hósdagur 21. mai 2015síða 18

FRÍGGJADAGUR 22. MAI 2015 SOSIALURIN 58 18 NØVN Føðingar 11. mai blivu Sunrid Ørvarodd & Leif Nielsen, Signabøur, enn einaferð foreldur og Silas bleiv stóribeiggi hjá einari so fittari diddu :) Hon vigaði 3190 gr og var 52 cm long. 5. mai fingu Katrin Emilia og Elisabet eina fitta lítla systur. Hon vigaði 3480 gr og var 50 cm long. Foreldur teirra eru Mortan og Sólgerð Joensen, Argir. 80 ára føðingardagur Fríggjadagin 22. mai verður Jógvan Joensen 80 ár. Í hesum sambandi er opið hús í Hvalvíkar missiónshúsi kl 16-20. Øll eru hjartaliga vælkomin. 80 ára føðingardagur Mánadagin 1. juni fyllir Terje Jacob­sen (Terje hjá Albert á Centralinum) 80 ár. Tit, ið vilja gleða meg, kunnu koma ein túr á Seglloftið á degnum millum kl. 14 og 18. Annfinn Brekkstein Valevni Sambandsfloksins til løgtingsvalið Eftir, at SVF í Degi & Viku vísti, hvussu illa takið á Føroya Fólka­háskúla lak og hvussu illa Menta­málaráðið og Landsverk hava umsitið almennu ognina við at lata standa til, so eru tað nógv, sum hugsa um hetta er av kleivarskapi ella gjørt við vilja. Tað var undir øllum umstøðum ein syndarlig sjón at síggja í 2015, hvussu skúlastjórin gekk uppá ovasta loft, fyri at halda skúlan lens. Ein kann ímynda sær, hvussu inniklimaði er í einum slíkum bygningi – fukt og svampur – eitt stað, sum er við at gerast heilsuskaðiligt at húsast í. Aftur her er eitt dømi um, at ein almennur bygningur í Havn vantar pening til viðlíkahald. Mentamálaráðharrin virkaði eitt sindur ivasamur at játta pening til ein almennan stovn í Havn, hví tað? Úrslitið síggja vit - háskúlastjórin skal nú ganga runt í Havn og á ein eyðmýkjandi hátt biðja havnarfólk stuðla Føroya Fólkaháskúla, sum landi umsitur og hevur ábyrgdina av at viðlíkahalda. Hevði hetta hent í veljaraøkinum hjá mentamálaráðharranum ella handlaði hetta um Tekniska Skúla í Klaksvík, so hevði hvør króna verið játtað og meira við. Tá so háskúlastjórin er liðugur at bidda í Havn, so skulu ongir hjá tí almenna seljast, áðrenn takið kann skiftast út. Hetta er ein provokatión og háðan ímóti Føroya Fólkaháskúla, bara tí hann liggur í Havn. Stevna Háskúlans er at vekja ans fyri mentan og máli, søgu og samfelag, og undirvísingin byggir bæði á tað andaliga, handaliga og skapandi. Háskúlin vil menna og upplýsa, bæði tað einstaka menniskjað og felagskapin allan. Sostatt handlar leikluturin hjá Føroya Fólkaháskúla um mentan og sosiala menning í samfelagnum fyri ávísar bólkar, sum hava tørv fyri tí, serliga ung fólk. Skulu vit bara standa og hyggja at og góðtaka slíka vanrøkt av einum stovni. Nei, eg fari í hvussu so er ikki at góðtaka hetta. Eg fari tí at heita á landsstýris­ mannin í Mentamálum, Bjørn Kalsø, um at játta tað, sum skal til fyri at skipaði viðurskifti aftur valda á Føroya Fólkaháskúla – ivist ikki í, at landsstýrismaðurin finnur eina skilagóða loysn og játtar neyðuga peningin. Føroya Fólkaháskúli – við hattinum í hondini at bidda KJAK