna á heima­vølli, var viðmerkingin hjá NSÍ venjaranum Trygva Mortensen, eftir síðsta bríkslið i góðveðrinum við Løkin hósdagin. Tað er merkisvert, at í teim­um tíggju dystunum, sum vóru á skránni hósdagin og sunnu­dagin var tað bara í odda­brakinum, at úrslitið var javn­leikur. Í hinum níggju dyst­unum endaði tað við fýra heima­ sigrum og fimm útisigrum. Tølini kundu bent á, at fyri­mun­urin av at spæla á heima­vølli ikki longur er tann, sum hann onkuntíð hevur verið. Tað kann væl vera, nú vallirnir eru mest sum teir somu kring alt land­ ið. Men í hesum førinum er tað heldur tann veruleiki, at tað er so stórur munur á lið­ unum. Í 12. umfari var tað bara KÍ, sum vann tøttu uppgerðina ímóti TB á heimavølli. Í hin­ um fýra førunum var talan um útisigrar. Tað vóru fýra tey fremstu, sum vunnu favo­ritt­sigrar. Gongdin seinastu ferðir­ nar vísir, at innan­hýsis upp­gerð­ir­nar mill­um tey fremstu verða upp­aftur meiri av­ger­andi, enn tær plaga at vera. Summarsteðgur frá lands­kappingini verður eftir 17. umfar, ið er sett at vera 26. juni og fram til á ólav­søku. Inntil tá eru fimm topp­uppgerðir. 13. umfar verður 2. hvítusunnudag, og tá hittast Víkingur og B36. Annan sunnu­dag hittast NSÍ og Víkingur og B36 og HB í 14. umfari, í 15. umfari fær HB vitjan av NSÍ, og í 17. umfari hittast Víkingur og HB. Tey trý aftastu vunnu einki stig í Kristi himmal­ ferðar viku­skiftinum, og KÍ, TB og ÍF vunnu øll einaferð og taptu einaferð. Áðrenn 13. umfar verð­ ur 2. hvítusunnudag, skulu fýra tey fremstu í innan­ hýsis uppgerðum hós­dagin avgreiða fyrru hálv­final­ ur­nar í steypakappingini. Tá sær skráin soleiðis út: Víkingur-B36 og NSÍ-HB. Toppskjúttin avspákar NSÍ vann í gjár 3-1 í Vági. Eftir gott uppspæl í høgru og inn­legg setti miðvallarin Magnus H. Olsen hol á beinan­vegin. Tá tóktist tað sum um, at talan skuldi verða um avgreiðslu sigur hjá topp­liðnum. Men Jón Krosslá Poulsen javnaði, og so trúðu heima­menninir upp á tað fram ímóti steðginum. Eftir steðgin tók NSÍ skjótt spenningin burtur und­an lotinum, sum tá var frískari. Miðvallararnir Pól Jóhannus Justinussen og Haraldur R. Højgaard vóru mál­skjúttar. Harvið fór Klæmint A. Olsen aftur av vøll­inum uttan at hava skorað. Hetta er fyrsta ferðin í ár, at Klæmint hevur spælt tveir lands­kapp­ingar­dystir á rað uttan at skjóta mál. NSÍ venjarin Trygvi Morten­sen greiðir soleiðis frá: – FC Suðuroy legði nógv fyri í 1. hálvleiki, tá tað ikki rigg­aði so væl hjá okkum. Men í 2. hálv­leiki høvdu vit fult tamar­hald á. Pressan hev­ur gjørt nógv burturúr, hvussu málsøkin Klæmint A. Olsen er. Tað ber við sær, at mót­støðu­liðini hava eyka vakið eyga við honum, og tað ber aftur við sær, at tað verður betri pláss til hinar. Tí var tað gott, at tríggir mið­ vall­arar hesaferð skoraðu málini. FS Suðuroy veteranurin og lið­formaðurin Palli Augustinus­sen var ikki við. Tí var Jón Krosslá Poulsen lið­for­maður, og hann stað­ festi, at tey bæði málini tíð­ liga í 2. hálvleiki avgjørdu: – Vit gera ov nógv mistøk í verjuni. Pól Jóhannus stút­ aði eftir fríspark, og tveir min­uttir seinni var munurin tvey mál. Vit hava skorað sjey tær seinastu ferðirnar. Nú ræður um at fáa tað tætt í hin­um endanum, sigur Jón Krosslá Poulsen. Spældu grís í Streymnesi Tað var sum dreingjaspælið, har allir spælararnir eru í og kring annan brotsteigin, og bara annað málið verður brúkt. Tað er uppgerðin í Streym­nesi, har B36 vitjaði í gjár, sum er á skránni. EB/Streymur hevði fimm í verjuni og fýra á verju­kend­ um miðvølli. Tað eydnaðist í 1. hálvleiki at toga ferðina niður og at halda tætt, men so skoraði B36 tvær ferðir. – Vit ætlaðu at halda teim­um frá møguleikum og at dúva upp á skjót mót­ álop. Tað fyrra eydnaðist í 1. hálv­leiki, men vit megn­aðu ikki at spæla okkum til