hósdagur 21. mai 2015síða 30

FRÍGGJADAGUR 22. MAI 2015 SOSIALURIN 58 30 Ebba Hentze farin Bókmentirnar vigaðu mest í lívinum hjá heiðraða høvundanum, yrkjaranum og týðaranum, sum støðugt hevur arbeitt við at fáa føroyskar bókmentir út í heim. Frá ungum árum gekk hon sínar egnu leiðir - millum annað las hon bókmentir og mál bæði í Rom, Wien og Sorbonne NØVN Bibliografi: 1953 Hveitikorn - yrkingasavn 1953 og seinni Fleiri stuttsøgur, prentaðar í Politikens Magasin 1981 Antonia og Morgunstjørnan - barnabók 1982 Antonia mitt í verðini - barnabók 1983 Mamman eigur meg - barnabók 1985 Kata, ein seinkaður nekrologur - prosayrking 1987 Mia, skúlagenta í Havn - barnabók 1992 Gulleygað - barnabók Bøkurnar um Antoniu vórðu skrivaðar á donskum og seinni týddar til føroyskt. tær eru lisnar upp í barnaútvarpi í Føroyum, Svøríki, Noregi, Finnlandi og Íslandi, og eru eisini givnar út í Hollandi og Belgia. Týðingar úr føroyskum til danskt • 1980 Bølgerne leger på stranden (stuttsøgusavn Jens Pauli Heinesen) • 1982 Livets Sommer (skaldsøga Oddvør Johansen). • 1984 Med Edgar Allan Poe i Solhavn (stuttsøgur Hanus Kamban) • 1986 Ligesom (yrkingar,Rói Paturson • 1988 Saltet i dampende middagsgryder, (yrkingar, Jóanes Nielsen), Ebba Hentze hevur sjálv valt yrkingar hjá Jóanesi Nielsen út, umsett tær til danskt og sett tær saman til hetta savnið. • 1990 Færøhesten, (Barnabók, Ólavur Michelsen)[10] • 1992 Gummistøvler er de eneste tempelsøjler vi ejer på Færøerne, (skaldsøga, Jóanes Nielsen) • 1994 Kirkerne på havets bund, (yrkingar eftir Jóanes Nielsen). • 1995 Grå oktober, (krimi Jógvan Isaksen) • 1998 Sting, (yrkingar, Jóanes Nielsen). • 2000 I morgen er der atter en dag (skaldsøga, Oddvør Johansen) • 2003 Blodprøver, (yrkingar,Tóroddur Poulsen) • 2005 Hedder noget land weekend? (leikrit, Jóanes Nielsen) Virðislønir og starvslønir • Statens Kunstfonds engangsydelse[12] • Barnamentanarheiðursløn Tórshavnar býráðs í 1984[13] • Drassows Legat í 1992[14] • Mentanarvirðisløn Landsins í 2001 • Lachmannska Priset í 2002 • Mentanarvirðisløn M. A. Jacobsens í 2006 • Mentanarvirðisløn Landsins í 2008 • Sømdargáva landsins í 2012 KELDA WIKIPEDIA E bba Hentze var fødd 25. sep­tember í 1930. Hon er ætt­leidd og vaks upp á Tvør­ oyri. Foreldrini vóru Petur Christian Pauli Hentze, sum var keyp­ maður, og Olivia Sophie Skaalum úr Hvalba. Sum ung fór Ebba Hentze til Dan­ markar at lesa. Fyrst tók hon studentsprógv frá Statens Kursus í Keypmannahavn í 1950. Síðani las hon bókmentafrøði og málfrøði á lærda háskúlanum í Keypmannahavn. Men Danmark var henni ikki nóg mikið, og meðan hon las, søkti hon í fleiri umførum um studning, sum gav henni møguleika at taka styttri tíðarskeið á øðrum universitetum í Evropa. Umframt at lesa í Danmark, var hon eisini gestalesandi við universitetini í Uppsala í Svøríki, Wien í Eysturíki, Rom í Italia og Sorbonne í Fraklandi. Langur vegur at fara fyri eina unga tvørágentu, og meðan javnaldrar hennara á Tvøroyri arbeiddu fisk, savnaði hon sær upplivingar og lær­ dóm úti í heimi. Tá Ebba Hentze var liðug at lesa, starvast hon eitt skifti sum for­ lagsráðgevi fyri Politiken. Hon hevur eisini starvast sum bókmentaráðgevi fyri stóra forlagið Gyldendal. Harumframt hevur hon starvast sum fríyrkisfólk fyri bæði danskt, svenskt og føroyskt radio. Ebba Hentze hevur eisini verið sera virkin týðari, og hon hevur um­ sett fleiri føroyskar bøkur úr før­ oyskum til danskt. Meðan hon búði í Danmark, umsetti hon útvið 70 bøkur úr enskum, týskum, svenskum og norskum til danskt, til dømis fyri stóra danska forlagið Gyldendal. Seinast í 70’unum flutti hon heim aftur til Føroya at búgva, og hevur búð í hjartanum á Havnini líka síðani. Hon hevur støðugt arbeitt við at gera føroyskar bókmentir kendar úti í heimi. Hon hevur týtt bøkur og hevur síðani funnið forløg, sum vóru sinnað at geva tær út - sum dømi um hetta kunnu vit nevna skaldsøgur og yrkingasøvn hjá Jóanesi Nielsen. Ebba Hentze hevur eisini havt ymsar heiðursuppgávur í Føroyum - til dømis hevur hon verið við í bólkinum, sum tilnevndi føroyskar bøkur til Bókmentavirðisløn Norð­ urlandaráðsins.