týsdagur 26. mai 2015síða 22

Mikudagur 27. mai 2015 · Nr. 59 22 Sosialurin Bátahugni Vimund Jacobsen Sundalags Bátafelag hevur leigað ein bygning á havnalagnum í Hval­ vík frá Sunda kommunu. Hetta er ein lítil bygningur, sum felagið fer at kunna brúka til ymiskar aktivitetir. Leigusáttmáli er gjørdur yvir 20 ár, og sambært formanninum í Sundalags Bátafelag, Dia Petersen, er hetta ein lagaligur sáttmáli, sum ikki verður tungur at bera hjá fe­ lagnum. – Bæði kommunan og fólk í økinum vísa okkum stóra vælvild, og tað hevði ikki borið til at havt eitt slíkt tiltak sum bátahugna, um vit ikki høvdu uppbakning í fólkinum og kommununi. Almenn wc og brúsa Dia Petersen sigur, at nú leigu­sátt­ máli er gjørdur við kommununa, ætlar felagið eisini at byggja ein lítlan tilbygning aftrat á økinum, har húsið stendur. – Hetta verður ein bygningur við almennu wc, brúsu og øðrum, og vit ætla, at tilbygningurin skal standa liðugur í apríl næsta ár, soleiðis at hann bæði verður tøkur, tá bátahugni verður aftur, og tá Sundalagsstevna verður hildin í Hvalvík næsta summar. Hann vísir á, at ætlanin er at hava eina gongd millum bygningin, sum felagið ætlar at byggja - og húsið, sum felagið nú hevur leigu­ sáttmála við kommununa um. – Vit ætla, at meginparturin av arbeiðnum, sum skal gerast, verður gjørt sjálvboðið, og soleiðis ætla vit eisini, at kostnaðurin av byggingini skal haldast so langt niðri sum gjør­ ligt. Formaðurin í Sundalags Báta­ felag sigur, at longu nú hevur fe­ lagið havt onkrar nevndarfundir í leigaða bygninginum, men ætlanin er at dagføra hølini við nýggjum gólvum, veggjum og lofti. – Hetta ætla vit at gera, áðr­ enn vit fara í holt við ætlaðu ný­ byggingina. Vit hava nógvar dugna­ ligar limir í felagnum, og her eru eitt nú fleiri timburmenn. Eg vænti tí ikki, at tað verður so trupult at fáa dagført verandi bygning. Hetta fer helst at taka nakrar leygardagar. Dia Petersen heldur, at ymiskir møguleikar eru at brúka hølini, og her hugsar nevndin eitt nú um fundartiltøk, har onkur kanska hevur eina áhugaverda ferða­frá­ søgn um bátasigling - ella onkran fyrilestur um bátar og sigling. – Eg fegnist um alla ta vælvild, sum vit hava møtt í umhvørvinum her í Sundalagnum, bæði millum fólk og í kommununi. Tá fólk eru positiv, eru tey við til at skapa eitt “lokomotiv”, og tá spreiða positivu ringarnir seg út í nærum­ hvørvinum. Mong eru við Dia Petersen sigur, at tað var eitt krav frá Sunda kommunu, at felagið varð stovnað fyri at kunna gera ein leigusáttmála. – Hetta snýr seg um nakrar formalitetir, sum skulu vera upp á pláss. Eg vænti ikki, at fólk í økinum fara at hugsa sum so, at nú vit hava fingið eitt bátafelag, so tekur nevndin sær av øllum. Soleiðis verður tað ikki, tí tað ber snøgt sagt ikki til. Vit fara at hava so mong við, sum gjørligt fyri, at øll í økinum skulu kenna seg sum ein part av tiltakinum og umhvørvinum. Formaðurin í Sundalags Báta­fe­ lag sigur, at ongantíð hava so mong sum hesaferð bjóðað seg fram til at taka eina hond í. – Hetta fegnast vit sjálvsagt um, og hetta ger tað stuttligt at skipa fyri. Fyrstu árini skuldu tøk takast fyri at fáa kabalina at ganga upp, men soleiðis er tað ikki longur. Nú er tað ein frægd at skipa fyri, tí so mong bjóða seg fram, siga Dia Petersen. – Eg fegnist um alla ta vælvild, sum vit hava møtt í umhvørvinum her í Sundalagnum, bæði millum fólk og í kommununi. Tá fólk eru positiv, eru tey við til at skapa eitt “lokomotiv”, og tá spreiða positivu ringarnir seg út í nærumhvørvinum, sigur Dia Petersen, formaður í Sundalags Bátafelag Stuttligt tá øll eru so positiv – Vit fegnast um stóru vælvildina og áhugan í økinum. Hetta ger tað stuttligt at skipa fyri. Fyrstu árini skuldu tøk takast fyri at fáa kabalina at ganga upp, men soleiðis er tað ikki longur. Nú er tað ein frægd at skipa fyri, tí so mong bjóða seg fram, siga Dia Petersen