mánadagur 18. mai 2015síða 30

Mánadagur 18. mai 2015 · Nr. 56 30 Sosialurin Hugskot og viðmerkingar – send sms til 225000 ítróttur Lagt til rættis: Tróndur Arge Steven Gerrard: Mín Liverpool søga Úr bókarúgvuni Hetta sigur ítróttarheimurin 5 skjótir Hetta er søgan um lokala Liverpool fjepparan, Steven George Gerrard, sum hevði eitt ynski um at sleppa at spæla bara ein dyst fyri Liver­pool. Í dag munnu tey flestu vita, at Steven Gerrard fekk sítt ynski uppfylt – og meiri afturat. Hann greiðir í bólkin frá upp­vøkstrinum og til­ gongd­ini til at blíva spælari hjá Liverpool. Hann hevði eyð­sýnd evir frá byrjan, men hevur arbeitt hart fyri at røkka sínum málum. Steven Gerrard geiðir eis­ini frá fleiri av freisting­ unum, sum hann fekk frá øðrum feløgum. Millum ann­ að, tá hann í 2005 var ávegis til Chelsea. Í bókini sleppur tú handan leiktjøldini í einum av søguríkastu feløg­ unum í heiminum. Steven Gerrard takkar í ár fyri seg sum spælara í Liverpool. Við at lesa bókina skilur tú betri hví hann heldur einki Premier League gullheiðursmerki vil hava, enn at vinna tað við onkrum øðrum felagi. Les hana um... Um tú heldur við Liverpool og ert ein Steven Gerrard fjepp­ ari. Ikki lesa hana um... Um tú ikki er til reiðar at hoyra um hansara kærleika til Liver­pool. Hvussu er hon at lesa... Fyri ein ídnan Liverpool fjepp­ara er hon spennandi og skjót at lesa. Styrkir títt sam­ band til felagið. Hvat sigur tú? Um tú ikki hevur áhuga fyri Steven Gerrard ella ikki orkar fyri Liverpool, so er best at halda teg vekk. Ein bók til Liver­pool og Steven Gerrard fjepparar. trondur@sosialurin.fo Royn tína vitan um ítróttin her og nú! 1 Hvussu eita føroysku landsliðsvenjararnir í kvinnuflogbólti? 2 Hvussu eitur Steven Gerrad til millumnavn? 3 Í hvørjum landi hava U-landsliðini í hondbólti verið og spælt venjingardystir? 4 Hvat nummar var Steven Gerrard áðrenn hann bleiv nummar 8 fyri Liverpool? 5 Hvat verður italska stórfelagið Juventus eisini kallað? 6 Hvar verður Champions League finalan í ár? 7 Hvussu gamal er steven Gerrard? 8 Hvør er spælarin á myndini? Quizzin, svar: 1: Boban Ilic og Bartal Eliasen, 2: George, 3: Íslandi, 4: 17, 5: Tann gamla daman, 6: Berlin, 7: 34 ár, 8: Jákup á Borg (B36) Svarini standa niðast á síðuni, men royn teg nú fyrst Í hesum táttinum umrøða vit ítróttarbøkur. Hetta eru bøkur, sum vit hava lisið og meiningarnar eru allar okkara egnu... Sitat úr ítróttarheiminum... 1-3 røtt: Tú mást lesa in.fo og Sosialin nakað meir 4-5 røtt: Nú byrjar at líkjast 6-7 røtt: Tú fylgir bara væl við 8 røtt: Fantastiska flott, tillukku! Fimm skjótir spurningar til føroysk ítróttarfólk... ★★★★★★ Tú hevur um viku­ skiftið vunnið á Juventus U14, hvussu kul er tað? – Tað var avgjørt ein sera stuttlig uppliving. Upp­ taktin til dystin hevur verið spennandi. Vit fingu at vita, at vit vóru í bólki við Juventus fyri tveim­um vik­ um síðan, so spenn­ing­urin hevur verið sera stórur, og dreingirnir hava tosað sera nógv um júst hendan dystin. Tað, sum hevur gjørt upp­livingina enn størri, er tann italska passiónin fyri fótbólti. Áskoðararnir hava verið harðmæltir, og sjálvt um talan er um U14 dystir, so stuðla teir á sama hátt, sum vit annars kanska bara kenna frá effodeildini. Tá vit komu til kapp­ing­ ina, var lítil og eingin áhugi fyri okkara dreingjum, men aftaná at hava vunnið á Juventus merktist ein øgiligur áhugi, har fólk vildu hava vimplar, blusir, myndir og auto­graf frá leikarunum, so tað hevur avgjørt verið ein stutt­lig uppliving bæði fyri leik­arar og venjarar. Hvat er tín leiklutur í U14 Lyngby? – Hjálparvenjari Hvussu stórur er munurin á oddinum í donskum ungdóms­ fótbólti og føroyskum? – Munurin er sjálvsagt rími­ liga stórur. Danska licens­ systemið leggur upp til, at teir bestu leikarirnir flyta til tey bestu feløgini, tískil gerst mun­urin stórur. Hevur eitt mál sum venjari í framtíðini? – Málið er at kunna liva av at vera fótbóltsvenjari eftir loknan lestur. Sjálvandi ynskir ein at røkka so langt sum gjørligt, og tað er óneyð­ ugt at seta yvir­leggj­aran ov lágt. Hevur tú eina fyrimynd sum venjara? – Nei, tað havi eg sum so ikki. Eg royni at lata meg inspirera av teimum áhugaverdu venj­ arunum sum man møtir á síni leið, og sjálvandi roynir man eisini at fylgja við stóru venjarunum kring heimin, tí kanska er eisini okkurt gull­ korn at heinta har. trondur@sosialurin.fo Navn: Dan Brimsvík Føddur: 30. juni 1987 Yrki: U14 fótbólts­ venjari í Lyngby – Eg havi sæð fólk spilt teirra talent. Tað sama kanst tú ikki siga um meg. Frank Lampard í samrøðu við Dailymail – Vit ríkast ikki upp av landsliðspengum. Finnbogi Arge, formaður í HB, í kjakinum um landsliðsmilliónirnar, sum koma í føroyskan fótbólt í løtuni – Eg fari mest av øllum at sakna at spæla frammanfyri hesum áskoðarunum. Steven Gerrard, liðskipari hjá Liverpool, eftir at hava spælt sín seinasta heimadyst fyri Liverpool ? FAKTA Steven Gerrard spældi leygardagin sín seinasta heimdyst fyri Liverpool. Hann hevur umboðað felagið fleiri enn 700 ferðir og hevur verið liðskipari fleiri enn tíggju ár. 34 ára gamli enski miðvallarin skiftir í summar til LA Galaxy í USA.