mál­ møguleikar. At teir skoraðu so tíðliga í 2. hálvleiki bar við sær, at tað ikki var neyðugt hjá teimum at sleppa meiri í verjuni, sigur EB/Streyma lið­formaðurin Niels Pauli Danielsen. Eyðun Klakstein, B36 venj­arin, var væl nøgdur: – At yvirvágin var so stór, og at vit vóru ópressaðir fram ímóti brotsteigin hjá teim­um ber avbjóðing við sær í at halda fokus. Tað gjørdu vit, og Andrias H. Eriksen, sum var miðverji og so flutti fram á miðvøllin, fekk hol á. Jákup á Borg stað­ festi við brotssparki, sum varð framt ímóti honum, og nú hava vit fokus ímóti hálv­ final­uni, har vit rokna við heilt øðrum slagi av dysti, sigur Eyðun Klakstein. Tað gekk akkurát hjá HB Í HB leguni var lagið gott, tá ið dómarin hevði bríkslað fyri síðstu ferð, og mál­talvan á Argjum vísti 0-1. Levi Hanssen skoraði einsa­malla málið við brotssparki. Í tí sambandi varð AB mið­verjin Rói Danielsen vístur av vølli fyri at brúka neyð­brems­ una. Tá vórðu liðini mann­ ingar­liga javnsett. Longu í 1. hálvleiki sá HB veteranurin Andrew av Fløtum gula kortið fyri aðru ferð og har­ við eisini tað reyða. So var mótbrekka hjá HB, og AB pressaði fyrstu løtuna eftir steðgin, men tað var HB, sum skoraði: – Eg skilji ikki seinna gula kortið, tí talan var ikki um frísparksstøðu. AB spælarin datt í nærdysti, og so var ikki fríspark og harvið heldur ikki gult kort. Tað er strika í rokningini ikki at fáa høvi at vera við í hálvfinaluni í Runa­vík hóskvøldið, sigur Andrew av Fløtum, og hann heldur fram: – Hóast vit vórðu undir­ mannaðir, so sást tað ikki á spælinum. Liðfelagarnir eiga rós fyri, hvussu nógv teir løgdu fyri, og tíbetur var tað ikki so leingi, at vit vóru undir­mannaðir. Jónas Stenberg í AB var vónsvikin: – Hóast vit eina løtu vóru yvirmannaðir, so megnaðu vit ikki at spæla okkum til upp­lagdar málmøguleikar. Vit arbeiða og stríðast, og spælið var ikki so galið, men á síðsta triðinginum gongur tað ikki væl. HB liðið var ikki ser­liga sannførandi, men gestir­nir fóru kortini við øllum stigunum, og tað harm­ast við um, sigur Jónas Stenberg. Víkingarnir stórtrívast í Fuglafirði Tað var eingin sling­ur í vals­ inum hjá víking­unum, sum vunnu 3-1 í grannauppgerðini í Fuglafirði, har ÍF ikki pynt­ aði um fyrr enn fram ímóti dystarenda. Víkinga liðformaðurin og miðverjin Atli Gregersen setti hol eftir eitt korter, og so vóru tað fremstu meninir Tað er í lyklauppgerðum millum tey fremstu, at fremsta plássið verður avgjørt, og tað er í lyklauppgerðum millum botnliðini, at botnplássini verða avgjørd Toppurin fær fult og botnurin er volaður Páll Lervig fc Suðuroy FC.Suðuroy tapti ídag, ímóti einum sterkari liði, sum var NSÍ, sum úrsliti eisini sigur. NSÍ vann 3-1. NSÍ liggur jú fremst í deildini. Vit muga bara hyggja frameftir. Koyr á FC.Suðuroy. fjepparin Rógvi Dam EB/Streymur Einvegis ferðsla. B 36 hevði næstan alt spæli, so tað var ikki undarligt, B 36 vann. Nú má vinnast á vespunum. Saman standa vit sterk. fjepparin Jan B. Antonioussen nsí Fyrri hálvleikur var ikki so góður hjá okkum, men í seinna hálvleiki var eingi ivi um hvør betra liðið var. Veldugt at síggja at vit ikki bara hava Klæmint at dúva uppá til at skora málini! Góðir ! fjepparin Lissi Mouritsen B36 Tórður Thomsen burdi fingið ískoyti til hendan dystin Tað var bara eitt lið í spældi fótbólt. Heilt flott B36! fjepparin Allan Enghamar hb Ikki var tað serliga pent, men vit fingu so tey 3 stigini vit skuldu hava og var tað eisini uppiborið. fjepparin Petur Asbjørn Lervig víkingur Stuttligt at síggja Víking vinna sannførandi ímotir ein "lokalum" ÍF liði.(5 tá tað var mest, 3 tá tað var minst) Má eisini nýta høvið at ynskja Atla til lukku við málinum og stuttligt at Finnur og Lava skoraðu. Nú taka vit og seta teir hvítu upp á pláss í steypakappingini. WLYV fjepparin